गलाती 6:10 - मध्‍य पुरविया थारू

¹⁰ तैखातिर मौका भेटैत मातर सबकोइके भलाइ कैरते चल, खास कैरके खिरिस्‍टमे बिस्‍बास करल परिबारसबके।

गलाती 6:10 Referans Kwoze

हिबरु 13:16

एक दोसरके भलाइ करैले आ आपनसङे भेल चिज बाटचुट करैले नै भुल, कथिलेत अहिनङे बलीसबमे परमेस्‍वर परसन्‍न हैछै।

१ थेसलोनिकी 5:15

तुसब ककरो खराबीके बदला खराबी नै कर, महज एक-दोसरके आ सके जतहेक सब लोकसबके भलाइ करैके कोसिस कर।

तितस 3:8

यि बातसब साँचोके चियै। हम चाहैचियै कि अइ बातसबमे जोर दिय, ताकि जे परमेस्‍वरमे बिस्‍बास करने छै उसब असल काममे धियान देबे। कथिलेकी यि सब लोकसबके लेल असल आ फाइदाके बात चियै।

मतीके लिखल सुसमाचार 25:40

तैपर रजा ओइसबके जबाफ देतै, ‘साँचे हम तोरासबके कहैचियौ कि, जे कुछो तुसब यि भाइसबमेसे सबसे छोटके लेल करलिही, उ हमरे करलिही।’

हिबरु 6:10

तुसब परमेस्‍वरके लोकसबके सेबा कैरते परमेस्‍वर परती आपन परेम देखाइनेचिही आ अखुनो अहिनङ सेबा करैत आइबरहलचिही। परमेस्‍वर अनियाय नै करैछै। तोरासबके करल यि सेबा आ परेमके उ कहियो नै बिसरतै।

एफिसी 2:19

अहै खातिर तु गैर-यहुदीसब आब बिदेसी आ अनचिन्‍हार नै चिही, महज परमेस्‍वरके जनसङे तुसब एके समुहके नागरिक आ परमेस्‍वरके परिबारके सदससब भेलचिही।

युहन्‍ना 12:35

तब येसु ओइसबके कहल्‍कै, “औरो कुछ समयतलिक इजोत तोरासबसङे छौ। इजोत रैहते तुसब चलफिर कर, नै त अन्‍हार तोरासबके झाइपदेतौ। जे अन्‍हारमे चलैछै, उ कते ज्‍यारहल छै से उ नै जानैछै।

लुका 6:35

“महज आपन सतरुसबके परेम कर आ ओकरासबके भलाइ कर तब कोइ फिरता करतौ तै आसमे पैंचा नै दहै। तैसे तोरासबके इनाम बरका हेतौ तब तुसब महान परमेस्‍वरके बेटाबेटी कहाइबिही। कथिलेत उ बेगुनिया आ स्‍वारथी लोकसबके परेम करैछै।

युहन्‍ना 9:4

हमरा पठाइबलाके कामसब अपनासबके दिन रहिते करे परतौ, कथिलेत रातके अन्‍हारमे कोइ नै काम करे सकैछै।

तितस 2:14

येसु खिरिस्‍ट अपनासबके सब पापसबसे मुक्‍तीदैले आ सब खराबिसबसे छुटकारा दैले आपन परान निछावर करल्‍कै। उ यि चाहल्‍कै कि हमसब असल काममे उत्‍सुक हेबी आ ओकर अपने निज लोक हेबेसकी।

फिलिप्‍पी 4:10

हम परभुमे एकदम आनन्‍दित चियै। बहौत समयके बाद फेनसे तुसब हमरा वास्‍ता करलिही। अकर मतलब तुसब हमरा वास्‍ता नै करलिही कैहके नै कहैचियौ महज वास्‍ता करैके मौका नै मिलल छेलौ।

मतीके लिखल सुसमाचार 12:50

कथिलेत जे स्‍वरगमे रहैबला परमेस्‍वर पिताके इक्‍छा पालन करैछै, उहे हमर माँ आ हमर भाइ आ हमर बहिन चियै।”

३ युहन्‍ना 1:11

पिरिय सङि, तु खराब कामके देखासेखी नै कर, बरु असल कामके देखासेखी कर। जे असल काम करैछै, उ परमेस्‍वरके बेटा-बेटी चियै आ जे अधलाह काम करैछै, उ परमेस्‍वरके नै चिन्‍हने रहैछै।

कलस्‍सी 4:5

येसु खिरिस्‍टके बिस्‍बास नै करैबलासबसङे बेबहार करैतखिना बुइध पुगाके कर आ तोरासबके भेटल सब मौकाके पुरा रुपसे परयोग कर।

एफिसी 5:16

समयके पुरा सदुपयोग कर, कथिलेत अखुनके लोकसब बहुत खराब काम करैतरहैछै।

१ युहन्‍ना 5:1

जे कोइ येसुवे खिरिस्‍ट चियै कैहके बिस्‍बास करैछै, उ सबलोक परमेस्‍वरके बेटा-बेटी चियै। जे कोइ पिताके परेम करैछै से कोइ ओकर बेटाके सेहो परेम करैछै।

हिबरु 3:6

महज खिरिस्‍ट त घरके अधिकार पाबल बिस्‍बासयोग्‍य बेटा भ्‍याके सेबा करल्‍कै। यदि हमसब आपन आसामे अन्‍तिमतक भरोसा आ गर्‌भ कैरते रहबै त अपनोसब परमेस्‍वरके घरके सदस हेबै।

मरकुस 3:4

येसु ओइसबके कहल्‍कै, “बिसराम दिनमे भलाइ करनाइ कि खराब करनाइ, परान बचेनाइ कि मारनाइ, कोन उचित छै?” महज उसब जबाब नै देल्‍कै।

एफिसी 3:15

ओकरेसे स्‍वरग आ पिरथिबीमे भेल सब परिबार जिबन पाबैछै।

मतीके लिखल सुसमाचार 5:43

“तुसब सुन्‍ने चिही जे अनङ कहलगेल छेलै, ‘आपन परोसियाके परेम कर आ आपन दुस्‍मनके घिरना कर।’

मतीके लिखल सुसमाचार 10:25

तै खातिर चेला आपन गुरु जखा आ नोकर आपन मालिक जखा भेनाइ बहुत चियै। यदी उसब घरेके मालिकके बालजिबुल कहैछै त ओकर खानदानके औरो कि-कि नै कहतै!

परेरित 6:7

अहिनङ परमेस्‍वरके बचन पसरैत गेलै। यरुसलेममे बिस्‍बासीसबके संख्‍या बरहैत गेलै। पुजारीसब मेसे बहुत गोरे बचनके सुइकार कैरके परभुमे बिस्‍बास करल्‍कै।

गलाती 1:23

उसब हमर बारेमे अतबेहेक सुन्‍ने रहै, “हमरासबके उपर जे पहिने अतियाचार करैछेलै आ बिस्‍बासके नास करैछेलै आब ओह्‍या लोक बिस्‍बासके परचार करैछै।”

एफिसी 4:28

जे चोराबैछै आबसे उ चोरी नै करे। बरु मेहनत कैरके आपने हाथसे कमाबे आ अभाबमे परलहासबके मदत करैले सके।

१ थेसलोनिकी 5:21

महज सब बातके जाँच कर आ जे चिज असल छै ओइके पकरने रह।

१ पतरुस 2:5

तुसब जिबित पथल चिही। परमेस्‍वर तोरासबके परयोग कैरके आपन आत्‍मिक मन्‍दिर बन्‍यारहलछौ, ताकी तुसब पबितर पुजारी भ्‍याके येसु खिरिस्‍टसे परमेस्‍वरके मनपरैबला आत्‍मिक बलिदान चरहाइले सकबिही।

१ पतरुस 4:17

नियाय हैबला समय आइबगेल छै आ यि नियाय परमेस्‍वरके आपने लोकसबसे सुरु हेतै। हमरासबके नियाय हैछै त, परमेस्‍वरके सुसमाचार कहियो नै बिस्‍बास करैबलाके दसा केहन हेतै?

३ युहन्‍ना 1:3

कतहेक बिस्‍बासी भाइसब आइबके तोहर बारेमे बताइल्‍कै कि तु सत्‍यता आ बिस्‍बासयोग्‍यमे चैलरहलचिही, तब हमरा बहौत खुसी लागल।

३ युहन्‍ना 1:10

हम तोरासबलग एबौ त ओकर करल नै निक काम आ हमरासबके बिरोधमे बाजल सब खराब बात सुनाइबौ। ओतबेहेकमे सन्‍तुस्‍ट नै भ्‍याके उ अनचिन्‍हार बिस्‍बासी लोकसबके स्‍वागत नै करैछै आ जेसब स्‍वागतो करैले चाहैछै ओइसबके नै करैले दैछै आ ओइसबके मन्‍डलीयोसे बाहर निकाइल दैछै।

२ कोरन्‍थी 2:8

अहैलेल हम तोरासबके बिन्‍ती करैचियौ कि उ लोक परती आपन परेम औरो गहिरसे परकट कर।