हिबरु 11:17 - मध्‍य पुरविया थारू

¹⁷ परमेस्‍वर अबराहमके जाँच करैबेर बिस्‍बासके भरमे अबराहम आपन बेटा इसहाकके बली चरहाइके लेल तयार भेलै। अबराहम परतिग्‍या करल चिज त पाबने छेलै, तैयो उ आपन एकलौता बेटाके बली चरहाइके लेल तयार भेलै।

हिबरु 11:17 Referans Kwoze

परकास 3:10

पिरथिबीके सब जातीसबके जाँचैले अइ सन्‍सारमे आबैबला दुख कस्‍टसे हम तोरा बचाइबौ, कथिलेकी तुसब बहुत बात सैहके हमर आग्‍यापालन करनेचिही।

याकुब 5:11

धिरज करैबला लोक आसिस पाबैछै से बात हमसब जानैचियै। अय्‍युब धिरज राखल्‍कै आ परभु ओकरा दया आ किरपा देखाइल्‍कै से बात ओकर जिबनमे अस्‍पस्‍ट देखापरैछै।

१ पतरुस 4:12

हे पिरिय भाइसब, तोरासबके जाचैके लेल अगनी परिक्‍छा एल बखत, यि नै हैबला काम चियै कैहके तुसब अचम नै मान।

हिबरु 7:6

महज पुजारी मल्‍कीसेदेक त लेबी बंससे नै छेलै, तैयो उ अबराहमसे दसान्‍स पाबल्‍कै। उ परमेस्‍वरके परतिग्‍या पाबैबला अबराहमके आसिरबाद देल्‍कै।

२ कोरन्‍थी 8:12

यदि तोरासबके दैके इक्‍छा छौ त, तोरासबसङे जे छौ, ओहैमेसे देल परमेस्‍वर सुइकार करैछै, महज तोरासबसङे नै भेल चिज परमेस्‍वर नै माङैछै।

युहन्‍ना 3:16

कथिलेकी परमेस्‍वर सन्‍सारके लोकसबके एहेन परेम करल्‍कै कि उ आपन एकलौता बेटाके देल्‍कै। ओकर उपर बिस्‍बास करैबला नास नै हेतै, महज उ अनन्‍त जिबन पाबतै।

हिबरु 11:13

उ सबलोक परमेस्‍वरके परतिग्‍या करल बात नै पाइबके बिस्‍बासेमे मरलै। उसब परमेस्‍वरके परतिग्‍या करल बात दुरेसे देखल्‍कै आ स्‍वागत करल्‍कै, तब उसब अइ पिरथिबीमे आपनेके परदेसी आ परबासी चियै कैहके ठानल्‍कै।