हिबरु 13:7 - मध्‍य पुरविया थारू

⁷ तोरासबके सुरुमे परमेस्‍वरके बचन सिखाइबला अगुवासबके नै बिसर। ओकरासबके जिबनमे एल असल परिनामके बिचार कर आ परमेस्‍वरमे ओकरासबके जखा भरोसा कर।

हिबरु 13:7 Referans Kwoze

हिबरु 13:17

तोरासबके अगुवासबके कहल बात तुसब मान आ ओकरासबके अधिनमे रह। आपन कामके लेखा परमेस्‍वरके दैलेपरतै कैहके उसब तोरासबके आत्‍मामे देखभाल करतौ। ओकरासबके कहल बात मानबिही त उसब आपन काम खुसिसे करतौ। यदि दुख माइनके करबिही त तोरासबके कुछो फाइदा नै हेतौ।

फिलिप्‍पी 3:17

हे भाइ-भैयासब तुसब हमर देखासेखी कर। हमसब तोरासबके लेल असल नमुना बनलियौ। आब ओहै नमुना अनुसार चलैबला लोकसबके पछा लाग।

हिबरु 6:12

तुसब कोढिया नै बन, महज एहैन लोक जखा बन, जे बिस्‍बास आ धिरजसे परतिग्‍या करल चिज पाबैछै।

१ थेसलोनिकी 1:6

तुसब हमरासबके आ परभुके देखासेखी करलिही, कथिलेकी सताबटमे सेहो तुसब पबितर आत्‍मासे देल सुसमाचार खुसिसे गरहन करलिही।

परेरित 14:23

जब उसब ओइसबके सब मन्‍डलीमे रेखदेख करैबलासब नियुक्‍त करल्‍कै, तब परथना आ उपासे रैहके आपन बिस्‍बास करल परभुमे ओइसबके सोइप देल्‍कै।

मतीके लिखल सुसमाचार 24:45

“के एहेन बिस्‍बास जोग्‍य आ बुधिमान नोकर चियै जेकर मालिक आपन घरके औरो नोकरसबके मुखिया बनेतै जे उ ठिकसे रेखदेख कैरके ओइसबके समयमे खान-पिनके बेबस्‍था करतै?

१ तिमोथी 3:5

कथिलेत आपन घर परिबार असलसे नै चलाबे सकैबला कनङके मन्‍डलीके देखभाल करे सक्‍तै?

हिबरु 13:24

मन्‍डलीके सब अगुवा आ सब परभुके जनसबके हमरासबके तरफसे गोरलगी सुनादहै। इटालिया देसमे भेल्‍हा भाइसब तोरासबके सेहो गोरलगी पठाइनेछौ।

१ थेसलोनिकी 2:13

हमसब परमेस्‍वरके धन्‍यबाद चरहाइते रहैचियै, कथिलेकी जै परमेस्‍वरके सत बचन हमसब तोरासबके सुनेलियौ तुसब उ बचन लोकसबके चियै कैहके नै महज परमेस्‍वरके सत बचन छै बुइझके गरहन करलिही। उ बचन तोरासबके बिस्‍बासीसबके जिबनमे काम कैर रहल छौ।

१ कोरन्‍थी 4:16

तैखातिर हम तोरासबके बिन्‍ती करैचियौ कि, तुसब हमर देखासेखी कर।

रोमी 10:17

बिस्‍बास सुनाइसे आबैछै आ सुनाइ त खिरिस्‍टके परचारसे आबैछै।

परेरित 4:31

जब उसब परथना समापत करल्‍कै तब ओइठाम जते उसब जमा भेलरहै ओते सबकोइ थरकलै आ उ सबकोइ पबितर आत्‍मासे भरलै आ उसब साहसके साथ परमेस्‍वरके बचन परचार करे लाग्‍लै।

परकास 6:9

तकरबाद थुमा पाँचम लाहटके तोरल्‍कै, तब बेदीके निचा हम ओइसबके आत्‍मासबके देखलियै, जकरा परमेस्‍वरके बचन सुनेलाके खातिर आ ओकर बारेमे गबाही देलाके खतिर काइटके मुवाइने छेलै।

परकास 20:4

तब हम सिंहासनसब आ ओइमे बैठलसबके देखलियै, जकरा नियाइ करैके अधिकार परमेस्‍वर देनेछेलै। तकरबाद हम येसुके गबाही आ परमेस्‍वरके बचन परचार करलासे मुरी कटलहासबके आत्‍मासब देखलियै। उसब जानबर या मुरतिके पुजा नै करनेरहै, नै त आपन कपार या हाथमे ओकर चेन्‍हा बनाइनेरहै। उसब फेरसे जिबित भेलै आ खिरिस्‍टसङे एक हजार बरिसतक राज करल्‍कै।

परकास 1:9

हम युहन्‍ना, खिरिस्‍टमे तोरासबके भैया चियौ। येसुमे बिस्‍बास करलाके कारन हम तोरासबसङे धिरज होके सहने चियै, जे दुख ओकर राजमे हैबलासबमे सेहो आबैछै। परमेस्‍वरके बचन आ येसु खिरिस्‍टके करल सतके बारेमे परचार करलाके कारन हमरा पत्‍मोस टपुमे कैद कैरके राखने छेलै।

२ थेसलोनिकी 3:9

सहायता पाबैके हक नै चियै से बात नै, बल्‍की तोरासबके लेल एकटा सिख हेबे कैहके हमसब ओनङ करलियै।

१ कोरन्‍थी 11:1

जहिनङ हम खिरिस्‍टके देखासेखी करैचियै तहिनङ तुसब सेहो हमर देखासेखी कर।

लुका 12:42

परभु उतर देल्‍कै, “बफादार आ बुधिमान मुखिया के चियै, जकरा ओकर मालिक आपन घरके सब कामकाजके जिमा देतै आ आपन नोकरसबके ठिक समयमे खाना दैकेलेल खटेतै।

लुका 8:11

“अइ खिसाके अरथ यि चियै, बिचहनके मतलब परमेस्‍वरके बचन चियै।

२ थेसलोनिकी 3:7

कथिलेकी कनङके हमरासबके देखासिखी करैके चाही से तुसब जान्‍बे करैचिही। हमसब तोरासबसङे रहलियौ त कोढिया भ्‍याके नै रहलियौ।

१ कोरन्‍थी 10:13

तोरासबके जिबनमे आबैबला सब परिक्‍छासब लोकसबके बिचमे आबैबला जखा हैछै। परमेस्‍वर बिस्‍बासयोग्‍य छै, जे तोरासबके सहे नै सकैबला परिक्‍छामे नै पारतौ। जब तु लोभमे परबिही परमेस्‍वर तोरा उ परिक्‍छासे बचैयोके लेल सहायता करतौ। तब तु सहैले सकबिही।

परेरित 13:46

तब पावल आ बरनाबास साहस कैरके कहल्‍कै, “परमेस्‍वरके बचन सबसे पैहने तोरासबके सुनेनाइ जरुरी छेलै, महज तोरौरके सुनैले नै मानलिही। तोरौरके आपनके अनन्‍त जिबनके योगके नै मानैचिही। आब हमसब दोसर जातीके लोकसबके परमेस्‍वरके बचन सुनाबे जेबै।

लुका 5:1

एक दिन लोकसब परमेस्‍वरके बचन सुनैले येसुके चारुदिसन भिर लागल छेलै। उ गनेसरेत दहके बान्‍हमे ठार भेलरहै।

१ पतरुस 4:11

जे बोलैबला बरदान पाबनेछै से परमेस्‍वरके बचनसे बोले। जे सेबा करैछै से परमेस्‍वरके देल सक्‍तिसे सेबा करे ताकी सब कामसे येसु खिरिस्‍ट दुवारा परमेस्‍वरके परसन्‍सा हेबे। ओकर महिमा आ सक्‍ती सबदिन रहे। आमेन।