गलाती 4:19 - मध्‍य पुरविया थारू

¹⁹ हमर धियापुतासब, तोरासबमे जाबे तलिक खिरिस्‍टके स्‍वभाब नै बन्‍तौ ताबे तलिक हम फेनो जलमासोचके पिरा जखा दुख सहैत रहबौ।

गलाती 4:19 Referans Kwoze

रोमी 8:29

परमेस्‍वर सन्‍सार बनाबैसे पहिने ओकरासबके चिन्‍हने छेलै आ उसब ओकर बेटा येसु खिरिस्‍ट जखा बने आ उ सब भाइ-भैयासबसे जेठ हेबे कैहके चुनल्‍कै।

एफिसी 4:13

अपनासब बिस्‍बास आ परमेस्‍वरके बेटाके ग्‍यानमे एक भेल आ खिरिस्‍टके पुर्‌नताके नाप अनुसार पकिया लोक बनल उ चाहैछै।

रोमी 13:14

महज येसु खिरिस्‍टके स्‍वभाबके धारन कर आ पापी स्‍वभाबके इक्‍छा पुरा करैबला बातमे धियान नै दहै।

एफिसी 4:24

लया स्‍वभाब धारन करैके लेल तुसब परमेस्‍वरके स्‍वरुपमे बनल चिही, अहैसे परमेस्‍वरके इक्‍छा जखा तोरासबके चालचलन धरमी आ पबितर हेबे।

कलस्‍सी 4:12

तोरासबके एकटा भाइ, खिरिस्‍ट येसुके दास इपाफरास सेहो गोरलगी पठाइनेछौ। उ तोरासबके खातिर हरदम जोरतोरसे परथनामे सम्‍झैत रहैछौ ताकी तुसब बलगर हो आ परमेस्‍वरके सब इक्‍छा पुरा रुपसे मानैले सक।

कलस्‍सी 3:10

आब त तुसब लया स्‍वभाब धारन करनेचिही। तुसब परमेस्‍वरके पुरा ग्‍यान पाबैले सक कैहके सिरिस्‍टीकरता आपन स्‍वरुपमे तोरासबके लया बन्‍यारहलछौ।

फिलिप्‍पी 2:5

तोरासबमे एहेन मन हेबे, जे खिरिस्‍ट येसुमे छेलै।

याकुब 1:18

उ आपन इक्‍छा अनुसार सत बचनसे अपनासबके लबका जलम देल्‍कै, ताकी हमसब ओकर सिरिस्‍टीके एकटा पहिल्‍का फल जखा भ्‍यासकी।

फिलेमोन 1:10

ओनेसिमसके लेल तोरा बिन्‍ती करैचियौ। उ खिरिस्‍टमे हमर बेटा चियै, कथिलेकी हम जहलमे परल बखत ओकर आत्‍मिकी बाबु भेलचियै।

कलस्‍सी 1:27

यि महान रहसके बात गैर-यहुदीयो लोकसब बुझे कैहके परमेस्‍वरके योजना चियै। यि रहसके बात एह्‍या चियै, खिरिस्‍ट तोरासबमे बास करैछौ, जे गौरबके आसा चियौ।

कलस्‍सी 2:1

हम तोरासबके लेल, लाउडिकियामे रहल मन्‍डलीके लेल आ हमर मुहो नै देखने बिस्‍बासीसबके लेल मैर-मैरके काम करनेचियै से बात तुसब जान कैहके हमर इक्‍छाछै।

फिलिप्‍पी 2:17

यदि तोरासबके बिस्‍बाससाथ करल सेबाके कामके खातिर हमरा लहु बहाबैले परतै तैयो हम खुसिसे बहेबौ आ तोरेसबसङे आनन्‍द मनाइबौ।

फिलिप्‍पी 1:8

खिरिस्‍ट येसुवे जखा हम्‍हु तोरासबके परेम करलासे तोरासबके भेटैके एकदम इक्‍छा करनेचियै से परमेस्‍वर जानैछै।

१ युहन्‍ना 5:21

हमर पिरिय बेटा-बेटीसब, तुसब अपने आप झुठा देबी-देउतासबसे बैचके रह।

१ युहन्‍ना 2:12

हमर दुलरुवा धियापुतासब, हम तोरासबके यि लिखरहल चियौ, कथिलेत येसु खिरिस्‍टेसे तोरासबके पाप छमा भेलछौ।

१ युहन्‍ना 2:1

हे हमर दुलरुवा धियापुतासब, तुसब पाप नै करिहे कैहके यि बात तोरासबके खातिर लिखैचियौ। महज कोइ पाप करियोलेतै त अपनासबके दिसनसे पितासङे बिन्‍ती करैबला एक गोरा धरमी येसु खिरिस्‍ट छै।

हिबरु 5:7

येसु अइ सन्‍सारमे रहैतकाल मिरतुसे बचाबेबला परमेस्‍वरसङे जोरसे कानैत बिन्‍ती आ परथना करल्‍कै। ओकर नमरता आ भक्‍तीके कारन ओकर परथना परमेस्‍वर सुनल्‍कै।

तितस 1:4

तितस, हमे तोरा यि चिठी लिखैचियौ। साँचोके तु हमर आपने बेटा जखा चिही कथिलेकी तोहर आ हमर बिस्‍बास एके चियौ। परमेस्‍वर पिता आ अपनासबके मुक्‍तीदैबला येसु खिरिस्‍ट तोरा अनुगरह आ सान्‍ती देबे।

फिलेमोन 1:19

हम पावल आपने हाथसे यि लिखरहल चियौ, उ रिन हम आपनेसे तिरदेबौ। तु हमर कारन आत्‍मिक जिबन पाबइके रिनी भेलचिही से बात नै कहैतरहेपरतौ।

१ तिमोथी 1:2

बिस्‍बासमे हमर साँचोके बेटा तिमोथीके चिठी लिखरहलचियै। अपनासबके परमेस्‍वर पिता आ परभु येसु खिरिस्‍टसे तोरा अनुगरह, किरपा आ सान्‍ती मिले।

लुका 22:44

ओकर हिरदय एकदम दुखसे भरल छेलै, तब उ धियानसे परथना करे लाग्‍लै, तै बखत ओकर पसिना लहुके बरका-बरका ठोप जखा भुइयामे चुबै छेलै।

२ कोरन्‍थी 12:14

आब हम तेसर बेर तोरासबलग आबैले तयार भेलचियौ आ हम तोरासबके लेल बोझ नै हेबौ। हम तोरासबसे पैसा-कौरी नै, महज तोरासबके चाहैचियौ। कथिलेत बाप-महताइरके लेल बेटा-बेटी नै महज बाप-महताइरके बेटा-बेटीके लेल धन-सम्‍पती जोग्‍याके राइखदैले परैछै।

१ थेसलोनिकी 2:7

महज जहिने माँ आपन बालबच्‍चाके देखभाल करैछै, तहिने कैरके हमसब सेहो तोरासबसङे नरमसे बेबहार करलियौ।

३ युहन्‍ना 1:4

हमर बेटा-बेटीसब सतके रस्‍तामे चलैछै कैहके सुन्‍नाइसे बरका आनन्‍द हमर लेल औरो कथी हेतै?