गलाती 4:21 - मध्‍य पुरविया थारू

²¹ बेबस्‍थाके अधिनमे रहैले चाहैबलासब हमरा यि कह, बेबस्‍था कि कहैछै तोरासबके थाह नै छौ?

गलाती 4:21 Referans Kwoze

गलाती 3:10

बेबस्‍था पालन कैरके धरमी हैले चाहैबलासब सरापके अधिनमे रहैछै कथिलेत पबितर धरमसास्‍तर कहैछै, “बेबस्‍थाके किताबमे लिखल सब बात नै मानैबला लोकसब सरापित हैछै।”

रोमी 3:19

बेबस्‍थाके बात त बेबस्‍थाके अधिनमे रहैबला लोकसबके लेल चियै कैहके हमरासबके थाहछै। ओहैसे परमेस्‍वर सन्‍सारके नियाय करैतखिना हम पाप नै करनेचियै कैहके बहाना बनाबे नै सक्‍तै।

गलाती 4:9

महज आब त तुसब परमेस्‍वरके चिन्‍हनेचिही या परमेस्‍वर तोरासबके चिन्‍हने छौ। महज तुसब कनङ फेर अइ सन्‍सारके कमजोर रितिरिबाज दिसन लागैचिही आ कथिले ओइसबके दास बनैले चाहैचिही?

रोमी 6:14

पाप तोरासबमे अधिन नै करे, कथिलेकी तुसब बेबस्‍थाके अधिनमे नै, महज परमेस्‍वरके अनुगरहमे बचल चिही।

युहन्‍ना 15:25

महज ‘उसब हमरा बिना कारन घिरना करल्‍कै’ कैहके ओइसबके बेबस्‍थामे लिखल बचन पुरा हैकेलेल यि सब भेलै।

युहन्‍ना 12:34

तब भिरके लोकसब ओकरा पुछल्‍कै, “खिरिस्‍ट त सबदिन रहतै कैहके हमसब बेबस्‍थासे सिखने चियै। तब अहाँ कनङ कहैचियै कि मानबके बेटा उपर उठ्‍याल जेतै? यि मानबके बेटा के चियै?”

युहन्‍ना 10:34

येसु उसबके कहल्‍कै, “कि तोरासबके पबितर धरमसास्‍तरमे एहेन नै लिखल छौ, ‘हम कहैचियौ कि, तुसब इस्‍वरसब चिही?’

लुका 16:29

महज अबराहम कहल्‍कै, ‘ओकरौरके सङे मोसा आ अगमबक्‍तासबके लिखल पबितर धरमसास्‍तरसब छौ त, ओकरे मानतौ त नै हेतौ!’

मरकुस 10:3

येसु उसबके जबाफदैत कहल्‍कै, “तोरासबके मोसा कथी आग्‍या देनेछेलौ।”