हिबरु 10:36 - मध्‍य पुरविया थारू

³⁶ परमेस्‍वरके इक्‍छा पुरा करनाइ आ ओकर परतिग्‍या करल बात पाबैके लेल तोरासबके अस्‍थिर रहैये परतौ

हिबरु 10:36 Referans Kwoze

हिबरु 12:1

अहैलेल अतहेक बरका साक्‍छीके भिर अपनासबके चारुदिसन भेलाके कारनसे सब परकारके बाधा आ असान तरिकासे ओझराइबला पापसबके हटाके धिरजसाथ दौरैले परतै।

१ कोरन्‍थी 13:7

परेम सब बात सहैछै आ सब बातमे बिस्‍बास करैछै, सब बातमे आसा राखैछै आ सब बातमे अस्‍थिर रहैछै।

लुका 21:19

कथिलेत तोरासबके आपन धिरजके कारन जिबन मिल्‍तौ।”

हिबरु 6:15

तब अबराहम धिरज कैरके असियेलै आ परमेस्‍वरके परतिग्‍या करल आसिस पाबल्‍कै।

रोमी 2:7

जे लोकसब निरन्‍तर भलाइके काम कैरके आदर, इज्‍जत आ अनन्‍त जिबनके खोजी करैछै, ओइसबके परमेस्‍वर अनन्‍त जिबन देतै।

परकास 14:12

अकर मतलब परमेस्‍वरके आग्‍यापालन करैबला आ येसुमे बिस्‍बास करैबला परमेस्‍वरके जनसब धिरज करेपरतै।

१ युहन्‍ना 2:17

सन्‍सार आ सन्‍सारके कुइक्‍छासब ओर्‌या जाइछै, महज परमेस्‍वरके इक्‍छामे चलैबला लोक सबदिन जिबित रहतै।

गलाती 6:9

भलाइ करैले नै थाक, कथिलेत अइमे लागल रहबिही त, ठिक समयमे तकर कटनी करबिही,

मतीके लिखल सुसमाचार 10:22

हमर खातिर तुसब लोकसबसे घिरनित हेब्‍ही। महज जे अन्‍तिम दिनतक स्‍थिर रहतै, उ उदार पाबतै।

कलस्‍सी 1:11

परमेस्‍वरके महिमीत सक्‍ती तोरासबके बलगर बनाबे कैहके हमरासबके परथना छै, तब मातरे तुसब अस्‍थिर भ्‍याके सब चिज आनन्‍दसे सहन करैले सकबिही।

रोमी 8:25

यदि अपनासब नै देखलहा चिजके आसा करैचियै त, धिरजसे अपनासब ओहै चिजके लेल असियाल रहैचियै।

हिबरु 9:15

ओहै कारनसे परमेस्‍वरके परतिग्‍या करल सबदिन रहैबला अनन्‍त उतराधिकारी पाबे कैहके उ बोलेल्‍हासबके लेल खिरिस्‍ट लया करारके मिलाप कराबैबला चियै, कथिलेत पहिन्‍का करारके समयमे लोकसबके करल पापसे छुटकरा दैले उ मरलै।

कलस्‍सी 3:24

कथिलेत परभुके करल परतिग्‍याके उतराधिकार तुसब इनामके रुपमे पाबबिही कैहके थाहेछौ। तुसब परभु खिरिस्‍टके सेबा कैररहल चिही।

हिबरु 13:21

तोरासबके हर परकारके असल गुनसबसे भरिपुरन करे आ तुसब ओकर इक्‍छा पुरा करैले सक। परमेस्‍वरके जे मन परैबलाछै से येसु खिरिस्‍ट दुवारा उ तोरासबमे करे। ओकर महिमा जुगो जुग तलिक रहे। आमेन।

हिबरु 6:12

तुसब कोढिया नै बन, महज एहैन लोक जखा बन, जे बिस्‍बास आ धिरजसे परतिग्‍या करल चिज पाबैछै।

एफिसी 6:6

तोरासबके काम खाली मालिकके खुस करैके उदेससे देखाबैके लेल नै कर, महज खिरिस्‍टके नोकर-चाकरसब जखा पुरे हिरदयसे परमेस्‍वरके इक्‍छा पुरा कर।

रोमी 12:2

अइ सन्‍सारके लोकसब जखा देखासेखी नै कर महज आपन सोच-बिचार परमेस्‍वरके परिबरतन करैले दहै। तब परमेस्‍वरके असल, मनपरैबला आ सिध इक्‍छा कथी चियै से तुसब जानबिही।

मतीके लिखल सुसमाचार 24:13

महज अन्‍ततक असथिर रहैबला बच्‍याल जेतै।

परकास 13:10

यदि कोनो लोक कैदके लेल छै त ओकरा कैद कैरके ल्‍याजेतै आ कोनो लोकके तरबारसे मारैके छै त उ साँचोके तरबारेसे मारल जेतै। तैल्‍याके परमेस्‍वरके लोकसबमे सहैके सक्‍ती आ बिस्‍बास हेबेपरतै।

१ पतरुस 1:9

कथिलेत तुसब ओकर उपर बिस्‍बास करलासे तुसब आत्‍माके मुक्‍ती पाबनेचिही।

हिबरु 6:17

परमेस्‍वरके परतिग्‍या पाबैबला लोकसबके उ आपन करल परतिग्‍या पक्‍का छै आ कहियो नै बदलतै कैहके देखाबैके लेल उ किरिया खेल्‍कै।

कलस्‍सी 4:12

तोरासबके एकटा भाइ, खिरिस्‍ट येसुके दास इपाफरास सेहो गोरलगी पठाइनेछौ। उ तोरासबके खातिर हरदम जोरतोरसे परथनामे सम्‍झैत रहैछौ ताकी तुसब बलगर हो आ परमेस्‍वरके सब इक्‍छा पुरा रुपसे मानैले सक।

परेरित 13:22

तब साउलके हटाके परमेस्‍वर दाउदके रजा बनाइल्‍कै। दाउदके बारेमे परमेस्‍वर यि बात कहने रहै, ‘यिसैके बेटा दाउद हमर मन पसनके लोक चियै। उ हमर सब इक्‍छा पुरा करैछै।’

युहन्‍ना 7:17

यदि कोइ ओकर इक्‍छा अनुसार काम करैले चाहैछै त से उ जाइन जेतै, कि हमर सिक्‍छा परमेस्‍वरसे एलछै, कि हम आपने मनसे बोलैचियै।

लुका 8:15

महज हलगर माटीमे परैबला उसब चियै, जे कोइ परमेस्‍वरके बचन सुनैछै आ आग्‍याकारी भ्‍याके मनेमे राखैछै आ दुख सहियोके बहौतरा फल फराइछै।”

मतीके लिखल सुसमाचार 21:31

आब यि दुइ बेटासबमे के आपन बाबुके आग्‍या मानल्‍कै?” तब उसब जबाफ देल्‍कै, “पहिन्‍का बेटा।” तब येसु उसबके कहल्‍कै, “साँचेके हम तोरासबके कहैचियौ, बटी उठाइबलासब आ बेस्‍यासब तोरासबसे अगा परमेस्‍वरके राजमे परबेस करतौ।

मतीके लिखल सुसमाचार 12:50

कथिलेत जे स्‍वरगमे रहैबला परमेस्‍वर पिताके इक्‍छा पालन करैछै, उहे हमर माँ आ हमर भाइ आ हमर बहिन चियै।”

मतीके लिखल सुसमाचार 7:21

“हमरा ‘हे परभु, हे परभु’ कहैबला कोइ नै स्‍वरगके राजमे ढुकैले सक्‍तै। महज जे स्‍वरगमे रहैबला पिताके इक्‍छा पालन करतै उ लोक मातरे स्‍वरगके राजमे ढुकैले पाबतै।

१ थेसलोनिकी 1:3

बिस्‍बाससे करल तोरासबके काम, परेमसे करल तोरासबके मेहनत आ आपन परभु येसु खिरिस्‍टके आसामे करल तोहरसबके सहनसिलता हमसब परमेस्‍वर आ पिताके अगा परथनामे हरदम सम्‍झैत रहैचियौ।

परेरित 13:36

“यि बात दाउद उ आपने बारेमे नै कहने रहै, कथिलेत ओकर जिबनमे परमेस्‍वरके इक्‍छा अनुसार काम कैरके उ मरलै आ आपन पुरखासब जरे गारलगेलै आ ओकर देह सैर गेलै।

मरकुस 3:35

कथिलेत जे परमेस्‍वरके इक्‍छा पालन करैछै, उहे हमर माँ आ हमर भाइ आ हमर बहिन चियै।”

रोमी 12:12

आपन आसामे आनन्‍द कर, दुख-कस्‍टमे धिरज कर आ निरन्‍तर परथना करैतरह।

हिबरु 11:39

ओइसबके बिस्‍बासके कारनसे परमेस्‍वर ओइसबसङे खुसी भेलै, महज ओकर परतिग्‍या करल चिज कोइ नै पाबल्‍कै।