हिबरु 13:2 - मध्‍य पुरविया थारू

² परदेसीसबके सेबा-सत्‍कार करैले नै बिसर, कथिलेकी अहिनङ कैरके कोइ कोइ थाहे नै पाइबके स्‍वरगदुतसबके अथिती सत्‍कार करने छै।

हिबरु 13:2 Referans Kwoze

मतीके लिखल सुसमाचार 25:35

कथिलेत हम भुख्‍याल छेलियै, तुसब हमरा खाइले देल्‍ही। हम पियासल छेलियै, तुसब हमरा पियैले देल्‍ही। हम परदेसी छेलियै, तुसब हमरा आपन घरमे सेबा सत्‍कार करलिही।

रोमी 12:13

खिरिस्‍टके पबितर जनसबके खाचोमे मदत कर आ घरमे एल मेजमानसबके सेबा-सत्‍कार कर।

१ पतरुस 4:9

एक दोसरके आपन-आपन घरमे बिना कच-कच सेबा-सत्‍कार कर।

मतीके लिखल सुसमाचार 25:43

हम परदेसी छेलियै, तखुन तुसब हमरा आपन घरमे स्‍वागत नै करलिही। हम नङटे छेलियै, तखुन तुसब हमरा पिन्‍हैले बस्‍तर नै देल्‍ही। हम बिमार परल छेलियै, तखुन तुसब हमरा सेबा-सुसार नै करलिही। हम जहलमे छेलियै, तखुन तुसब भेटमुलकात करैले नै एल्‍ही।

तितस 1:8

महज उ लोक मेजवानके स्‍वागत-सत्‍कार करैबला, भलाइके काममे मन लगाइबला, ग्‍यानी, इमान्‍दार, पबितर आ आपनके बसमे राखैबला हैकेचाही।

मतीके लिखल सुसमाचार 25:40

तैपर रजा ओइसबके जबाफ देतै, ‘साँचे हम तोरासबके कहैचियौ कि, जे कुछो तुसब यि भाइसबमेसे सबसे छोटके लेल करलिही, उ हमरे करलिही।’

१ तिमोथी 5:10

अतबे नै उ असल काम करलाके खातिर सब दिसनसे आदर पावलके हैकेचाही। उ आपन बेटा-बेटीके निक जखा लालन-पालन करने आ मेजमानसबके सेबा-सत्‍कार करने रहल हैकेचाही। उ परमेस्‍वरके पबितर जनसबके टाङ धुवाइने आ दुखमे परलहासबके मदत करने रहल हैकेचाही। अहिने औरो असल असल काम करने रहल हैकेचाही।

१ तिमोथी 3:2

तै खातिर मन्‍डलीके एकटा अगुवा हैकेलेल यि जरुरी छै जे उ दोस बिनाके हैकेचाही, ओकरा एकेटा घरबाली हैकेचाही, उ धिरजी, सम्‍झदार, भलादमी, मेजमानसबके मान-दान आ लोकसबके असलसे सिखाइबला हैकेचाही।

रोमी 16:23

हमरा आ पुरे मन्‍डलीके आपन घरमे स्‍वागत करैबला गायस सेहो तोरासबके गोरलगी कहनेछौ। यि सहरके कोसाध्‍यक्‍छ इरास्‍तस आ अपनासबके भाइ क्‍वारटस सेहो तोरासबके गोरलगी पठाइनेछौ।

परेरित 16:15

जब उ आ ओकर घरके सबलोक बप्‍तिस्‍मा लेल्‍कै आ हमरासबके आगरह करल्‍कै, “यदी अहाँसब साँचोके हमरा परभुके बिस्‍बासी कहैचियै त हमर घरमे आइबके रहु।” आ उ हमरासबके जबरजस्‍ती करेलाग्‍लै ताकि हमसब ओकर घरमे जाइ।

३ युहन्‍ना 1:5

पिरिय सङि, बिस्‍बासी भाइसबके आ खास कैरके अनचिन्‍हार बिस्‍बासी लोकसबके लेल जे कुछ कैररहल चिही, तु एकटा सच्‍चा बिस्‍बास योग्‍य भ्‍याके कैर रहलचिही।