हिबरु 11:36 - मध्‍य पुरविया थारू

³⁶ कतहेकके गिल्‍ला सहैले परलै, कोरा खाइले परलै, झिझिरसे बन्‍हाके जहलमे परलै।

हिबरु 11:36 Referans Kwoze

हिबरु 10:34

तुसब जहलमे परलहा लोकसबके दया देखाइलिही, आपन सम्‍पती लुटलगेलै तैयो खुसिसाथ सहन करलिही, कथिलेकी तुसब जानैछेल्‍ही, कि औरो उतम आ सबदिन रहैबला सम्‍पती आपनेसङे छै।

मतीके लिखल सुसमाचार 23:34

ओहैसे हम तोरासबके लग अगमबक्‍तासब, बुधिमान लोकसब आ धरमगुरुसब पठेबौ। तोरासबमेसे कतहेक गोरा ओइसबके मारबिही आ कतहेकके कुरूसमे लटकेब्‍ही आ कतहेक गोरेके सभाघरमे कोरासे पिटबिही आ एक सहरसे दोसर सहर तक खिहारबिही।

परकास 2:10

तोरा जे कस्‍ट परेबलाछौ ओइसे नै डरा। तोहर बिस्‍बास जाँचके लेल सैतान तोरासबमेसे कतेक लोकके जहलमे ढोकतौ। अहिनङ कैरके तोरासबके दस दिनतक कस्‍ट सहैले परतौ। तु मिरतु तक हमरमे बिस्‍बास करैले नै छोर। तब हम तोरा जिबनके मुकुट देबौ।’

२ तिमोथी 2:9

ओह्‍या सुसमाचार जकर खातिर हम दुख काटैचियै आ अपराधी जखा झिझिरसे बान्‍हल चियै। महज परमेस्‍वरके बचनके बान्‍हे नै सक्‍तै।

२ तिमोथी 1:16

परभु ओनेसिफरसके घरानाके किरपा राखे, कथिलेत उ हमरा जतेक बेर भेटै ततेक बेर हौसला बरहाइत रहै। हमर हाथमे जंनजिर बान्‍हल छेलै तैयो उ लाज नै मानल्‍कै।

एफिसी 4:1

ओहैसे हम परभुके सेबा करैबला कैदी, तोरासबके बिन्‍ती करैचियौ, कि जे बोलाबटमे परमेस्‍वर तोरासबके बोलाइनेछौ तै अनुसारके जिबन बिता।

परेरित 24:27

दुइ बरिसके बाद फेलिक्‍सके ठाममे परकियस फेस्‍तस बडा-हाकिम भेलै। तब उ यहुदीसबके खुसी राखैले पावलके जहलेमे बन्‍द कैरके गेलै।

परेरित 21:33

सेनापती पावलके पकरल्‍कै आ दुइटा घुरीसे बान्‍हैले लगाइल्‍कै आ लोकसबके पुछल्‍कै, “यि लोक कथी करल्‍कै? यि लोक के चियै?”

परेरित 8:3

महज अने साउल घर-घरमे ढुइकके बिस्‍बासी मन्‍डलीके नास करैले कोसिस करैतरहै। उ मरद आ जनी सबके पकैरके घिस्‍याइते लज्‍याके जहलमे ढोइक दैछेलै।

परेरित 5:40

तब महासभाके सदससब गमलिएलके सल्‍लाह मानल्‍कै। तब उसब परेरितसबके भितर बोल्‍याके मारपिट करल्‍कै आ “येसुके नाममे नै बोलिहे” कैहके आग्‍या द्‍याके ओइसबके छोइरदेल्‍कै।

परेरित 5:18

आ परेरितसबके पकैरके सारबजनिक इस्‍थानिय जहलमे राइखदेल्‍कै।

परेरित 4:3

तब उसब पतरुस आ युहन्‍नाके पकरल्‍कै आ बिहानतक थुनुवामे राखल्‍कै, कथिलेत ओइ बखत साँझ पैरगेल छेलै।

लुका 23:36

सिपाहीयोसब आइबके येसुके गिल्‍ला करल्‍कै। गन्‍हौवा अङगुरके मध पियैले देल्‍कै,

लुका 23:11

हेरोद आपन सेनासबसङे येसुके गिल्‍ला करैत ओकरा अपमान करल्‍कै। तकरबाद ओकरा रजासब जेहेन बस्‍तर लगाइछै तैहनङे बस्‍तर पिन्‍हाके पिलातसलग घुम्‍याके पठादेल्‍कै।

लुका 18:32

उ रोमी सासकसबके हाथमे परतौ आ लोकसब ओकरा गिल्‍ला करतौ, थुक्‍तौ, दुरबेबहार करतौ,

मरकुस 10:34

तब उसब ओकरा हसी उराइत, ओकरा थुक्‍तौ आ ओकरा कोरासे पिटतौ आ माइर देतौ। महज तिन दिनके बाद उ फेनो जिबित भ्‍याके उठतौ।”

मतीके लिखल सुसमाचार 27:26

तकरबाद उ बारब्‍बाके ओकरासबके लेल छोइरदेल्‍कै महज येसुके कोरासे पिटके कुरूसमे लटकाइले सिपाहीसबके जिमा लगेल्‍कै।

मतीके लिखल सुसमाचार 21:35

महज उ बटिदारसब मिलके उ नोकरसबके पकैरके एकटाके पिटल्‍कै, दोसरके माइरदेल्‍कै आ तेसरके पथलसे मारल्‍कै।

मतीके लिखल सुसमाचार 20:19

तब ओकरा गैर-यहुदीसबके हाथमे सौपतै। ओकरा गिल्‍ला करतै, कोरासे पिटतै आ कुरूसमे टाङइके माइरदेतै। महज फेनो उ तेसर दिनमे जिबित भ्‍याके उठतै।”

एफिसी 3:1

तैखातिर हम पावल, तु गैर-यहुदीसबके खातिर खिरिस्‍ट येसुके सुसमाचार सुनाइबला काम करैबखत जहलमे परलचियै।