हिबरु 1:14 - मध्‍य पुरविया थारू

¹⁴ स्‍वरगदुतसब त परमेस्‍वरके सेबा करैबला आत्‍मासब चियै। परमेस्‍वर ओकरासबके मुक्‍ती पाबैबला लोकसबके सहायता करैके लेल पठाइनेछै।

हिबरु 1:14 Referans Kwoze

मतीके लिखल सुसमाचार 18:10

“होसियार रह, यि छोट बच्‍चासबमेसे ककरो तुसब निच नै समझ। कथिलेत हम तोरासबके कहैचियौ, उसबके देखभाल करैबला स्‍वरगदुतसब स्‍वरगमे रहैबला हमर पिताके अगामे रहैछै।

परेरित 27:23

आइएके रातमे, हम जै परमेस्‍वरके चियै आ जेकर हम सेबा करैचियै ओकर स्‍वरगदुत हमरलग खरा भ्‍याके कहल्‍कै कि,

परेरित 5:19

महज ओहै रात परभुके एकटा स्‍वरगदुत जहलके केबारसब खोइल देल्‍कै आ बाहर लज्‍याके कहल्‍कै,

परेरित 12:7

तब अचानक परभुके एकटा स्‍वरगदुत ओते देखा परलै आ कोठलीमे इजोत चमकलै। स्‍वरगदुत पतरुसके हिल्‍याके कहल्‍कै, “झटसिन उठ!” तब ओकर हाथमे बान्‍हल सिकरीसब आपने खुइलके गिर गेलै।

लुका 1:19

स्‍वरगदुत ओकरा कहल्‍कै, “हम गबरिएल चियै, हम परमेस्‍वरके अगामे ठार रहैचियै। तोहर सङे बात करैले आ असल समाध सुनाबैले परमेस्‍वर हमरा पठाइने छै।

मतीके लिखल सुसमाचार 1:20

महज जब योसेफ एह्‍या बातके बिचार करतै रहै, तब सपनामे परमपरभुके स्‍वरगदुत एलै आ ओकरा अनङ कहल्‍कै, “हौ दाउदके खानदानके योसेफ, तु मरियमके आपन घरबालीके रुपमे अपनाबैले नै डरा, कथिलेत जे ओकर पेटमे छौ, उ पबितर आत्‍मासे चियौ।

लुका 16:22

“एक दिन उ गरिब लोक मरगेलै आ ओकरा स्‍वरगदुतसब लज्‍याके अबराहमके लगमे राखल्‍कै, तब ओहो धनिक लोक मरलै आ गारलगेलै।

परेरित 12:23

महज परमेस्‍वरके परसन्‍सा नै करैके कारन तखुन्‍ते परभुके एकटा स्‍वरगदुत ओकरा फटसे मारल्‍कै आ ओकर देहमे खसर-खसर पिलुवा फैरके मरगेलै।

लुका 2:9

परभुके स्‍वरगदुत ओहै ठाम देखा परलै, तब परभुके इजोत चारुओर चरबाहासबके उपर चम्‍कलै आ उसब एकदमसे डेरागेलै।

लुका 2:13

तब ओहै बखत औरो बहुतेकरा स्‍वरगदुतसब ओइठाम देखा परलै तब परमेस्‍वरके परसन्‍सा करैत कहल्‍कै,

मतीके लिखल सुसमाचार 2:13

उ ज्‍योतिससब गेलाके बाद, परमपरभुके एकटा दुत सपनामे योसेफलग देखा परलै आ कहल्‍कै, “उठ, बालक आ ओकर माँ के ल्‍याके मिसर देसमे भाइग जो आ हम तोरा नै कहै तक ओतै रह। कथिलेत हेरोद बालकके मारैले ओकरा खोजी कैररहल छौ।”

तितस 3:7

जै कारन ओकर अनुगरहसे धरमी भ्‍याके अपनासब असा करल अनन्‍त जिबनके हकदार बैन सकी।

परकास 5:6

तकरबाद हम चारटा जिबित परानी आ धरमगुरुसबसे घेरल सिंहासनके बिचमे एकटा थुमा ठारभेल देखलियै। उ थुमा मारल जखा देखाइछेलै। ओकरा सातटा सिङ आ सातटा आँख छेलै। सातटा आँख पुरे पिरथिबीमे पठाल परमेस्‍वरके सात आत्‍मा चियै।

१ पतरुस 1:12

तै बखत अगमबक्‍तासबके करलहा यि सेबा ओइसबके फाइदाके खातिर नै महज तोरेसबके खातिर चियौ कैहके परमेस्‍वर ओइ अगमबक्‍तासबके देखाइने छेलै। यि बात स्‍वरगसे पठेल्‍हा पबितर आत्‍माके सक्‍तीसे सुसमाचार सुनाबैबला दुवारा अखैन तोरासबके घोसना करनेछौ। यि बात स्‍वरगदुतोसब जानैले चाहैछै।

मतीके लिखल सुसमाचार 25:34

तकरबाद रजा आपन देहना कात ठारभेल लोकसबके कहतै, ‘हे हमर पितासे आसिरबाद पाबल लोकसब! ओइ राजके भोगबिलास करु, जकरा सन्‍सारके उतपतीएसे तोरासबके लेल तैयार करने छै।

यहुदा 1:14

आदमसे सातम पुस्‍ताके हनोक यि लोकसबके बारेमे एहेन अगमबानी कहनेरहै, “देख, हजारो-हजार पबितर स्‍वरगदुतसब सङे परभु आबैछै।

१ पतरुस 1:4

स्‍वरगमे तोरासबके खातिर सैतके राखल उतराधिकार कहियो नास नै हैबला, नै सरैबला आ नै मुरझाइबला जखाछै।

हिबरु 6:17

परमेस्‍वरके परतिग्‍या पाबैबला लोकसबके उ आपन करल परतिग्‍या पक्‍का छै आ कहियो नै बदलतै कैहके देखाबैके लेल उ किरिया खेल्‍कै।

२ थेसलोनिकी 1:7

परमेस्‍वरमे दुख सहैबला तोरासबके आ हमरासबके छुटकारा देतौ। यि त तब हेतै, जब परभु येसु स्‍वरगसे धधकैत आइगमे आपन सक्‍तीसाली स्‍वरगदुतसबसङे परगट हेतै तब यि सब करतै।

फिलिप्‍पी 2:25

आपनसबके भाइ, इपाफोरोडिटसके हम तोरासबलग पठाबैके आबसेक देखलियै। हमसब दुनु सङे-सङे काम करलियै आ सुसमाचार सुनाइबला काममे दुख भोगलियै। उ तोरेसबके दुत चियौ, जकरा हमर सहायताके लेल तुसब पठाइने छेल्‍ही।

२ कोरन्‍थी 9:12

तोरासबके देल दानसे परमेस्‍वरके जनके खाँचो पुरा मातरे नै, महज यि कामसे उ लोकसब परमेस्‍वरके एकदमे धन्‍यबाद देतै।

रोमी 15:27

उसब यि रुपैया-पैसा राजिखुसीसे जम्‍मा करने छै। बास्‍तममे यरुसलेमके गरिबसब बिस्‍बासीसबके मदत करैले उसब रिनी छेलै, कथिलेत गैर-यहुदीसब यहुदीसबसे आत्‍मिक आसिस पाबने छेलै। ओहैसे गैर-यहुदीयोसब ओइसबके अभाबमे परल बखत सहायता करनाइ उचित चियै।

रोमी 15:16

आ हमरा गैर-यहुदीसबके सुसमाचार सुनाइले खिरिस्‍टके सेबक बनाइनेछै। जनङ पुजारी परमेस्‍वरके अगा मनपरैबला भेटी चरहाबैछै तहिनङे हम्‍हु पुजारीके सेबा पुरा करैचियै। गैर-यहुदीसबके परमेस्‍वर लग लाबैले आ उसब पबितर आत्‍मासे सुध भ्‍याके परमेस्‍वरके मनपरैबला भेटी हेबे कैहके हम परमेस्‍वरके सुसमाचार सुनाबैचियै।

रोमी 13:6

ओहैसे तुसब कर तिरैचिही, कथिलेत सासकसब आपन जिम्‍मेबारी पुरा करैले परमेस्‍वरके सेबाके काममे लागल रहैछै।

परेरित 13:2

एक दिन उसब उपासे रैहके परभुके आराधना करैबखत पबितर आत्‍मा कहल्‍कै, “सुन, जै कामके खातिर हम तोरासबके बोलाइने चियौ, ओहै कामके खातिर बरनाबास आ साउलके चुन।”

परेरित 11:22

यि खबर यरुसलेमके मन्‍डलीमे पहुचलै, तब उसब बरनाबासके एन्‍टिओखियामे पठादेल्‍कै।

लुका 1:23

ओकर सेबाके काम ओरियागेलाके बाद उ आपन घर घुइमके गेलै।

मतीके लिखल सुसमाचार 24:31

तुरहीके अबाजसङे उ आपन स्‍वरगदुतसबके पठेतै आ अकास आ पिरथिबीके चारु दिसरसे उ आपन छानल लोकसबके जमा करतै।

मतीके लिखल सुसमाचार 13:41

तै बखत मानबके पुतर आपन दुतसबके पठेतै आ परमेस्‍वरके राजमे पापमे फसाइबला आ दुस्‍ट काम करैबलासबके निकाइलके जमा करतै,

१ पतरुस 3:7

तहिनङे घरबलासब, आपन-आपन घरबालीसबसङे बिचारसिल भ्‍याके रह आ ओइसबके अबला माइनके आदर कर। मनमे याद राख कि तोहरे जखा अनन्‍त जिबनके बरदानमे सहभागी छौ। अनङ करबिही त तोरासबके परथनामे कोनो किसिमके बाधा नै परतौ।

याकुब 2:5

हे हमर पिरिय भाइ-भैयासब, सुन। कि परमेस्‍वर सन्‍सारके गरिबसबके बिस्‍बासमे धनिक बनाके ओइ राजके हकदार हैकेलेल नै चुन्‍ने छै? ओह्‍या राज ओकरा परेम करैबलासबके उ दैले परतिग्‍या करनेचियै नै?

हिबरु 10:11

हरेक पुजारी दिन-दिने ठार भ्‍याके बली चरहाइबला काम करैछै आ बेर-बेर एके किसिमके बली चरहाबैछै, जे बलीसे कहियो पाप मिटाइले नै सक्‍तै।

हिबरु 8:6

महज येसुके भेटल सेबाके काम औरो पुजारीसबके कामसे एकदमे सेरेस्‍ठछै। ओहिनङे परमेस्‍वर आ ओकर लोकसबके बिचमे येसुके बान्‍हल लबका करार पुरन्‍का करारसे सेरेस्‍ठछै, कथिलेत यि करारके जग उतम परतिग्‍यासबमे आधारितछै।

हिबरु 6:12

तुसब कोढिया नै बन, महज एहैन लोक जखा बन, जे बिस्‍बास आ धिरजसे परतिग्‍या करल चिज पाबैछै।

हिबरु 5:9

अनङकैरके परमेस्‍वर ओकरा सिध बनेलाके बाद ओकर आग्‍यापालन करैबला सबके लेल उ अनन्‍ततक रहैबला मुक्‍तीके मुल बन्‍लै।

फिलिप्‍पी 2:17

यदि तोरासबके बिस्‍बाससाथ करल सेबाके कामके खातिर हमरा लहु बहाबैले परतै तैयो हम खुसिसे बहेबौ आ तोरेसबसङे आनन्‍द मनाइबौ।

एफिसी 3:6

उ रहसके बात एह्‍या चियै कि, गैर-यहुदीयोसब सुसमाचारसे परमेस्‍वरके आसिस पाबैले सक्‍तै। उसब एक देहके अङसब आ खिरिस्‍ट येसुमे परमेस्‍वरके करल परतिग्‍याके साझेदार भेल छै।

गलाती 3:29

यदि तुसब खिरिस्‍टके चिही त अबराहमोके सन्‍तान चिही आ परमेस्‍वरके परतिग्‍या बमोजिम हकबला सेहो चिही।

गलाती 3:9

तैखातिर अबराहम जखा बिस्‍बास करैबला लोकसब ओकरेसङे आसिस पाबैछै।

गलाती 3:7

तै खातिर तुसब यि जान कि, जे परमेस्‍वरमे बिस्‍बास करैछै, ओह्‍यासब अबराहमके धियापुतासब चियै।

रोमी 8:17

हमसब परमेस्‍वरके बेटा-बेटी चियै त ओकर हकबला सेहो चियै, परमेस्‍वरके हकबला आ खिरिस्‍टसङे सझिया हकबला हेबै। यदि हमसब खिरिस्‍टसङे दुख-कस्‍ट भोग्‍बै त ओकरेसङे आदर-सम्‍मानमे सेहो सहभागी हेबै।

परेरित 16:26

तहै बखत अचानक बरका भुमकौन भेलै। भुमकौनके धक्‍कासे जहलके खुट्‍टा खम्‍हा सब हिलगेलै। सब केबारसब आपने खुइलगेलै आ बान्‍हल घुरीसब खुलगेलै।

मतीके लिखल सुसमाचार 4:11

तब सैतान येसु लगसे चैलगेलै आ स्‍वरगदुतसब आइबके ओकर सेबा-टहल करे लाग्‍लै।

मरकुस 10:17

जब येसु रस्‍तामे जाइछेलै तब एकटा लोक दौरके ओकर अगा एलै आ ठेङहुनिया दैत कहल्‍कै, “हे असल गुरु जी, अनन्‍त जिबन पाबैले हमरा कथी करेपरतै?”

रोमी 11:14

हमर करल यि सेबासे आपने यहुदी जातिके लोकसबके डाही बनाइले सकी आ ओइसबमेसे कोइ-कोइ पस्‍चाताप कैरके परमेस्‍वरमे बिस्‍बास करे कैहके हमर आसा छै।

१ कोरन्‍थी 1:21

सन्‍सारके लोकसब आपन बुइधसे परमेस्‍वरके चिन्‍हैले नै सक्‍लै, तैल्‍याके उ आपन बुधिमानी योजना अनुसार अपनासबके परचार करल मुरुख बातसबसे बिस्‍बास करैबलासबके बचाइले चाहल्‍कै।

हिबरु 2:3

आब हमसब एहैन महान मुक्‍तीके वास्‍ता नै करबै त, अपनासब कनङके दन्‍डसे बाच्‍बै? यि मुक्‍तीके बारेमे सबसे पहिने परभु येसु आपनेसे परचार करल्‍कै आ ओकर बचन सुनैबलासब अपनासबके लेल पक्‍का परमानित कैरदेल्‍कै।

हिबरु 9:28

ओहिनङे बहुतो लोकके पाप छमाके लेल खिरिस्‍ट एकेबेर बली भेलै। उ दोसर बेर एतै त, ओइ बखत पाप छमाके लेल नै एतै, महज ओकरासबके मुक्‍तीके लेल एतै जेसब ओकर बाट ताकैत असियाल रहतै।