हिबरु 12:3 - मध्‍य पुरविया थारू

³ पापी लोकसब ओकर बिरोधमे जे बातसब लाबल्‍कै ओइबातसबके केनङके सहल्‍कै से बिचार कर आ तुसब नै थाक आ निरास नै हो।

हिबरु 12:3 Referans Kwoze

गलाती 6:9

भलाइ करैले नै थाक, कथिलेत अइमे लागल रहबिही त, ठिक समयमे तकर कटनी करबिही,

२ कोरन्‍थी 4:16

ओहैसे हमसब कहियो हरेस नै खाइचियै। अपनासबके सारिरीक बल घटैत ज्‍यारहलछै, तैयो अपनासबके भितरी आत्‍मिक बल दिन-दिने लया हैत ज्‍यारहलछै।

परकास 2:3

हमरा थाहछै, तुसब धिरज कैरके सहन करनेचिही आ हमर नाउके खातिर कस्‍ट पाबियोके हमरा नै त्‍यागने चिही।

१ कोरन्‍थी 15:58

तैखातिर हे हमर पिरिय भाइ-भैयासब, बिस्‍बासमे बलगर आ अस्‍थिर रह। तुसब परभुके काममे बरहैत जो, कथिलेत तुसब जानैचिही कि परभुमे तोरासबके मेहनत बेरथ नै हेतौ।

हिबरु 12:2

अपनासबके बिस्‍बास सुरु करैबला आ पुरा करैबला येसुके देख। जे पाछुसे पाबैबला आनन्‍दके लेल अपमानके कुछो नै सोइचके कुरूसमे दुख भोगल्‍कै आ अखैन उ परमेस्‍वरके सिंहासनके दहिनाकात बैठलछै।

हिबरु 3:1

ओहैसे परमेस्‍वरके बोलाबट पाबलहा पबितर जनसब, तुसब आपन धियान येसुमे लगा, जकरा अपनासब परेरित आ परधान पुजारी कैहके सुइकार करैचियै।

२ कोरन्‍थी 4:1

परमेस्‍वर दयालु भेलाके कारनसे यि सेबाके काम हमरासबके देनेछै। ओहै खातिर हमसब हरेस नै खाइचियै।

युहन्‍ना 5:16

तैल्‍याके यहुदी अगुवासब येसुके सताबे लाग्‍लै, कथिलेत उ यि काम बिसराम दिनमे करने छेलै।

हिबरु 12:5

कि परमेस्‍वर तोरासबके आपन बेटा जखा माइनके देल उपदेस बिसैरगेल चिही? उ कहल्‍कै, “हे हमर बेटा, परभुके अनुसासनके तुसब बेरथके नै समझ, उ तोरासबके गल्‍तीमे हप्‍काइछौ त निरास नै हो,

लुका 14:1

एक पबितर बिसरामके दिन येसु फरिसीसबके एक गोरे सासकके घरमे भोज खाइले गेलै। फरिसीसब ओकरा ध्‍यानसे देखैछेलै।

२ थेसलोनिकी 3:13

देख हमर भाइसब, भलाइके काम करैले कहियो नै थाक।

युहन्‍ना 18:22

येसु यि बात बोलैतखिना लगमे ठारभेल पहरेदासबमेसे एक गोरा एहेन कहैत ओकरा थापर मारल्‍कै, “कि तु परधान पुजारीसे मुहेमुहे लगैचिही?”

युहन्‍ना 8:52

तखन यहुदी अगुवासब ओकरा कहल्‍कै, “आब त साँचेके हमसब जाइन गेलियै कि, तोरा भुत लागल छौ। अबराहम मरलै आ अगमबक्‍तासब सेहो मरलै, महज तु कहैचिही कि ‘यदी कोनो लोक हमर बचनके पालन करतै त उ कहियो नै मरतै।’

युहन्‍ना 8:59

यि बात सुइनके उसब येसुके मारैके लेल पथल उठेल्‍कै, महज येसु ओइसबसे घोसैरके मन्‍दिरसे बाहर चैलगेलै।

युहन्‍ना 8:13

यि सुइनके फरिसीसब ओकरा कहल्‍कै, “अहाँ त आपन गबाही आपने दैचियै। अहाँके गबाही सुइकारे जोकर नै छै।”

युहन्‍ना 7:12

भिरके बिचमे लोकसब ओकर बारेमे गुदुरफुसुर बतियाइले लाग्‍लै। कोइ “उ निक छै” कहैछेलै त कोइ “उ त लोकसबके बहकाबै छै” कहैछेलै।

लुका 16:14

यि बात सुइनके धनके लोभी फरिसीसब येसुके मजाक उराइल्‍कै।

लुका 15:2

तब फरिसीसब आ धरमगुरुसब गुनगुनावे लाग्‍लै “यि लोक त पापी लोकसबके स्‍वागत करैछै आ ओइसबके सङे-सङे बैठके खान-पिन करैछै।”

लुका 5:21

तब यहुदी धरमगुरुसब आ फरिसीसब आपनमे कहेलाग्‍लै, “परमेस्‍वरके निन्‍दा करैबला यि के चियै? पाप छमा करैले त परमेस्‍वर बाहेक औरो कोइ नै सक्‍तै!”

लुका 2:34

सिमियोन ओकरासबके आसिरबाद देल्‍कै आ ओकर माँ मरियमके कहल्‍कै, “देख, यि बालक इजराएलमे बहुतोके पतन आ उत्‍थानके लेल आ बहुत के बिरोधमे बोलैके एकटा चेन्‍हाके लेल नियुक्‍त करनेचियै।

मतीके लिखल सुसमाचार 22:15

तकरबाद फरिसीसब ज्‍याके येसुके ओकरे कहल बातमे कनङके जालमे फस्‍याल जेतै कैहके एकमत भेलै।

मतीके लिखल सुसमाचार 21:46

तैखातिर उसब ओकरा पकरैले चाहल्‍कै, महज उसब लोकसबसे डराबै छेलै। कथिलेत लोकसब ओकरा एक अगमबक्‍ता चियै कैहके ठानैछेलै।

मतीके लिखल सुसमाचार 21:23

जब येसु मन्‍दिरमे सिक्‍छा दैछेलै तब मुल पुजारीसब आ अगुवासब ओकरलग आइबके कहल्‍कै, “कोन अधिकारसे तु यि कामसब करैचिही? यि अधिकार तोरा के देल्‍कौ?”

मतीके लिखल सुसमाचार 15:2

“अहाँके चेलासब पिता-पुरखाके समयसे चलैत एल रितिरिबाज कथिले भङ करैये? कथिले उसब खाइसे पैहने आपन हाथो नै धोबैए?”

मतीके लिखल सुसमाचार 12:24

महज यि सुइनके फरिसीसब कहल्‍कै, “यि लोक त भुतसबके रजा बालजिबुलके सक्‍तिसे भुतसब निकालैछै।”

मतीके लिखल सुसमाचार 11:19

मानबके बेटा खाइत-पियैत एलौ, तब तुसब कहैचिही, ‘देख, एकटा खाधुस, पियक्‍कर, बटी उठाइबलासब आ पापीसबके सङी!’ महज परमेस्‍वरके बुइध असल छै, से बात ओकर कामेसे परमानित हैछै।”

युहन्‍ना 9:40

यि बात सुइनके ओते ठार भेल्‍हा फरिसीसब कहल्‍कै, “कि हम्‍हुसब अन्‍हर चियै त?”

युहन्‍ना 10:20

ओइसबमेसे बहुतो गोरा कहेलाग्‍लै, “अकरा त भुत लागल छै आ बताह भेलछै। तुसब कथिले अकर बात सुनैचिही?”

१ पतरुस 2:23

जब लोकसब ओकरा अपमान करल्‍कै, तब उ कोनो जबाफ नै उल्‍टाइल्‍कै। दुख भोगैबखत ककरो धम्‍की नै देल्‍कै, महज ठिकसङे नियाय करैबला परमेस्‍वरमे भरोसा करल्‍कै।