गलाती 4:6 - मध्‍य पुरविया थारू

⁶ तुसब परमेस्‍वरके बेटा-बेटी भेलासे उ आपन बेटाके आत्‍मा अपनासबके हिरदयमे राइखदेनेछै, जैसे “हे अब्‍बा, पिता!” कैहके पुकारैचिही।

गलाती 4:6 Referans Kwoze

रोमी 5:5

अहै आसाके कारन हमसब निरास नै हेबै कथिलेत परमेस्‍वर अपनासबके पबितर आत्‍मा देने छै आ पबितर आत्‍मासे परमेस्‍वर अपनासबके हिरदयमे आपन परेम भरनेछै।

रोमी 8:9

यदि साँचोके परमेस्‍वरके आत्‍मा तोरासबमे बास करैछौ त, तुसब पाप स्‍वभाबके अधिनमे नै, महज पबितर आत्‍माके अधिनमे रहैचिही। यदि कोनो लोकमे खिरिस्‍टके आत्‍मा नै छै त, उ खिरिस्‍टके लोक हेबे नै करतै।

फिलिप्‍पी 1:19

कथिलेत हमरा थाहछै, कि तोरासबके परथनासे आ येसु खिरिस्‍टके आत्‍माके मदतसे हम छुटकरा पाब्‍बै।

एफिसी 2:18

खिरिस्‍टके कारनसे अपनासब एके पबितर आत्‍मा पाइबके पिता परमेस्‍वरके सामने जाइले सकैबला भेलचिही।

२ कोरन्‍थी 3:17

आब परभु आत्‍मा चियै आ जते परभुके आत्‍मा छै ओते स्‍वतनन्‍तरता रहैछै।

एफिसी 4:30

परमेस्‍वरके पबितर आत्‍माके दुखी नै बना, कथिलेत पबितर आत्‍मा तोरासबके छुटकाराके दिनके खातिर भेटल छाप चियौ।

यहुदा 1:20

महज, पिरिय भाइसब, तुसब एकदम पबितर बिस्‍बासमे बौकार हैत जो। पबितर आत्‍माके सक्‍तीमे रैहके परथना कर।

युहन्‍ना 16:7

महज साँचोके हम तोरेसबके कहैचियौ, हम अतेसे जेबौ तब मातरे तोरासबके असल हेतौ। कथिलेत यदी हम नै जेबौ त तोरासबके सल्‍लाह दैबला पबितर आत्‍मा तोरासबके लग नै एतौ। महज जब हम जेबौ, तब हम ओकरा तोरासबके लग पठाइबौ।

युहन्‍ना 14:16

हम पितासे बिन्‍ती करबै आ उ तोरासबसङे सबदिन रहैके खातिर एक गोरा सल्‍लाह दैबला पठाइतौ।

लुका 11:13

तुसब खराब हैतोपरभी आपन धियापुतासबके असल चिजसब दैले आबैछौ त, औरो तोरासबसे बेसी स्‍वरगमे रहैबला पिता, ओकरसङे माङेबलाके पबितर आत्‍मा दैछै!”

२ कोरन्‍थी 1:22

अपनासबमे उ आपन छाप लगाइने छै आ बैनाके रुपमे पबितर आत्‍माके अपनासबके हिरदयमे बास करैले देने छै।

युहन्‍ना 15:26

“हम पिताके तरफसे तोरासबके लेल सल्‍लाह दैबला पबितर आत्‍माके पठादेबौ। उ पितालगसे एल सत आत्‍मा चियै जे हमर बारेमे गबाही देतै।

लुका 11:2

येसु ओकरासबके कहल्‍कै, “तुसब परथना करैतखिना अनङ कह, ‘हे हमरासबके परमेस्‍वर पिता, अहाँके पबितर नामके आदर हेबे, अहाँके राज आबे,

युहन्‍ना 3:34

परमेस्‍वरसे पठाएल लोक परमेस्‍वरेके बात बाजैछै कथिलेत परमेस्‍वर ओकरा आपन आत्‍मा भरपुर कैरके दैछै।

१ पतरुस 1:11

ओकरासबके भितरमे रहल खिरिस्‍टके आत्‍मा खिरिस्‍टके दुख भोगेपरतै आ पछा आबैबला महिमाके बारेमे पहिनेसे भबिसबानी करने रहै। तब उ समय कहिया आ कनङके एतै कैहके उसब खोज-तलास करने छेलै।

एफिसी 6:18

तुसब पबितर आत्‍माके सक्‍तीमे हर बखत परमेस्‍वरसे परथना कर। होसियार आ लगनसिल भ्‍याके हरदम खिरिस्‍टके पबितर जनसबके खातिर परथना करैतरह।

परकास 19:10

तब हम ओकरा आराधना करैले ठेङहुनिया देलियै महज उ हमरा कहल्‍कै, “तु एहेन नै कर। हम त तोहर आ तोहर भाइ-भैयासबसङे येसुके गबाही दैबला परमेस्‍वरके सेबक मातरे चियै। परमेस्‍वरके मातरे आराधना कर। कथिलेत जे कोइ परभु येसु खिरिस्‍टके गबाही दैछै ओकरा परमेस्‍वरसे अगमबक्‍तासबके हौसला दैछै।”

एफिसी 1:13

तहिनङे तु गैर-यहुदीसब मुक्‍ती दैबला सतके बचन अरथात सुसमाचार सुइनके खिरिस्‍टमे बिस्‍बास करलिही। आपन परतिग्‍या करलहा पबितर आत्‍माके छाप तोरासबके लग्‍यादेनेछौ।

१ कोरन्‍थी 15:45

तैखातिर पबितर धरमसास्‍तरमे एहेन लिखल छै, “पहिल्‍का लोक आदम जिबित परानी भेलै।” महज अन्‍तिम आदम अरथात खिरिस्‍ट जिबन दैबला आत्‍मा चियै।

परेरित 16:7

माइसिया इलाकाके सिमानामे पुगलाके बाद उसब बेथिनिया इलाका दिसन जाइले बिचार करल्‍कै, महज येसुके आत्‍मा ओइसबके जाइले नै देल्‍कै।

युहन्‍ना 7:39

येसु यि बात पबितर आत्‍माके बारेमे कहने छेलै, जे पबितर आत्‍मा ओकरमे बिस्‍बास करैबलासब पाबैले लागलछेलै। ओइ बखत तक परमेस्‍वर पबितर आत्‍माके नै पठेने छेलै, कथिलेत येसु आपन स्‍वरगके महिमामे घुइमके नै गेलछेलै।

मरकुस 14:36

तब उ कहल्‍कै, “हे, पिता अहाँके लेल सब चिज सम्‍भब छै। यि दुखके बाटी हमरसे हटा दिय। महज हमर इक्‍छा करल जखा नै, अहाँके इक्‍छा करल जखा हेबे।”

१ थेसलोनिकी 4:8

अहैलेल यि सिक्‍छाके इन्‍कार करैबला लोकके नै, महज परमेस्‍वरके इन्‍कार करैछै, जे परमेस्‍वर आपन पबितर आत्‍मा तोरासबके देने छौ।