गलाती 6:12 - मध्‍य पुरविया थारू

¹² बाहिरी रुपसे ठिक देखाइले चाहैबलासब तोरासबके खतना करैले कर-चाप लगाइतौ। यि बात उसब कुरूसमे देल खिरिस्‍टके बलिदानके कारन आबैबला सताबटसे बचैके लेल करैछै।

गलाती 6:12 Referans Kwoze

गलाती 5:11

भाइ-भैयासब, यदि हम अखुन्‍तो खतना करैये परतौ कैहके परचार करैचियौ त कथिले हमरमे सताबट एलै? यि बात सँच रहतियै त कुरूसके बलिदानके परचारसे ककरो चित नै दुखतियै।

कलस्‍सी 2:23

धरम-करम करैबला, देखाबटी नम्‌र रहैबला आ बाबाजी जखा जियैबला, यि सब बुधिमान जखा देखापरैछै, महज यि आपन देहके अधलाह इक्‍छाके बसमे राखैले कोनो कामके नै हैछै।

२ कोरन्‍थी 11:13

कथिलेकी एहेन लोकसब झुठा परेरितसब आ छली काम करैबलासब चियै। उसब खिरिस्‍टके परेरितसबके भेस धैरके चलैबलासब मातरे चियै।

परेरित 15:1

जब कुछ लोकसब यहुदिया परदेससे एन्‍टिओखियामे आइबके बिस्‍बासीसबके अनङ सिक्‍छा देबे लाग्‍लै, “जाबेतक तुसब मोसाके नियम जखा खतना नै करबिही ताबे तक तुसब मुक्‍ती नै पाबबिही।”

गलाती 2:3

तै बखत हमरसाथमे रहल तितस, जे गैर-यहुदी भेलोपर, खतना करैये परतै कैहके कोइने कर लगाइल्‍कै।

लुका 16:15

तब येसु ओइसबके कहल्‍कै, “लोकसबके अगामे आपनके धरमी देखाइबला तुहिसब चिही, महज परमेस्‍वर तोरासबके हिरदयके बातसब जानैछौ, कथिलेत लोकसबके बिचमे जे बरका कहाइछै, परमेस्‍वरके नजरमे उ सबसे तुच्‍छ हैछै।

फिलिप्‍पी 3:18

हम तोरासबके पहिनो बहौत बेर कहनेचियौ, अखुन हम कानैत कहैचियौ, कि बहुतो लोक खिरिस्‍टके कुरूसके दुस्‍मन जखा जिबन जियैछै।

फिलिप्‍पी 2:4

तुसब आपने भलाइ नै खोज, महज दोसरके भलाइके सेहो देख।

फिलिप्‍पी 1:15

कोइ कोइ डाह कैरके औरोसे बेसी करलियै कैहके देखाबैके लेल खिरिस्‍टके बारेमे परचार करैछै महज कतहेक लोक असल बिचारसे परचार करैछै।

गलाती 6:13

कथिलेत खतना करैबलासब आपने बेबस्‍था पालन नै करैछै। उसब तोरासबके खतना कराबैले चाहैछौ, जैसे तोरासबके देहमे यी बेबस्‍थाके पालन कराके घमन्‍ड करैले सके।

गलाती 2:14

जब उसबके सुसमाचारके सत्‍यता अनुसार चलैत नै देखलियै तब हम सबके अगा पतरुसके कहलियै, “तुसब यहुदियो भ्‍याके गैर-यहुदीसब जखा जिबनबेतित करैचिही त, कथिले गैर-यहुदीसबके यहुदी बेबस्‍था पालन करैले कर लगाबैचिही?”

२ कोरन्‍थी 10:12

आपनके बरका सम्‍झैबला लोकसबसङे हमसब आपनके एकेटा दरजामे या तुलना करैले साहस नै करैचियै, महज उसब आपने आपके एक-दोसरसङे नाइपके देखैछै या तुलना करैछै आ उसब मुरुख लोक जखा हैछै।

परेरित 15:5

महज परभुमे बिस्‍बास करैबला फरिसी दलके कुछ लोक ठार भ्‍याके कहेलाग्‍लै, “गैर-यहुदीसबके यहुदी चलन अनुसार खतना करनाइ जरुरी छै आ ओइसबके आग्‍या देल जाय कि मोसाके नियम पालन करे।”

युहन्‍ना 7:18

जे कोइ आपन मनसे बोलैछै, उ आपने महिमा ताकैछै, महज जे अपना पठाइबलाके आदर खोजैछै, उ सत लोक चियै आ ओइमे कोनो कपट नै रहैछै।

लुका 20:47

उसब बिधुवासबके घर हरैप लैछै आ देखाबटी बरका-बरका परथना करैछै। साँचे उसब त बेसीसे कठोर सजाय पाबतै।”

मतीके लिखल सुसमाचार 23:28

ओहैतरहसे तुसब बाहरसे लोकसबके अगा धरमी जखा देखापरैचिही, महज भितरसे कपट आ दुस्‍टतासे भरलचिही।

मतीके लिखल सुसमाचार 23:5

सबकाम उ सब देखाबैके लेल मातरे करैछै। उसब आपन हाथमे आ कपारमे बेबस्‍थामे लिखल बातसब जन्‍तरमे राइखके बान्‍हैछै आ आपन बस्‍तरमे लाम-लाम फुदनासब लगाके पिन्‍हैछै।

मतीके लिखल सुसमाचार 6:16

“जब तुसब उपास बैठैचिही तब कपटी जखा उदास चेहरा नै देखा। कथिलेत लोकसबके उपास बैठल देखाइले उसब आपन मुह मलिन करने रहैछै। साँचे हम तोरासबके कहैचियौ, ओकरासबके मिलैबला पुरे इनाम मिलगेलछै।

मतीके लिखल सुसमाचार 6:2

“जब तुसब दान दैचिही त, आपनेसे ढोल नै पिट, जनङ कपटीसब सभाघरसब आ रस्‍तामे लोकसबसे आपन परसन्‍सा पाबैले करैछै। साँचे हम तोरासबके कहैचियौ, ओइसबके आपन इनाम भेटगेलछै।

मतीके लिखल सुसमाचार 6:5

“जब तुसब परथना करैचिही त, तखुन कपटी जखा नै बन, कथिलेत उसब सभाघरसबमे आ रस्‍ताके कात-करौतके लोकसब देखे कैहके ठरा भ्‍याके परथना करैछै। साँचोके, हम तोरासबके कहैचियौ, उसबके आपन इनाम मिलगेलछै।

मतीके लिखल सुसमाचार 5:10

धैनके चियै धारमिकताके खातिर सताबट भोगैबलासब, कथिलेत स्‍वरगके राज ओहिनेसबके चियै।

मतीके लिखल सुसमाचार 23:27

“तुहे धरमगुरुसब आ फरिसीसबके धिक्‍कार! तुसब कपटी चिही! कथिलेत तुसब चुनासे पोतल चिहानसब जखा चिही, जे बाहरसे त सुन्‍दर देखाइछै, महज ओकर भितरमे मुरदाके हडी आ सरल चिजसे भरल रहैछै।