हिबरु 11:6 - मध्‍य पुरविया थारू

⁶ बिस्‍बास बिना परमेस्‍वरके खुसी करनाइ असम्‍भवछै, कथिलेकी जे परमेस्‍वरके नजदिक आबैछै, उ परमेस्‍वर छै आ ओकरा खोजैबलासबके इनाम देतै कैहके पक्‍का बिस्‍बास करेपरतै।

हिबरु 11:6 Referans Kwoze

मतीके लिखल सुसमाचार 6:33

महज सबसे पैहने ओकर राज आ धारमिकताके खोजि कर तब उ सबचिज तोरासबके खातिर औरो बेसीसे देतौ।

लुका 12:31

महज पहिने परमेस्‍वरके राजके खोजि कर तब यि सब चिजसब तोरासबके थैपके देतौ।”

हिबरु 7:25

अहैलेल येसुमे बिस्‍बास कैरके परमेस्‍वरके लग आबैबलासबके उ सबदिन उधार करैले सकैछै, कथिलेत ओइसबके लेल परमेस्‍वरसङे परथना करैले सबदिन जिबितछै।

रोमी 10:14

महज जे ओकरमे बिस्‍बासे नै करने छै, उ कनङके ओकरा पुकारतै? जकर बारेमे सुन्‍बे नै करने छै, तकरमे कनङके बिस्‍बास करतै? ओकर बारेमे कोइ परचार नै करतै त कनङके सुन्‍तै?

हिबरु 3:12

हे पिरिय भाइ-भैयासब, होसियार रह। तोरासबमेसे ककरोमे भेल दुस्‍ट आ अबिस्‍बासी हिरदय तोरासबके जिबित परमेस्‍वरसे दुर नै लजाबे।

युहन्‍ना 14:6

येसु कहल्‍कै, “बाट, सत आ जिबन हम्‍ही चियै। बिना हमरसे कोइ नै पितालग पुइग सकैछै।

२ पतरुस 1:5

तैल्‍याके तुसब सब परकारके मेहनतसे आपन बिस्‍बासमे सदगुन आ सदगुनमे ग्‍यान थप,

हिबरु 4:6

पहिने सुसमाचार सुनैबलासब बिसराम करैबला ठाममे ढुकैले नै पाबल्‍कै, कथिलेकी उसब परमेस्‍वरके कहल बात नै मानल्‍कै, महज अखुनियो औरो कतहेक लोक बिसराम दैबला ठाममे ढुकैले बाकी छै।

गलाती 5:6

खिरिस्‍ट येसुमे नै त खतनाके नै त बेखतना कोनो मोल छै। महज एकेटा बातके मोल छै, उ यि चियै, अपनासब बिस्‍बासके कारन एक-दोसरके परेम करैचियै।

२ पतरुस 3:14

ओहैसे, हे हमर पिरिय सङिसब, ओइ दिनके आसमे रहैतकाल परमेस्‍वरके नजरमे सुध, निरदोस आ सान्‍तीमे रैहके जिबन जियैले कोसिस कर।

युहन्‍ना 8:24

अहैलेल हम ‘तुसब आपने पापमे मरबिही’ कहलियौ। यदि हम ओह्‍या चियै कैहके बिस्‍बास नै करबिही त तुसब साँचोके आपन पापमे मरबिही।”

२ पतरुस 1:10

तैल्‍याके हे भाइसब, परमेस्‍वर तोरासबके बोलाइनेछौ आ चुन्‍ने छौ से बात आपन जिबनमे परमानित करैले एकदम कोसिस करैतरह। तुसब एहैन करबिही त, बिस्‍बाससे कहियो नै गिरबिही।

हिबरु 7:19

कथिलेत उ बेबस्‍था त कोनो लोकके सिध बनाइले नै सकल्‍कै महज आब त ओहौसे असल दोसर आसा अपनासबके देलगेलछै, जे अपनासबके परमेस्‍वरके औरो लगमे पुगाइछै।

हिबरु 4:2

कथिलेत अपनोसबके सेहो ओइसबके जखा सुसमाचार परचार करलगेलछै, महज उसब ओइ सुसमाचारमे बिस्‍बास नै करलाके कारन ओकरासबके कुछो फाइदा नै करल्‍कै।

परकास 21:8

महज डरपोकसब, बिस्‍बास नै करैबलासब, घिनलागैबला काम करैबलासब, हतियारासब, बेबिचारीसब, जादु-टोना करैबलासब, मुरती पुजा करैबलासब आ झुठ बोलैबलासबके ठाम त आइग आ गन्‍धक बरैबला भठिमे हेतै। यि दोसर मिरतु चियै।”

हिबरु 11:26

मिसर देसके धन-सम्‍पतीसे त बरु खिरिस्‍टके लेल निन्‍दीत हैले उ मुल्‍यबान सम्‍पती ठानल्‍कै। कथिलेकी उ आपन नजर इनाम दिसन लगाइने छेलै।

मरकुस 16:17

तब बिस्‍बास करैबलासब यि काम करतै- उसब हमर नाममे भुतसब भगाइतै, आन भसासब बोल्‍तै,

लुका 6:35

“महज आपन सतरुसबके परेम कर आ ओकरासबके भलाइ कर तब कोइ फिरता करतौ तै आसमे पैंचा नै दहै। तैसे तोरासबके इनाम बरका हेतौ तब तुसब महान परमेस्‍वरके बेटाबेटी कहाइबिही। कथिलेत उ बेगुनिया आ स्‍वारथी लोकसबके परेम करैछै।

मतीके लिखल सुसमाचार 6:16

“जब तुसब उपास बैठैचिही तब कपटी जखा उदास चेहरा नै देखा। कथिलेत लोकसबके उपास बैठल देखाइले उसब आपन मुह मलिन करने रहैछै। साँचे हम तोरासबके कहैचियौ, ओकरासबके मिलैबला पुरे इनाम मिलगेलछै।

मतीके लिखल सुसमाचार 6:5

“जब तुसब परथना करैचिही त, तखुन कपटी जखा नै बन, कथिलेत उसब सभाघरसबमे आ रस्‍ताके कात-करौतके लोकसब देखे कैहके ठरा भ्‍याके परथना करैछै। साँचोके, हम तोरासबके कहैचियौ, उसबके आपन इनाम मिलगेलछै।

मतीके लिखल सुसमाचार 5:12

तब खुसी आ आनन्‍द मना, कथिलेत तोरासबके खातिर स्‍वरगमे बरका इनाम राखल छौ। अहिनङे तोरासबसे पहिनेके अगमबक्‍तासबके उसब सताइने रहै।

मतीके लिखल सुसमाचार 11:26

हँ पिता, कथिलेत अहाँके अहिनङ करैले असल लागल।