हिबरु 12:16 - मध्‍य पुरविया थारू

¹⁶ कोइ नै फेन ककरोसे अनैतिक सरिरके यौन समबन्‍ध नै राख या एसावके जखा अधरमी नै हो, जे एक छाक खानाके लेल उ आपन पाबलहा जेठौस हक बेचदेल्‍कै।

हिबरु 12:16 Referans Kwoze

परकास 22:15

महज कुतासब जखा खराब लोकसब, जादु-टोना करैबलासब, बेबिचारीसब, हतियारासब, मुरती पुजा करैबलासब, झुठ मन पराइबला आ तै अनुसार जिबन बिताइबलासब सहरसे बाहरे रहतै।

हिबरु 13:4

सब लोकसबके बिचमे बियाह आदरनिय हेबे। घरबला आ घरबाली बिचके बैबाहिक जिबन बिस्‍बास योग्‍य हैकेचाही। कथिलेकी अनैतिक काम करैबला आ दोसरके घरबला या घरबालीसङे बिगरैबला सबके परमेस्‍वर दन्‍ड देतै।

परेरित 15:29

आब मुल बातसब एह्‍या चियै- मुरुतके चरहौवा खाइबला कोनो चिज नै खो, कुछोके लहु, कन्‍ठ किचके मारल पसुके मौस नै खो, बेबिचारसे अलग भ्‍याके रह, यि बातसबके पालन करबिही त तोरासबके लेल असल हेतौ। तोरासबके भलाइ हेबे। बिदा।

मरकुस 7:21

कथिलेत सब परकारके नै निक बातसब मनके भितरसे खराब बिचार, अनैतिक समबन्‍ध, चोरी, हतिया, बेबिचार

परकास 21:8

महज डरपोकसब, बिस्‍बास नै करैबलासब, घिनलागैबला काम करैबलासब, हतियारासब, बेबिचारीसब, जादु-टोना करैबलासब, मुरती पुजा करैबलासब आ झुठ बोलैबलासबके ठाम त आइग आ गन्‍धक बरैबला भठिमे हेतै। यि दोसर मिरतु चियै।”

कलस्‍सी 3:5

सन्‍सारमे तुसब आपन देहके इक्‍छाके मार, जनङ: बेबिचार, अधलाह बात, दुस्‍ट काम, असुध बिचार आ लोभ जे मुरतिपुजा चियै।

एफिसी 5:5

तोरासबके यि बात जानैये परतौ, कि बेबिचार करैबला, अपबितर आ लोभ करैबला लोकके (जे मुरतिपुजा चियै) खिरिस्‍ट आ परमेस्‍वरके राजमे कोनो हक नै छै।

२ कोरन्‍थी 12:21

तोरासबके भेटैले फेर एबौ त परमेस्‍वर हमरा तोरासबके अगा निच बनाइतै कैहके हमरा डर लागैछै। जेसब पहिने पाप करने छेलै आ तोरासब आपनेसे करल असुध काम, बेबिचार, घिनलागैबला छाडा कामसे पस्‍चताप नै करनेचिही त हमरा निच बनैले परतै।

१ कोरन्‍थी 10:8

अपनासब ओकरेसब जखा बेबिचारमे नै फस जनङ उसब फस्‍लै आ एके दिनमे तइस हजार लोक मरलै।

परेरित 15:20

महज उसब यि बात लिखके पठेल्‍कै, कि उसब ‘मुरुतके चरह्‍याल चिजसबसे, बेबिचारसे, कन्‍ठ दाइबके अरथात लहु नै बह्‍याके मारल पसुके मौस आ लहुसे अलग रहे।’

एफिसी 5:3

खिरिस्‍टके पबितर जनसब भेलासे तोरासबके बिचमे बेबिचार, सब किसिमके असुध बात आ लोभ-लालचके नाम लैले नै सुहाबैछै।

१ तिमोथी 1:9

अपनासब यि बात जानैचियै कि बेबस्‍था असल लोकके लेल नै बनलछै महज अकर बेबस्‍था भङ करैबलासबके लेल, अपराध करैबलासबके लेल, आग्‍यापालन नै करैबलाके लेल, भक्‍तीहिन आ पापीसबके लेल, अपबितर आ दुस्‍ट, अधरमी आ आपन बाप-महताइरसबके हतिया करैबलासबके लेल आ औरोसबके हतिया करैबलासबके लेल बनलछै।