हिबरु 13:18 - मध्‍य पुरविया थारू

¹⁸ हमरासबके लेल निरन्‍तर परथना करैतरह। हमरासबके बिस्‍बास छै कि, हमरासबके बिबेक सुधछै कथिलेकी हमसब सबकाम इमान्‍दारसे करैले चाहैचियै।

हिबरु 13:18 Referans Kwoze

१ थेसलोनिकी 5:25

भाइसब, हमरोसबके लेल परथना करैतरह।

२ थेसलोनिकी 3:1

अन्‍तमे हमर भाइसब, हमरासबके लेल परथना करैतरह, ताकि परभुके बचन तोरासबके बिचमे फैलल जखा जल्‍दीसे फैले आ अकर आदरकेसाथ सुइकार हेबे।

१ तिमोथी 1:5

हमर कहैके उदेस्‍य त यि चियै कि बिस्‍बासीसब एक दोसरके परेम करे, जे परेम सुध हिरदय, असल बिबेक आ साँचोके बिस्‍बाससे मातरे आबैछै।

कलस्‍सी 4:3

खिरिस्‍टके रहसके बात लोकसबके परचार करैले परमेस्‍वर केबार उघाइरदेबे कैहके हमरासबके लेल सेहो परथना कर। अहै रहसके परचार करैके कारनसे हम जहलमे परल चियै।

रोमी 15:30

पिरिय भाइ-भैयासब, अपनासबके परभु येसु खिरिस्‍ट आ पबितर आत्‍माके देल परेमके कारन हमर दुखमे सहायता करैले हमरसङे परमेस्‍वरसे सबदिन परथना कर कैहके तोरासबसे बिन्‍ती करैचियौ।

१ पतरुस 3:21

वह्‍या पानी बप्‍तिस्‍माके एकटा रुप चियै, जे तोरासबके बचाबैछौ। यि देहके मैल उगारनाइ नै चियै, महज सुध बिबेकसे परमेस्‍वरमे करलगेल समरपनता चियै। यि मिरतुसे भेल येसु खिरिस्‍टके पुनरुथानसे तोरासबके बचाइछौ।

१ पतरुस 3:16

महज नर्‌म भ्‍याके आदरकेसाथ सुध बिबेकसे ओइसबके जबाफ दहै। यदि तुसब एहेन करबिही त, खिरिस्‍टमे भेल तोरासबके असल चालचलन देखके तोरा बदनाम करैबला आपने लाजमे परतै।

१ पतरुस 2:12

परमेस्‍वरमे बिस्‍बास नै करैबला लोकसबके बिचमे तोरासबके चालचलन निक हेबे। उसब तोरासबके खराब काम करैबला कैहके दोख लगाइतौ तैयो तोरासबके असल काम देखे आ परमेस्‍वर नियाय करैले आबैतखिना ओकर महिमा करे।

१ थेसलोनिकी 4:12

अनङ करबिही त, खिरिस्‍टमे बिस्‍बास नै करैबला लोकसब सेहो तोरासबके आदर करतौ आ तोरासबके ककरो उपरमे भर नै परे परतौ।

परेरित 24:16

तै खातिर परमेस्‍वर आ लोकसबके नजरमे हम निरदोस रहैले चाहैचियै।

परेरित 23:1

तब पावल महासभा दिसन एकटक लग्‍याके ताकल्‍कै आ कहल्‍कै, “हौ भैयारीसब, हम आपन सुध मनसे परमेस्‍वरके नजरमे आइके दिनतक निरदोस जिबन बिताइने चियै।”

फिलिप्‍पी 4:8

अन्‍तमे, भाइ-भैयासब, जे बात सत छै, जे बात असल छै, जे बात नियाय संगत छै, जे बात पबितर छै, जे बात परेम योग्‍य छै, जे बात किरपाके योग्‍य छै, अरथात जे आदरके योग्‍य छै आ परसन्‍साके योग्‍य छै तैमे मन लगा।

२ कोरन्‍थी 1:12

अइ बातमे हमसब गर्‌भ करैचियै आ हमरासबके बिबेक सेहो साक्‍छी दैछै कि, अइ सन्‍सारमे बिसेस कैरके ओइसबसङे समबन्‍धमे हमसब इमान्‍दार आ परमेस्‍वरमे पबितर जिबन बितेलियै। यि हमसब सन्‍सारके ग्‍यानसे नै महज परमेस्‍वरके अनुगरहसे पाबनेचियै।

रोमी 13:13

अपनासब दिनके इजोतमे रहल जखा असल काम कर। रातके अन्‍हारमे करल खराब काम जखा मोजमजा, मातैबला काम, बेबिचार, भरस्‍टाचार, लराइ-झगरा आ डाह करैले छोर।

रोमी 12:17

तुसब ककरो खराबके बदला खराब नै कर। जे चिज सबलोकके नजरमे आदरनिय छै, तैमे धियान दहै।