गलाती 6:17 - मध्‍य पुरविया थारू

¹⁷ आबसे हमरा कोइने दुख देबे, कथिलेत हम खिरिस्‍ट येसुके दास चियै से परमान देखाबैले आपन देहमे ओकर चोटके डामसब धारन करनेचियै।

गलाती 6:17 Referans Kwoze

२ कोरन्‍थी 1:5

हमसब जतहेक खिरिस्‍टमे दुख भोग्‍बै, ततहेक बहौत परमेस्‍वर अपनासबके खिरिस्‍टसे सान्‍तबना देतै।

कलस्‍सी 1:24

अखुन हम तोरासबके खातिर दुखो भोइगके खुसी चियौ कथिलेत खिरिस्‍टके देह अरथात मन्‍डलीके खातिर बाकी रहल दुख-कस्‍टसब हम आपन देहमे भोइगके पुरा करैचियौ।

२ कोरन्‍थी 4:10

येसुके जिबन अपनासबके देहमे परकट हेबे कैहके हमसब ओकर मिरतु सबदिन अपनासबके देहमे बोइकके चलैचियै।

हिबरु 12:15

होसियार रह कि कोइ नै परमेस्‍वरके अनुगरह पाबैसे छुटे, ताकी अबिस्‍बासके तित जैर बैढके तोरासबके बिचमे फुट नै आने। एहैन लोक बहुतो लोकसबके असुध नै बनाबे।

परेरित 15:24

हमसब सुन्‍नेचियै कि, हमरासबके बिचसे कोइ-कोइ अहाँसब लग जाके हमरासबके आदेसे बेगर अहाँसबके मनमे तकलिफ कैरके कतहेक बातसे दुख देने छै।

गलाती 1:7

बास्‍तममे दोसर सुसमाचार नै छै, महज कोइ-कोइ एहेन छै, जे तोरासबके अलमलमे पाइरके खिरिस्‍टके सुसमाचारके बिगारैले चाहैछै।

फिलिप्‍पी 3:10

हम खिरिस्‍टके औरो निकसे चिन्‍हैले आ ओकरा जियाइबला सक्‍तीके अनुभव करैले चाहैचियै। ओकर जखा दुख सहैले आ मरैयोले इक्‍छा करैचियै,

परकास 13:16

तब उ छोटका आ बरका, धनिक आ गरिब, स्‍वतन्‍तर आ दास सबके आपन देहना हाथमे या आपन-आपन कपारमे चेन्‍हा लगाइले लगाइल्‍कै।

परकास 13:17

यि चेन्‍हा ओइ जानबरके नाम या ओकर सङख्‍या छेलै। तब जतहेक लोकके उ चेन्‍हा नै छेलै, उसब किन-बेच करैले नै पाबैछेलै।