हिबरु 12:25 - मध्‍य पुरविया थारू

²⁵ होसियार रह, तोरासबसङे बोलैबलाके इन्‍कार नै कर। यदि अइ पिरथिबीके लोकसे देल चेताबनीके इन्‍कार करैबला भागैले नै सक्‍तै त स्‍वरगसे चेताबनी दैबलाके इन्‍कार करबिही त कनङके बाचैले सकबिही?

हिबरु 12:25 Referans Kwoze

हिबरु 8:5

ओइसबके करैबला काम त स्‍वरगमे भेल बातके नकल आ छाह मातरे चियै। कथिलेत मोसा पबितर पाल बनाइ बखत परमेस्‍वरसे एहेन आग्‍या पाबने छेलै, “देख, पहारमे तोरा देख्‍याल नमुना बमोजिम तु सबचिज बनाइहे।”

हिबरु 11:7

बिस्‍बास करलाके कारनसे नोआ परमेस्‍वरके चेतावनीके सुनल्‍कै। कहियो नै देखल महज पाछु आबैबला घटनाके बारेमे परमेस्‍वर ओकरा कहने छेलै। नोआ परमेस्‍वरके बात माइनके काठके एकटा बरका पानी जहाज बनेल्‍कै आ ओइमे ढुइकके आपन परिबारके बचेल्‍कै। आपन बिस्‍बास दुवारा नोआ सन्‍सार गलत छेलै कैहके देखेल्‍कै तब उ बिस्‍बास दुवारा अपना धरमी लोक ठहरलै।

मतीके लिखल सुसमाचार 8:4

तब येसु ओकरा कहल्‍कै, “यि बात ककरो नै कहिहे! महज पुजारी लग ज्‍याके आपने आपके देखा आ मोसाके बेबस्‍था अनुसार लोकसबके निक भेल परमान देखाइके लेल भेटी चरहा।”

२ तिमोथी 4:4

उसब सत बातसब सुनैले कान मुइनलेतै महज पहिन्‍का लोकसबके बनाल बनोतरी कथामे धियान देतै।

१ थेसलोनिकी 5:15

तुसब ककरो खराबीके बदला खराबी नै कर, महज एक-दोसरके आ सके जतहेक सब लोकसबके भलाइ करैके कोसिस कर।

परेरित 7:35

“यि ओह्‍या मोसा चियै, जकरा उसब ‘के तोरा हाकिम आ नियाय करैबला बनेल्‍कौ’ कैहके असुइकार करने रहै, ओकरा परमेस्‍वर ओहै झारमे स्‍वरगदुत सङे हाकिम आ छुटकारा दैबला बनाके पठाइल्‍कै।

हिबरु 3:17

परमेस्‍वर चालिस बरिसतक ककरसे करोध करल्‍कै? कि उ पाप करैबला लोकसब नै चियै, जे उजार जगहमे मरलै?

मतीके लिखल सुसमाचार 17:5

पतरुस यि बात बाजतेछेलै कि तखुन्‍ते एकटा चम्‍कौवा बादल एलै आ छाहसे ओइसबके झाइपदेल्‍कै। तकरबाद ओइ बादलसे एकटा एहेन अबाज एलै, “यि हमर दुलरुवा बेटा चियै, अकरसे हम बहौत खुसी चियै, अकर बात धियानसे सुन।”

परकास 22:9

महज उ हमरा कहल्‍कै, “हमरा आराधना नै कर। हम त तोहर आ अगमबानी बोलैबला तोहर भाइ-भैया आ यि किताबके बचन पालन करैबलासब जखा परमेस्‍वरके सेबक मातरे चियै। परमेस्‍वरके मातरे आराधना कर!”

परकास 19:10

तब हम ओकरा आराधना करैले ठेङहुनिया देलियै महज उ हमरा कहल्‍कै, “तु एहेन नै कर। हम त तोहर आ तोहर भाइ-भैयासबसङे येसुके गबाही दैबला परमेस्‍वरके सेबक मातरे चियै। परमेस्‍वरके मातरे आराधना कर। कथिलेत जे कोइ परभु येसु खिरिस्‍टके गबाही दैछै ओकरा परमेस्‍वरसे अगमबक्‍तासबके हौसला दैछै।”

१ पतरुस 1:22

आब तुसब सतके माइनके आपन मन सुध कैरलेने चिही तहैलेल एक दोसर कोनो छलकपट नै कैरके भाइ-भैया आ दिदी-बहिन जखा परेम कर। हिरदयसे एक दोसरके परेम कर।

हिबरु 1:1

पहिन्‍का जुगमे परमेस्‍वर अपनासबके पिता पुरखासङे अगमबक्‍तासब दुवारा बहुत बेर आ बहुत किसीमसे बोलल छेलै।

हिबरु 3:12

हे पिरिय भाइ-भैयासब, होसियार रह। तोरासबमेसे ककरोमे भेल दुस्‍ट आ अबिस्‍बासी हिरदय तोरासबके जिबित परमेस्‍वरसे दुर नै लजाबे।

हिबरु 12:19

तुरहीके बरका आबाज आ एकटा बारका सोर छेलै, जे आबाजके सुनैबलासब, “आब अकरसे बेसी आबाज सुनैले नै परे” कैहके बिन्‍ती करल्‍कै।