हिबरु 11:25 - मध्‍य पुरविया थारू

²⁵ उ पापके छनिक सुखबिलास भोगसे त बरु परमेस्‍वरके लोकसबसङे अतियाचार सहैले चुनल्‍कै।

हिबरु 11:25 Referans Kwoze

२ कोरन्‍थी 5:17

अहैलेल यदि कोइ खिरिस्‍टमे छै त उ लोक लया सिरिस्‍टी चियै। पुरना जिबन बितके चैलगेलै, देख, आब लया जिबन सुरु भेलछै।

परकास 18:7

उ जतहेक मान-सम्‍मान आ भोग-बिलास करने छै, ओतबेहेक ओकरा दुख आ सोक दहै। कथिलेत उ मनमने कहैछै, ‘हम त महरानी चियै, हम बिधुवा नै चियै, हमरा कहियो सोक करैले नै परतै।’

१ पतरुस 2:10

पहिने त तुसब परमेस्‍वरके जन नै छेल्‍ही, महज अखुन परमेस्‍वरके जन भेलचिही। पहिने तुसब परमेस्‍वरके दया नै पाबनेछेल्‍ही, महज अखुन तुसब परमेस्‍वरके दया पाबनेचिही।

याकुब 5:5

तुसब पिरथिबीमे बहौत भोग-बिलासके जिन्‍गी बिताइने चिही आ भोग हैबला दिनके खातिर आपन देह पाइलके राखनेचिही।

याकुब 1:20

कथिलेत लोकके तामससे परमेस्‍वरके धारमिकता नै आनैछै।

हिबरु 11:37

ओइसबके पथलसे मारल्‍कै। कतहेकके आरिसे चिरके दुइ फाक कैरदेल्‍कै। कतहेकके तलबारसे काटल्‍कै। कतहेक लोक गरिबी, अतियाचार आ दुरबेबहार सहैत भेरा आ बकरीसबके छाला लग्‍याके अने-ओने घुमैत रहलै।

हिबरु 10:32

बितलहा दिनसबके याद कर, ओइ बखत परमेस्‍वरके ग्‍यान पाइबके तुसब बहुत दुख कस्‍ट भोगलिही, तैयो तुसब हार नै मानलिही।

हिबरु 4:9

परमेस्‍वर सातम दिनमे बिसराम करल जखा, परमेस्‍वरके लोकसबके लेल बिसराम दिन बाकिछै।

२ तिमोथी 1:8

तै खातिर आपनौरके परभुके गबाही दैले लाज नै मान आ हम ओकरलेल जहलमे परलियै से बात सोइचके लाज नै मान। महज परमेस्‍वरके सक्‍तीमे सुसमाचार सुनाइबला कामके लेल दुख भोगैले तु हमरसङे सामेल हो।

कलस्‍सी 1:24

अखुन हम तोरासबके खातिर दुखो भोइगके खुसी चियौ कथिलेत खिरिस्‍टके देह अरथात मन्‍डलीके खातिर बाकी रहल दुख-कस्‍टसब हम आपन देहमे भोइगके पुरा करैचियौ।

रोमी 5:3

अतबेक नै, हमसब आपन दुख-कस्‍टमे सेहो आनन्‍द मनाबैचियै कथिलेत हमसब जानैचियै कि दुख-कस्‍टसे सहनसिलता उतपन कराबैछै,

लुका 16:25

महज अबराहम ओकरा कहल्‍कै, ‘बेटा याद कर त, तु आपन जिन्‍गीमे सबचिज असले-असलसे भोग बिलास करलिही महज लाजरस दुखे-दुख काटल्‍कै। आब उ अते सुखमे छै आ तु दुखमे चिही।

मतीके लिखल सुसमाचार 13:21

महज उ बचन ओकर हिरदयमे नै गरलाके कारन कुछदेर मातरे रहैछै। तब परमेस्‍वरके बचनमे बिस्‍बास करलाके कारन जब दुख आ सताबट आबैछै तब बिस्‍बाससे पछा हैट जाइछै।

परेरित 7:34

हम देखलियै मिसरमे हमर लोकके कनङ सताइछै आ उसब दुखमे कनङ कुहरैत सेहो सुनलियै। हम तोरेसबके बचाइले एलचियौ। आब हम तोरा मिसरदेसमे पठेबौ।’