गलाती 3:8 - मध्‍य पुरविया थारू

⁸ परमेस्‍वर अबराहमके कहल्‍कै, “तोरेसे पिरथिबीके सब जातिके लोकसब आसिस पाबतै।” अनङ परमेस्‍वर गैर-यहुदीसबके बिस्‍बाससे धरमी ठहराइतै कैहके पबितर धरमसास्‍तर पहिनेसे असल समाचार सुनाइने छेलै।

गलाती 3:8 Referans Kwoze

हिबरु 4:2

कथिलेत अपनोसबके सेहो ओइसबके जखा सुसमाचार परचार करलगेलछै, महज उसब ओइ सुसमाचारमे बिस्‍बास नै करलाके कारन ओकरासबके कुछो फाइदा नै करल्‍कै।

गलाती 3:22

महज येसु खिरिस्‍टमे बिस्‍बास करैबलासबके परमेस्‍वरके परतिग्‍याके आसिस पाबैले सके कैहके सबके पापके अधिनमे राखल छै कैहके धरमसास्‍तर कहैछै।

गलाती 3:16

परमेस्‍वर, अबराहम आ ओकर सन्‍तानसे करल परतिग्‍या अहिनङे छेलै। पबितर धरमसास्‍तरमे द्‍याल उ परतिग्‍या “बहुतो सन्‍तानसबके” लेल नै, महज “एक गोरेके” लेल मातरे छेलै आ उ दोसर कोइने चियै, उ त केबल खिरिस्‍ट चियै।

युहन्‍ना 7:38

जे कोइ हमर उपर बिस्‍बास करैछै, पबितर धरमसास्‍तरमे कहल अनुसार उ लोकके हिरदयसे जिबित पानीके लदीसब बहतै।”

परकास 11:15

सातम स्‍वरगदुत आपन तुरही फुकल्‍कै त स्‍वरगमे बरका अबाज एहेन कहल्‍कै, “पिरथिबीमे राज करैके अधिकार आबसे अपनासबके परभु आ ओकर खिरिस्‍टके चियै आ उ जुगो-जुगतक राज करतै।”

रोमी 9:30

हमर कहैके बात यि चियै कि, गैर-यहुदीसब बेबस्‍था पालन कैरके परमेस्‍वरके नजरमे धरमी ठहरैले कोसिस नै करल्‍कै तैयो बिस्‍बास दुवारा धरमी ठहरलै।

रोमी 9:17

कथिलेत पबितर धरमसास्‍तरमे मिसर देसके एक गोरा रजा फारोके बारेमे अनङ लिखल छै, “तोहरमे हम आपन सक्‍ती देखाइले आ पुरे सन्‍सारमे आपन नाम घोसना करैके उदेस्‍यसे हम तोरा रजा बनाइने चियौ।”

गलाती 4:30

महज पबितर धरमसास्‍तर कथि कहैछै? “नोकरनी आ ओकर बेटाके घरसे निकाइल दहै कथिलेत नोकरनीके बेटा स्‍वतन्‍तर जनिसे जलमल बेटासे कोनो हक नै पाबतै।”

परेरित 2:35

‘जाबेतक हम तोहर दुस्‍मनसबके तोहर टाङके खराम नै बनाइबौ।’

युहन्‍ना 7:42

पबितर धरमसास्‍तरमे खिरिस्‍ट रजा दाउदके बंससे आ दाउदेके गाम बेथलेहेमसे एतै कैहके लिखल नै छै से?”

युहन्‍ना 19:37

आ फेनो दोसर ठाममे धरमसास्‍तर कहैछै, “जकरा उसब भोकल्‍कै, तकरा उसब देख्‍तै।”