हिबरु 13:5 - मध्‍य पुरविया थारू

⁵ तुसब आपन जिबनके रुपैया पैसाके मोहसे दुर राख। तोरासबसङे जे छौ ओहैमे सन्‍तोख कर, कथिलेकी परमेस्‍वर कहनेछै, “हम तोरा कोनो हालतमे नै छोरबौ, हम तोरा कोनो हालतमे नै त्‍यागबौ।”

हिबरु 13:5 Referans Kwoze

मतीके लिखल सुसमाचार 6:25

“अहै खातिर हम तोरासबके कहैचियौ, ‘आपन परानके लेल कथी खेबै आ कथी पिबै’ आपन देहके खातिर ‘कथी पिन्‍हबै’ कैहके फिकिर नै कर।” कि खाइ-पियैसे परान आ बस्‍तरसे देह बेसी मोलके नै हैछै?

मतीके लिखल सुसमाचार 6:34

काइलके खातिर चिन्‍ता नै कर, कथिलेत काइलके दिन आपन फिकिर आपने करतै। आइके दुख आइके लेल बहौत छै।”

कलस्‍सी 3:5

सन्‍सारमे तुसब आपन देहके इक्‍छाके मार, जनङ: बेबिचार, अधलाह बात, दुस्‍ट काम, असुध बिचार आ लोभ जे मुरतिपुजा चियै।

लुका 3:14

सिपाहीयोसब पुछल्‍कै, “हमरासबके कथी करेपरतै?” युहन्‍ना ओकरासबके कहल्‍कै, “तुसब ककरोसे जबरजस्‍ती कैरके आ झुठा आरोप लग्‍याके एको टका बेसी नै उठा। बरु आपने कमाइमे सन्‍तुस्‍ट रहैजाइजो।”

२ पतरुस 2:14

ओइसबके आँख बेबिचारसे भरल रहैछै आ कतबो पाप करैछै तैयो नै मन भरैछै। उसब चनचल मन भेल्‍हासबके फुस्‍यालैछै। ओकरसबके मन लोभसे भरल रहैछै। ओहैसे परमेस्‍वरके सराप ओइसबके उपरमे परलछै।

१ तिमोथी 3:3

महज उ मारपिट नै करैबला, दाखमध नै पिये बला, रिस नै करैबला, सान्‍त स्‍वभाबके आ पैसाके लोभ नै करैबला हैकेचाही।

एफिसी 5:5

तोरासबके यि बात जानैये परतौ, कि बेबिचार करैबला, अपबितर आ लोभ करैबला लोकके (जे मुरतिपुजा चियै) खिरिस्‍ट आ परमेस्‍वरके राजमे कोनो हक नै छै।

२ पतरुस 2:3

उसब लोभमे पैरके झुठा बातसब बनाइतौ आ तोरासबसे फैदा उठेतौ। ओइसबके दन्‍डके आदेस पहिने भ्‍यागेल छै आ ओइसबके नास पक्‍के हेतै।

एफिसी 5:3

खिरिस्‍टके पबितर जनसब भेलासे तोरासबके बिचमे बेबिचार, सब किसिमके असुध बात आ लोभ-लालचके नाम लैले नै सुहाबैछै।

१ कोरन्‍थी 5:11

हम त खिरिस्‍टियन भाइ चियै कहैछै महज बेबिचार करैछै, लोभ करैछै, मुरतिपुजा करैछै, दोसरके निन्‍दा करैछै, मतबाला आ दोसरके ठकैछै, एहेन लोकसबसङे बैठके नै खो कैहके लिखने चियौ।

लुका 8:14

काँटसबके बिचमे परेबला उसब चियै, जे कोइ सुनैछै महज पाछे जिबनके चिन्‍ता, धन, सुख-चैन के खातिर नै बरहे सकैछै।

मरकुस 7:22

लोभ, दुस्‍मनी, छल-कपट, निरलज, रिस-डाह, निन्‍दा, घमन्‍ड, मुरखता निक्‍लैछै।

यहुदा 1:11

ओइसबके खातिर यि कतहेक डर हैबला बात चियै। उसब कयिनके देख्‍याल रस्‍ता चल्‍लै। पैसाके खातिर बलामके करलहा अधलाह कामके रस्‍ता गेलै तब उसब कोरह जखा बिरोध करल्‍कै आ उसब ओकरे जखा नास हेतै।

१ कोरन्‍थी 6:10

चोरसब, लोभ करैबलासब, पियक्‍करसब, निन्‍दा करैबलासब आ लुटपाट करैबलासब परमेस्‍वरके राजके हकदार हैले नै सक्‍तै।

रोमी 1:29

उसब सब तरहके खराबी आ दुस्‍टतासे भरलछै। उसब लोभ, घिरना, दोसरके डाह, हतिया, झगरा-झाटी आ छल करैछै, झुठ बोलैछै आ चुगली लगाइछै।

मतीके लिखल सुसमाचार 6:19

“आपन खातिर पिरथिबीमे धन-सम्‍पती नै ढेरिया, जते ओकरा किरा आ बिज लाइगके नास कैरदैछै। जते चोरसब सिन कोइरके ओकरा चोरालैछै।

२ कोरन्‍थी 4:9

सताबट पाबनेचियै, तैयो नै त्‍यागल चियै। परहार कैरके खैसपरल चियै महज नास नै भेलचियै।