गलाती 6:8 - मध्‍य पुरविया थारू

⁸ जे आपन पाप स्‍वभाबके लेल रोपैछै, उ आपन पाप स्‍वभाबसे सर्‌बनासके कटनी करतै। महज जे आत्‍माके लेल रोपैछै, उ आत्‍मासे अनन्‍त जिबनके कटनी करतै।

गलाती 6:8 Referans Kwoze

रोमी 8:13

यदि तुसब पाप स्‍वभाबके इक्‍छा अनुसार चलबिही त, तुसब मरबिही। महज पबितर आत्‍माके सक्‍तीसे पाप स्‍वभाबके नास करबिही त, तुसब अनन्‍त जिबन पाबबिही।

याकुब 3:18

सान्‍ती चाहैबला लोक एक-दोसरमे मेलमिलापमे रहैछै, परिनाम स्‍वरुप उसब धारमिक जिबन जियैछै।

२ पतरुस 2:19

ओइसबके स्‍वतन्‍तर कराबैके परतिग्‍या करैछै महज उसब आपने भरस्‍टताके दास चियै, कथिलेकी लोक जे चिजके बसमे पैर जाइछै, उसब ओहै चिजके दास बैन जाइछै।

गलाती 6:7

धोखामे नै पर, परमेस्‍वरके कोइ नै मजाक उराइले सक्‍तै, कथिलेत लोक जे रोपैछै, ओह्‍या काटतै।

रोमी 13:14

महज येसु खिरिस्‍टके स्‍वभाबके धारन कर आ पापी स्‍वभाबके इक्‍छा पुरा करैबला बातमे धियान नै दहै।

परकास 22:11

दुस्‍ट काम करैबला दुस्‍ट काम कैरतेरहे, घिनलागैबला काम करैबला घिनलागैबला काम कैरते रहे, धरमीसब धारमिक काम कैरतेरहे आ पबितर जनसब पबितर हैतरहे।”

युहन्‍ना 4:36

अखनियो बाली काटैबलाके बैन भेटैछै आ अनन्‍त जिबनके खातिर अन जमा करैछै, तब छिटैबला आ काटैबला दुनु सङे-सङे खुसी मनाबैछै।

यहुदा 1:21

आपनके परमेस्‍वरके परेममे राख आ अनन्‍त जिबनके लेल अपनासबके परभु येसु खिरिस्‍टके किरपाके परतिक्‍छा कर।

युहन्‍ना 6:27

नास हैबला भोजनके खातिर मेहनत नै कर महज अनन्‍त जिबन तक रहैबला भोजनके लेल मेहनत कर, जे मानबके बेटा तोरासबके देतौ। कथिलेत परमेस्‍वर पिता ओकर उपर आपन छाप लगादेनेछै।”

रोमी 6:13

आपन देहके अंगसबके दुस्‍टताके साधनके रुपमे पाप करैले नै सोप, महज मिरतुसे जिबनमे आनल लोकसबके जखा अपनाके परमेस्‍वरमे सोप आ परमेस्‍वरके असल कामके लेल आपन देहके अङसबके सोप।

मतीके लिखल सुसमाचार 19:29

जे कोइ हमर खातिर आपन घरदुवार, भाइ-बहिन, माँ-बाबु, बेटा-बेटी आ जगहा-जमिन छोरैछै, उ सय गुना पाबतै आ अनन्‍त जिबनके हकदार हेतै।

तितस 3:7

जै कारन ओकर अनुगरहसे धरमी भ्‍याके अपनासब असा करल अनन्‍त जिबनके हकदार बैन सकी।

युहन्‍ना 4:14

महज हमर देल पानी पियैबला फेनो कहियो नै पियासल रहतै, कथिलेत हमर देल पानी ओकर भितरसे निकलैबला पानीके मुल हेतै आ ओकरा अनन्‍त जिबन देतै।”

लुका 18:30

उ अहै जलममे ओइसे बेसी कैरके पाबतै आ दोसर जुगमे अनन्‍त जिबन पाबतै।”

२ पतरुस 2:12

महज यि झुठा गुरुसब त नै बुझलहा बातसबके निन्‍दा करैछै। उसब समझ नै भेल जानबर जखा चियै आ सोभाबिक इक्‍छासबके बसमे रहैछै। उसब पकैरके मारैके लेल जलमल जखाछै आ उसब जानबरसब जखा नस्‍ट हेतै।

१ तिमोथी 1:16

अहैकारनसे उ हमरा दया करल्‍कै आ पापीसबमेसे मुख पापी भेलापरभी हमरमे खिरिस्‍ट येसु आपन महान धिरज देखेल्‍कै ताकि पछा ओकरा बिस्‍बास करैबला आ अनन्‍त जिबन पाबैबलाके लेल हम एकटा उदाहरन बनी।

मतीके लिखल सुसमाचार 25:46

तब उसब दन्‍डके भागिदार हेतै, महज धरमीसब अनन्‍त जिबन पाबतै।”

रोमी 6:23

कथिलेत पाप करैबलाके बैन मिरतु चियै, महज फोक्‍टेमे देल परमेस्‍वरके बरदान त अनन्‍त जिबन चियै जे अपनासबके परभु येसु खिरिस्‍टमे देनेछै।

रोमी 8:6

पाप स्‍वभाबके इक्‍छामे चलैबला लोकके मिरतु हेतै, महज जे पबितर आत्‍मामे मन लगेतै, उ अनन्‍त जिबन आ सान्‍ती पाबतै।

रोमी 8:11

यदि येसुके मरलसे जिबित करैबला परमेस्‍वरके पबितर आत्‍मा तोरासबमे बास करैछौ त, येसु खिरिस्‍टके मरलसे जिबित करैबला वह्‍या आत्‍मा तोरासबके नास हैबला देहके सेहो जिबन देतौ।

१ कोरन्‍थी 15:42

मरल लोकसब जीके उठतै त तहिनङ हेतै। जे देह बिनासमे गारैछै, उ नास नै हैबला देह ल्‍याके जिबित हैछै।