गलाती 5:11 - मध्‍य पुरविया थारू

¹¹ भाइ-भैयासब, यदि हम अखुन्‍तो खतना करैये परतौ कैहके परचार करैचियौ त कथिले हमरमे सताबट एलै? यि बात सँच रहतियै त कुरूसके बलिदानके परचारसे ककरो चित नै दुखतियै।

गलाती 5:11 Referans Kwoze

१ कोरन्‍थी 1:23

महज हमसब त कुरूसमे टाङल खिरिस्‍टेके परचार करैचियै, जे यहुदी लोकसबके लेल ठेस लागैबला बात चियै आ गैर-यहुदीसबके लेल मुरुख बात चियै।

गलाती 6:12

बाहिरी रुपसे ठिक देखाइले चाहैबलासब तोरासबके खतना करैले कर-चाप लगाइतौ। यि बात उसब कुरूसमे देल खिरिस्‍टके बलिदानके कारन आबैबला सताबटसे बचैके लेल करैछै।

गलाती 4:29

लोकके इक्‍छा अनुसार जलमल्‍हा बेटा इसमाएल परमेस्‍वरके आत्‍मा अनुसार जलमल बेटा इसहाकके सताबै छेलै तहिनङे बेबस्‍था पालन करैबलासब अखुन्‍तो खिरिस्‍टके पछा लागैबलासबके सताबैछै।

गलाती 2:3

तै बखत हमरसाथमे रहल तितस, जे गैर-यहुदी भेलोपर, खतना करैये परतै कैहके कोइने कर लगाइल्‍कै।

१ कोरन्‍थी 15:30

यदि मरलसे जिके नै उठतै त हमसब मैरके जि उठैके बारेमे परचार कैरके आपन जिबनके कथिले घरीघरी खतरामे पारबै?

परेरित 21:21

उसब अहाँके बारेमे सुन्‍नेछै जे, गैर-यहुदीके बिचमे रहैबला यहुदीसबके अहाँ ‘मोसाके धरम नियमके आ ओकरासबके बाल-बच्‍चासबके खतना नै करैके आ रितिरिबाज पालन नै करैले’ कैहके सिखाइचियै।

गलाती 6:17

आबसे हमरा कोइने दुख देबे, कथिलेत हम खिरिस्‍ट येसुके दास चियै से परमान देखाबैले आपन देहमे ओकर चोटके डामसब धारन करनेचियै।

१ कोरन्‍थी 1:18

बिनास हैबला लोकसब कुरूसके समादके मुरुख बात ठानैछै, महज हमसब मुक्‍ती पाबैबलासबके लेल यि परमेस्‍वरके सक्‍ती चियै।

परेरित 21:28

चिच्‍याके कहेलाग्‍लै, “आबु, आबु इजराएली बाबु-भैयासब, मदत करु! एह्‍या लोक चियै जे, जते-तते ज्‍याके अपनासब इजराएलीसबके बिरोधमे बोलैबला! मोसाके नियमके नै मान आ मन्‍दिरमे पुजो नै कर कैहके सिखाइबला एह्‍या चियौ। अतबेहेकरा नै यि औरो जातीके लोकसबके मन्‍दिरमे ढुक्‍याके पबितरो जगहके अपबितर कैरदेनेछै।”

परेरित 16:3

ओकरा पावल आपनसङे लजाइले मन करल्‍कै। ओते रहैबला यहुदीसबके खातिर उ तिमोथीके यहुदी चलन अनुसार खतना कैरदेल्‍कै। कथिलेत ओइ इलाकामे रहैबला सब यहुदीसबके थाह रहै कि ओकर बाप गिरिक छेलै।

गलाती 3:1

हे मुरुख गलातीके बिस्‍बासी लोकसब, तोरासबके के मोहनी लग्‍याके मोइह लेल्‍कौ? तोरेसबके आँखेके अगा येसु खिरिस्‍ट कुरूसमे टाङलगेल बात अस्‍पस्‍ट रुपसे कैहदेनेछेलौ।