हिबरु 10:22 - मध्‍य पुरविया थारू

²² उ आपन लहुके छिटकासे अपनासबके हिरदयके सुध करने छै आ सुध पानीसे अपनासबके देहके धुवाइनेछै। ओहैसे अपनासब साँचो हिरदय आ पक्‍का भरोसाके साथ परमेस्‍वरके लग चल।

हिबरु 10:22 Referans Kwoze

युहन्‍ना 3:5

तब येसु ओकरा जबाब देल्‍कै, “हम तोरा साँचोके कहैचियौ, जाबेतक कोइ पानी आ आत्‍मासे जलम नै लेतै ताबेतक परमेस्‍वरके राजमे परबेस करैले नै सक्‍तै।

१ पतरुस 3:21

वह्‍या पानी बप्‍तिस्‍माके एकटा रुप चियै, जे तोरासबके बचाबैछौ। यि देहके मैल उगारनाइ नै चियै, महज सुध बिबेकसे परमेस्‍वरमे करलगेल समरपनता चियै। यि मिरतुसे भेल येसु खिरिस्‍टके पुनरुथानसे तोरासबके बचाइछौ।

एफिसी 5:26

खिरिस्‍ट मन्‍डलीके बचन रुपी पानीसे धोइबके सुध आ पबितर बनाइल्‍कै।

१ कोरन्‍थी 6:11

तोरासबमेसे कतहेक गोरे एक समयमे अहिनङे छेल्‍ही, महज तुसब आब परभु येसुके नाममे आ परमेस्‍वरके आत्‍मासे धोबल गेलचिही, पबितर भेलचिही आ धरमी ठहरल चिही।

हिबरु 7:19

कथिलेत उ बेबस्‍था त कोनो लोकके सिध बनाइले नै सकल्‍कै महज आब त ओहौसे असल दोसर आसा अपनासबके देलगेलछै, जे अपनासबके परमेस्‍वरके औरो लगमे पुगाइछै।

२ कोरन्‍थी 7:1

अहैलेल हे हमर पिरिय सङीसब, परमेस्‍वर अपनासबके देल यि परतिग्‍या अनुसार देह आ आत्‍माके असुध बनाबैबला हर किसिमके बातसे अपनासब दुरे रह आ परमेस्‍वरके डर मानैत औरो पबितर हैत चल।

हिबरु 4:16

अहैलेल अपनासब परमेस्‍वरके अनुगरहके सिंहासनके अगा निडर भ्‍याके चल आ खाचो परलहा समयमे सहायता पाबैके लेल किरपा आ अनुगरह पाबैले सकी।

हिबरु 12:24

तुसब त परमेस्‍वर आ लोकसबके बिचमे लबका करार बान्‍हैबला मध्‍यस्‍तकरता येसुलग एलचिही। तुसब हाबिलके लहुसे बेसी असल बातके परतिग्‍या करैबला येसुके लहुमे एल चिही।

तितस 3:5

तब उ अपनासबके बचेल्‍कै। अपनासब कोनो धरम-करम करलाके कारन नै महज ओकर दया आपनसबमे भेलाके कारन बचेल्‍कै। ओकर पबितर आत्‍मासे अपनासबके पाप धुवाके अपनासबके नया जलम आ नया जिबन देल्‍कै।

१ पतरुस 1:2

परमेस्‍वर पिता आपन पहिनेके योजना अनुसार तोरासबके छानल्‍कौ आ आपने पबितर आत्‍मासे पबितर बनेल्‍कौ। येसु खिरिस्‍टके आग्‍यापालन करैले आ ओकर लहुके छिटकासे सुध हेबे कैहके उ तोरासबके छानल्‍कौ। परमेस्‍वरके अनुगरह आ सान्‍ती तोरासबमे परसस्‍त हेबे।

एफिसी 3:12

येसु खिरिस्‍टमे बिस्‍बास करैके कारन हमसब साहस आ भरोसाके साथ परमेस्‍वरके अगा आबैले पाबैचियै।

याकुब 4:8

तुसब परमेस्‍वरके लगमे या तब परमेस्‍वरो तोरासबके लगमे एतौ। हे पापीसब, तोरौरके हाथ सुध कर, हे दोमनके लोकसब, आपन हिरदय सुध कर।

हिबरु 9:19

जब मोसा बेबस्‍थामे लिखल सब आग्‍यासब लोकसबके सुनाके पुरा करल्‍कै तब उ बछा आ छागरसबके लहु पानीमे मिलाके लाल उन आ हिसपके झारसे चोपके बेबस्‍थाके किताबमे आ सब लोकसबके उपरमे छिटल्‍कै।

मतीके लिखल सुसमाचार 3:11

“हम पस्‍चातापके खातिर तोरासबके पानीसे बप्‍तिस्‍मा देबौ, महज हमरसे पाछे जे आबैबला छै, उ हमरोसे सक्‍तिसाली छै, जकर हम जुतो बोकैके जोकर नै चियै। उ तोरासबके पबितर आत्‍मा आ आइगसे बप्‍तिस्‍मा देतौ।

याकुब 1:6

महज माङैत खिना सङका नै कैरके बिस्‍बासके साथ माङे। सङका करैबला लोक समुन्‍दरके हिलकोर जखाछै जे हबासे उठैछै आ खसैछै।

हिबरु 11:28

जेठका बेटासबके नास करैबला दुत इजराएलीसबके जेठका बेटासबके मारैले नै पाबे कैहके उ बिस्‍बास दुवारा निस्‍तार पाबैन मनाइल्‍कै आ केबारके चौकठमे बलिदानके लहु लगेल्‍कै।

हिबरु 10:19

अहैलेल पिरिय भाइ-भैयासब, येसुके लहुके कारन अपनासब महापबितर ठाममे साहसके साथ ढुकैले सक्‍बै।

हिबरु 9:10

यि सब खाइ-पियैबला आ अनेक धारमिक बिधीसे सुध हैबला नियम मातरे छेलै। परमेस्‍वरके लया बेबस्‍था नै आबैतलिक करैबला धारमिक बिधी मातरे चियै।

१ तिमोथी 4:2

एहेन सिक्‍छा झुठ बोलैबला कपटी लोकसबसे आबैछै। ओइसबके बुइध धिपल लोहासे दागल रहैछै।

परकास 1:5

बिस्‍बास योग्‍य साक्‍छी आ मिरतुसे सबसे पहिन्‍का बेर जिबित भेल सन्‍सारके रजा सबके रजा, येसु खिरिस्‍टके तरफसे तोरासबके अनुगरह आ सान्‍ती मिले। उ अपनासबके परेम करैछै आ आपन लहुसे अपनासबके पापसे छुटकरा देनेछै।

एफिसी 6:5

हे नोकर-चाकरसब, जनङ खिरिस्‍टके सेबा करैचिही तैहनङे इमान्‍दारी साथ तुसब यि सन्‍सारके मालिकसबके आदर कर आ डर राइखके ओकरासबके कहलहा बात मान।

परेरित 8:21

यि काममे नै तोहर कोनो अधिकारे छौ नै कोनो हिस्‍से, कथिलेत परमेस्‍वरके नजरमे तोहर मन भरस्‍ट भेल छौ।

युहन्‍ना 8:9

ओकर यि बात सुइनके पहिने बुढवासबसे ल्‍याके छोटकातक एक-एक कैरके ओतेसे चैलगेलै। अन्‍तमे ओते येसु असगरे रैहगेलै आ उ जनी ओकर अगा ठार भ्‍याल रहलै।

लुका 1:1

हमरासबके बिचमे पुरा भेल घटनासबके बिबरन लैबला बहुत लोकसब आपन हाथमे लेने छै।

परेरित 22:16

तै खातिर आब कथिले ढिला-सुस्‍ती करैचिही? उठ आ बप्‍तिस्‍मा ले आ येसुके नाम ल्‍याके आपन पापसे सुध हो।’

हिबरु 6:11

यह्‍या हमरासबके इक्‍छाछै कि तोरासबके यि जोस आखिरतक हेबे आ तोरासबके आसा पुरा हेबे।

हिबरु 10:1

मोसाके बेबस्‍था आबैबला उतम बातसबके खास रुप नै चियै, महज उ त छाह मातरे चियै। ओहैसे साले-साल चरहाइबला एके किसिमके बलीसे परमेस्‍वरके लग आबैबला लोकसबके सिध करैले नै सक्‍तै।