हिबरु 2:11 - मध्‍य पुरविया थारू

¹¹ लोकसबके पबितर बनाबैबला येसु आ पबितर बन्‍यालगेल सब एकेटा परिबारके चियै। ओहैलेल उ ओइसबके, “आपन भाइ-भैया आ दिदी-बहिनसब” कहैले नै लजाइछै।

हिबरु 2:11 Referans Kwoze

हिबरु 10:14

कथिलेत एकेटा बलिदानसे पापसे पबितर करल लोकसबके उ सबदिनके लेल सिध करने छै।

हिबरु 10:10

कथिलेकी येसु खिरिस्‍ट परमेस्‍वरके इक्‍छा पुरा करल्‍कै। ओहैसे सबदिनके लेल एके चोटी आपन देहके बलिदान द्‍याके उ अपनासबके सब पापसबसे पबितर करल्‍कै।

युहन्‍ना 20:17

येसु ओकरा कहल्‍कै, “हमरा नै छु, कथिलेत अखुनतक हम पिताके लग उपर नै गेल चियै। बरु हमर भाइसबलग ज्‍याके ओकरासबके कैहदहै कि हम आपन पिता आ तोरासबके पिता, आपन परमेस्‍वर आ तोरासबके परमेस्‍वर लग उपर ज्‍यारहल चियै।”

हिबरु 13:12

ओहिनङे येसु सेहो आपन लहुसे लोकसबके पबितर बनाइके लेल सहरसे बाहर कस्‍ट भोगल्‍कै आ मरलै।

रोमी 8:29

परमेस्‍वर सन्‍सार बनाबैसे पहिने ओकरासबके चिन्‍हने छेलै आ उसब ओकर बेटा येसु खिरिस्‍ट जखा बने आ उ सब भाइ-भैयासबसे जेठ हेबे कैहके चुनल्‍कै।

युहन्‍ना 17:19

हम ओइसबके खातिर आपनेके पबितर करैचियै, ताकि उसब सेहो सत्‍यतामे पबितर हेबे।

युहन्‍ना 17:21

हम परथना करैचियै कि उ सबकोइ एक हेबे। हे पिता, जहिनङे अहाँ हमरमे आ हम अहाँमे चियै, तहिनङे ओहोसब अपनासबसङे एक हेबे, ताकि अहाँ हमरा पठाइनेचियै कैहके सन्‍सारके लोकसब बिस्‍बास करे।

मतीके लिखल सुसमाचार 25:40

तैपर रजा ओइसबके जबाफ देतै, ‘साँचे हम तोरासबके कहैचियौ कि, जे कुछो तुसब यि भाइसबमेसे सबसे छोटके लेल करलिही, उ हमरे करलिही।’

हिबरु 2:14

कथिलेत उ बेटा-बेटीसब लहु आ मासुके देह भेलासे येसु सेहो ओकरेसब जखा भ्‍याके एलै। उ आपनेसे मिरतु भोइगके मिरतुके सक्‍ती भेल सैतानके नास करल्‍कै।

गलाती 4:4

महज परमेस्‍वरके देल समय पुरा भेलाके बाद आपन बेटाके पठाइल्‍कै। उ जनिके कोखसे जलमलै आ बेबस्‍थाके अधिनमे जलमल छेलै।

परेरित 17:26

ओह्‍या परमेस्‍वर जे एक गोरासे पुरे सन्‍सारमे लोकसब रहे कैहके सब जातीसबके सिरिस्‍टी करल्‍कै। ओइसबके औरदा आ रहैबला ठाम पैहनैयेसे तोइकदेने छै।

हिबरु 11:16

महज उसब त ओहौसे सुन्‍दर, अरथात एकटा स्‍वरगके देसके इक्‍छा करने छेलै। अहैलेल परमेस्‍वर “हम ओइसबके परमेस्‍वर हेबै” कहैले नै लजाइछै, कथिलेकी ओइसबके लेल एकटा सहर तयार करने छै।

मरकुस 8:38

अइ पापी आ दुस्‍ट पुस्‍तामे जे हमर आ हमर बचनसे लाज मान्‍तै त मानबके बेटा आपन पिताके महिमामे पबितर स्‍वरगदुतसबसङे आबैतखिना ओकरसे लाज मान्‍तै।”

मतीके लिखल सुसमाचार 28:10

येसु ओकरासबके कहल्‍कै, “नै डराइ जाइजो, ज्‍याके हमर भाइसबके गालिलमे जाइले कैहदहै। ओतै उसब हमरा देखतै।”

परेरित 17:28

कथिलेत अपनासब ओकरे नामसे जियैचियै, ओकरे नाममे आनन्‍द करैचियै आ ओकरेमे अपनासबके जिबन छै। अहै बारेमे अहाँसबके एकटा कबियो कहनेछै, ‘साँचोके अपनासब ओकरे धियापुता चियै।’

लुका 9:26

महज जे हमरसे आ हमर बचनसे लाज मान्‍तै त मानबके बेटा आपन महिमामे आ परमेस्‍वर पिताके आ पबितर दुतगनके महिमामे आबैखिना ओकरसे लाज मान्‍तै।

मरकुस 3:34

तब आपन अगल-बगल रहल लोकसबके देखके कहल्‍कै, “हमर माँ आ भाइसब यिहेसब चियै!

हिबरु 3:1

ओहैसे परमेस्‍वरके बोलाबट पाबलहा पबितर जनसब, तुसब आपन धियान येसुमे लगा, जकरा अपनासब परेरित आ परधान पुजारी कैहके सुइकार करैचियै।