गलाती 6:14 - मध्‍य पुरविया थारू

¹⁴ अपनासबके परभु येसु खिरिस्‍टके कुरूस बाहके औरो कोनो चिजमे घमन्‍ड करैबला बात हमरसे दुरे रहे। ओकर कुरूसके कारन हमर लेल सन्‍सारके लोभ लालचसब मरल छै आ सन्‍सारके लेल हम मरल चियै।

गलाती 6:14 Referans Kwoze

रोमी 6:6

हमसब यि जानैचियै कि अपनासबके पुरन्‍का स्‍वभाब ओकरसङे कुरूसमे टाङलगेलछै, ताकी अपनासबके पापी स्‍वभाब नास हेबे आ आबसे पापके दास नै हेबी।

गलाती 2:20

हमर पहिन्‍का स्‍वभाब खिरिस्‍टेसङे कुरूसमे मरल छै। आबसे हम नै महज खिरिस्‍ट हमरमे जियैछै। जे जिबन अखन हम सरिरमे जियैचियै से परमेस्‍वरके बेटामे बिस्‍बास कैरके जियैचियै कथिलेत उ हमरा परेम करल्‍कै आ हमर खातिर उ बलिदान भेलै।

१ कोरन्‍थी 2:2

हम तोरासबके लग रहैतखिना येसु खिरिस्‍ट आ कुरूसमे भेल ओकर बलिदान बाहेक किछो नै बोलैके पक्‍का करनेछेलियै।

फिलिप्‍पी 3:3

सत हिसाबसे खतना करैबला त हम्‍हीसब चियै कथिलेत पबितर आत्‍मासे परमेस्‍वरके आराधना करैचियै आ खिरिस्‍ट येसुमे हमसब गर्‌ब करैचियै। हमसब बाहरके कोनो रितिथितीमे भरोसा नै करैचियै।

रोमी 1:16

हमरा यि सुसमाचार सुनाइले लाज नै लागैछै, कथिलेकी बिस्‍बास करैबला सबलोकके मुक्‍ती दैकेलेल यि सुसमाचार परमेस्‍वरके सक्‍ती चियै, जे पहिने यहुदीसबके लेल आ बादमे गैर-यहुदीयोसबके लेल चियै।

गलाती 5:24

महज उसब, जे खिरिस्‍ट येसुके चियै, उसब आपन पाप स्‍वभाबके इक्‍छा आ ललसा कुरूसमे काटी ठोइकके मारनेछै।

१ कोरन्‍थी 3:21

तैखातिर लोक उपर कोइ नै घमन्‍ड करे। कथिलेत सबकुछ तोरेसबके चियौ,

१ कोरन्‍थी 15:58

तैखातिर हे हमर पिरिय भाइ-भैयासब, बिस्‍बासमे बलगर आ अस्‍थिर रह। तुसब परभुके काममे बरहैत जो, कथिलेत तुसब जानैचिही कि परभुमे तोरासबके मेहनत बेरथ नै हेतौ।

गलाती 1:4

येसु खिरिस्‍ट अपनासबके अइ दुस्‍ट सन्‍सारसे बचाइके लेल परमेस्‍वर आ पिताके इक्‍छा मुताबिक पापके खातिर बली भेलै।

१ कोरन्‍थी 1:23

महज हमसब त कुरूसमे टाङल खिरिस्‍टेके परचार करैचियै, जे यहुदी लोकसबके लेल ठेस लागैबला बात चियै आ गैर-यहुदीसबके लेल मुरुख बात चियै।

रोमी 6:2

अहँ, ओनङ करनाइ ठिक नै छै। पापेके खातिर अपनासब मरल चियै, तब कनङके पाप करैत जियैले सक्‍बै?

२ कोरन्‍थी 11:12

हम जे काम कैर रहलचियै से काम कैरते रहबै, ताकी ओइसबके करल काम हमरे बराबर चियै कैहके उसब घमन्‍ड करैके मौका नै पाबे।

लुका 20:16

उ आइबके सब बटिदारसबके माइरदेतै आ अङगुर खेत औरो लोकसबके द्‍यादेतौ।” लोकसब यि बात सुइनके कहल्‍कै, “एहेन कहियो नै हेबे!”

गलाती 2:17

यदि खिरिस्‍टमे धरमी ठहरैले कोसिस करैतखिना हमसब दोसी भेटाइबै त, कि खिरिस्‍ट पापके बढावा दैछै त? कदापी नै।

गलाती 2:19

कथिलेत हम त बेबस्‍थाके पालन करैले खोजलियै त ओह्‍या बेबस्‍था हमरा दोस लगेल्‍कै। तब परमेस्‍वरके लेल जिये सकी कैहके बेबस्‍थाके पालन कैरके मुक्‍ती पाबैके लेल कोसिस करैले छोइरदेलियै।

गलाती 3:21

तब कि बेबस्‍था परमेस्‍वरके परतिग्‍याके बिरोधमे छै त? कदापी नै। यदि बेबस्‍था पालन कैरके लोकसब अनन्‍त जिबन पाबैले सक्‍तियै त, बेबस्‍थे लोकसबके परमेस्‍वरके अगा धरमी ठहराइतियै।

फिलिप्‍पी 3:18

हम तोरासबके पहिनो बहौत बेर कहनेचियौ, अखुन हम कानैत कहैचियौ, कि बहुतो लोक खिरिस्‍टके कुरूसके दुस्‍मन जखा जिबन जियैछै।

कलस्‍सी 2:20

तुसब खिरिस्‍टसङे मैरके यि सन्‍सारके आधारभुत सिदान्‍तसबसे छुटकारा पाबनेचिही त, कथिले तुसब यि सन्‍सारके नियमसब पालन करैचिही?