हिबरु 12:23 - मध्‍य पुरविया थारू

²³ तुसब त परमेस्‍वरके पहिन्‍का जलमल अरथात ओकर सन्‍तानसबके सभामे एलचिही, जकर नाम स्‍वरगमे लिखलछै। उसब धरमीसबके आत्‍मा चियै, जे सिध करलगेलछै। तुसब सबके नियाय करैबला परमेस्‍वरकते एलचिही।

हिबरु 12:23 Referans Kwoze

याकुब 1:18

उ आपन इक्‍छा अनुसार सत बचनसे अपनासबके लबका जलम देल्‍कै, ताकी हमसब ओकर सिरिस्‍टीके एकटा पहिल्‍का फल जखा भ्‍यासकी।

हिबरु 11:40

कथिलेत परमेस्‍वर अपनासबके लेल अहौसे उतम चिजके योजना करने छेलै। अपनासबसङे उसब सेहो सि‍द्‍व हेबे कैहके ओकर इक्‍छा छेलै।

लुका 10:20

तैयो भुतआत्‍मासब तोरासबके अधिनमे छौ कैहके खुसी नै मना, महज स्‍वरगमे तोरासबके नाम लिखलछौ तैमे खुसी मना।”

परकास 14:4

उसब कहियो नै जनिसबसङे देहके समबन्‍ध राखने छेलै आ आपनेके सुध राखने छेलै। थुमा जते जते जाइछेलै ओकर पछा लागैबला वहेसब छेलै। परमेस्‍वर आ थुमाके लेल पहिल्‍का फलके रुपमे लोकसबके बिचसे ओकरासबके मोल तिरके छुटाइने छेलै।

परकास 20:15

जकर-जकर नाम जिबनके किताबमे लिखल नै भेटलै, ओकरासबके आइगके भठिमे फेकदेल्‍कै।

हिबरु 9:27

जहिनङ लोकसबके एकबेर मरनाइ निस्‍चित छै तहिनङ मरलाकेबाद ओकर नियाय निस्‍चित छै।

परकास 13:8

मारलगेल थुमाके जिबनके किताबमे सन्‍सारके सिरिस्‍टी हैसे पहिने नाम लिखल लोकसब बाहेक पिरथिबीमे रहैबला सबकोइ ओइ जानबरके पुजा करतै।

१ पतरुस 2:23

जब लोकसब ओकरा अपमान करल्‍कै, तब उ कोनो जबाफ नै उल्‍टाइल्‍कै। दुख भोगैबखत ककरो धम्‍की नै देल्‍कै, महज ठिकसङे नियाय करैबला परमेस्‍वरमे भरोसा करल्‍कै।

हिबरु 11:4

बिस्‍बाससे हाबिल आपन भैया कयिनसे औरो बेसी गरहन योग्‍य बली परमेस्‍वरके चरहेल्‍कै आ ओहैसे हाबिल धरमी ठहरलै। ओकर चरहाल बलीके परमेस्‍वर सुइकार करल्‍कै। हाबिल मैरके चैलगेलै तैयो ओकर बिस्‍बासके उदाहरनसे अखुनो अपनासब सिखैले सकैचियै।

१ तिमोथी 3:5

कथिलेत आपन घर परिबार असलसे नै चलाबे सकैबला कनङके मन्‍डलीके देखभाल करे सक्‍तै?

फिलिप्‍पी 4:3

हमर बिस्‍बास योग्‍य सुजुगे, हम तोरा बिन्‍ती करैचियौ, कि अइ जनिसबके मदत कर, कथिलेकी यिसब हमर सङे-सङे सुसमाचारके काममे क्‍लेमेससङे आ हमर औरो सहकरमीसङे मेहनत करल्‍कै, जकर नाम जिबनके किताबमे लिखलछै।

एफिसी 1:22

परमेस्‍वर सब बात खिरिस्‍टके अधिनमे राइखदेनेछै आ मन्‍डलीके लेल सब बातके सिर बनाइनेछै।

परेरित 20:28

तैल्‍याके तोरासबके आपनो आ आपन पुरे जेरके रेखदेख करैतरह। पबितर आत्‍मा तोरासबके ओइसबके चरबाहा बनाइनेछौ कि तोरासबके परमेस्‍वरके मन्‍डलीके रेखदेख कर, जकरा परमेस्‍वर आपन बेटाके लहुसे किन्‍नेछै।

युहन्‍ना 5:27

आ ओकरा नियाइयो करैबला अधिकार देनेछै, कथिलेत उ मानबके बेटा चियै।

कलस्‍सी 1:24

अखुन हम तोरासबके खातिर दुखो भोइगके खुसी चियौ कथिलेत खिरिस्‍टके देह अरथात मन्‍डलीके खातिर बाकी रहल दुख-कस्‍टसब हम आपन देहमे भोइगके पुरा करैचियौ।

कलस्‍सी 1:12

ओकरलेल परमेस्‍वर पिताके खुसीसे धन्‍यबाद दहै। परमेस्‍वरके इजोतके राजमे खिरिस्‍टके पबितर जनसबके पाबैबला बात तोरोसबके पाबैले सकैबला बनाइनेछौ।

२ कोरन्‍थी 5:8

अपनासबके पुरा भरोसा छै, बरु हमसब अइ भौतिक देह त्‍यागके परभुसङे रहैले चाहैचियै।

१ कोरन्‍थी 15:54

जब नास हैबला देह नास नै हैबला देहमे आ मरनसिल देह अमर रहैबला देहके रुपमे परिबरतन हेतै, तब पबितर धरमसास्‍तरमे एहेन लिखल बचन पुरा हेतै, “मिरतु हारलै, जित पुरा भेलै।”

१ कोरन्‍थी 13:12

अखुन हमसब ऐनामे धोनराह देखैचियै, महज ओइ बखतमे साफ-साफ देख्‍बै। अखुन हम कमे बुझैचियै महज ओइ बखत परमेस्‍वर हमर बारेमे सब बात जानल जखा, हम्‍हु सब बात जान्‍बै।

१ कोरन्‍थी 15:49

जहिनङे हमसब अखुन माटीसे बनल लोकके रुपमे धारन करनेचियै, तहिनङे एक दिन हमसब स्‍वरगके लोकके रुपमे धारन करबै।

हिबरु 2:12

उ कहैछै, “हम आपन भाइ-भैया आ दिदी-बहिनसबके अहाँके नाउके घोसना करबै, हम सभाके बिचमे अहाँके परसन्‍सा करबै।”

परकास 6:9

तकरबाद थुमा पाँचम लाहटके तोरल्‍कै, तब बेदीके निचा हम ओइसबके आत्‍मासबके देखलियै, जकरा परमेस्‍वरके बचन सुनेलाके खातिर आ ओकर बारेमे गबाही देलाके खतिर काइटके मुवाइने छेलै।

परकास 6:11

परमेस्‍वर ओइसब हरेकके एकटा-एकटा उजर बस्‍तर देल्‍कै आ ओकरासबके अनङ कहल्‍कै कि तोरासबके सङी सेबक आ भाइसबके तोरेसबके गन्‍ती जतहेक नै मारैतक बिसराम कर।