गलाती 4:18 - मध्‍य पुरविया थारू

¹⁸ यदि कोइ तोरासबके लेल निक काम करैले चासो देखाइछौ त असल बात चियै। चाहे हम तोरासबसङे रही या नै रही तैयो हरदम असल बातमे जोसगर हो।

गलाती 4:18 Referans Kwoze

फिलिप्‍पी 2:12

अहैलेल हमर पिरिय भाइ-भैयासब, जनङ तोरासब सबदिन आग्‍यापालन करैत एलचिही, हमर उपस्‍थितीमे मातरे करल जखा नै, महज आब औरो बेसिसे हमर अनुपस्‍थितीमे आदर आ डर मानैत तुसब आपन मुक्‍तीके काम पुरा करैके लेल एकदमसे मेहनत कर।

परकास 3:19

जकरा हम परेम करैचियै, तकरा डाटै चियै आ सजाय द्‍याके सुधारैचियै। साच्‍चेके पाप करैले छोर आ हमरलग या।

तितस 2:14

येसु खिरिस्‍ट अपनासबके सब पापसबसे मुक्‍तीदैले आ सब खराबिसबसे छुटकारा दैले आपन परान निछावर करल्‍कै। उ यि चाहल्‍कै कि हमसब असल काममे उत्‍सुक हेबी आ ओकर अपने निज लोक हेबेसकी।

फिलिप्‍पी 1:27

मुख बात यह्‍या चियै कि तोरासबके चाल-चलन खिरिस्‍टके सुसमाचार अनुसार सोहाइबला हेबे। हम चाहे तोरासबके भेट-मुलकात करी, चाहे दुर रही तुसब एकेटा उदेस्‍य ल्‍याके अस्‍थिर चिही आ एकेटा मन भ्‍याके सुसमाचारके बिस्‍बासके लेल मेहनत कैररहल चिही कैहके हम सुनैले पाबी।

गलाती 4:13

तोरासबके थाहे छौ, कि हम बिमार भेलाके कारन पहिन्‍का बेर तोरासबके सुसमाचार सुनाइले मौका पाबलियै।

१ कोरन्‍थी 15:58

तैखातिर हे हमर पिरिय भाइ-भैयासब, बिस्‍बासमे बलगर आ अस्‍थिर रह। तुसब परभुके काममे बरहैत जो, कथिलेत तुसब जानैचिही कि परभुमे तोरासबके मेहनत बेरथ नै हेतौ।

युहन्‍ना 2:17

तब ओकर चेलासबके धरमसास्‍तरमे लिखल यि बात याद एलै, “हे परमेस्‍वर! अहाँके घरके खातिर हमर जोस हमर मन भितर आइग जखा बरैछै।”

गलाती 4:20

अखुन हम तोरासबसङे रहतियौ त नमरतासाथ बात करैले सकतियौ। महज अतेक दुर से हम कथी करबौ? हम दोधारमे परल चियौ।

गलाती 4:17

झुठा बिस्‍बासीसब त तोरासबके उपर बहुत मतलब देखाइछौ, महज असल सोइचके त नै। उसब त हमरसे दुर कैरके आपने दिसन तानैले चाहैछौ।