हिबरु 12:10 - मध्‍य पुरविया थारू

¹⁰ अपनासबके सारिरीक बाबु त ओकरासबके असल लागल अनुसार अपनासबके सुधार करैके लेल कुछदिन सजाय दैछै, महज अपनासबके परमेस्‍वर पिता अपनासबके भलाइ हेबे आ अपनासब ओकरे जखा पबितर हैले सकै कैहके सुधार करैके लेल सजाय दैछै।

हिबरु 12:10 Referans Kwoze

२ पतरुस 1:4

ओकर महिमा आ भलाइके कारन उ अपनासबके अनमोल आ महान परतिग्‍यासब उ अपनासबके देनेछै, ताकी अइ सन्‍सारके अधलाह इक्‍छासे आबैबला बेकार बातसे बाँइचके इस्‍वरीय स्‍वभावमे सहभागी हो।

तितस 2:14

येसु खिरिस्‍ट अपनासबके सब पापसबसे मुक्‍तीदैले आ सब खराबिसबसे छुटकारा दैले आपन परान निछावर करल्‍कै। उ यि चाहल्‍कै कि हमसब असल काममे उत्‍सुक हेबी आ ओकर अपने निज लोक हेबेसकी।

कलस्‍सी 1:22

महज आब खिरिस्‍टके देहके बलिदानसे परमेस्‍वर तोरासबके आपनसङे सुध, पबितर आ निरदोस कैरके मेलमिलापमे आन्‍नेछौ।

एफिसी 4:24

लया स्‍वभाब धारन करैके लेल तुसब परमेस्‍वरके स्‍वरुपमे बनल चिही, अहैसे परमेस्‍वरके इक्‍छा जखा तोरासबके चालचलन धरमी आ पबितर हेबे।

१ पतरुस 2:9

महज तुसब त परमेस्‍वरके छानल जन, राजकिय पुजारी, पबितर जाती, निजी परजा चिही। उ तोरासबके अन्‍हारसे ओकर अचमके इजोतमे आनल्‍कौ, ताकी तुसब ओकर आस्‍चरजके कामसबके घोसना करैले सक।

१ पतरुस 2:5

तुसब जिबित पथल चिही। परमेस्‍वर तोरासबके परयोग कैरके आपन आत्‍मिक मन्‍दिर बन्‍यारहलछौ, ताकी तुसब पबितर पुजारी भ्‍याके येसु खिरिस्‍टसे परमेस्‍वरके मनपरैबला आत्‍मिक बलिदान चरहाइले सकबिही।

हिबरु 12:14

जम्‍मे लोकसबसङे मिलके सान्‍तीमे रह आ पबितर जिबन जियैके कोसिस कर, कथिलेत पबितर नै भ्‍याके कोइयो नै परमेस्‍वरके देखैले सक्‍तै।