गलाती 3:28 - मध्‍य पुरविया थारू

²⁸ आबसे नै त यहुदी, नै त गैर-यहुदी, नै दास, नै स्‍वतन्‍तर, नै पुरुख, नै जनी छै, कथिलेत तुसब खिरिस्‍ट येसुमे सबकोइ एक चियै।

गलाती 3:28 Referans Kwoze

कलस्‍सी 3:11

तैखातिर अते गिरिक या यहुदी, देहमे खतना करल आ नै करल, असभ्‍य, असिक्‍छित, दास या स्‍वतन्‍तर ककरो कोनो भेदभाव नै छै महज खिरिस्‍टे सब चिज चियै आ सबमे बास करैछै।

गलाती 5:6

खिरिस्‍ट येसुमे नै त खतनाके नै त बेखतना कोनो मोल छै। महज एकेटा बातके मोल छै, उ यि चियै, अपनासब बिस्‍बासके कारन एक-दोसरके परेम करैचियै।

युहन्‍ना 10:16

हमर औरो भेंरासब छै जे अइ जेरके नै चियै। हमरा ओकरोसबके अइ जेरमे लाबैके जरुरी छै। उसब हमर बोली सुन्‍तै आ सब एके जेरमे हेतै आ उसबके एकेटा चरबाह हेतै।

एफिसी 4:4

देह एके चियै आ पबितर आत्‍मो एके चियै। तहिनङ तोरासबके एके आसामे बोलाइनेछौ।

रोमी 9:24

ओकर बोलाबट पाबैबला लोकसब हमसब चियै। उ हमरासबके यहुदी मेसे मातरे नै महज गैर-यहुदी जातीसबसे सेहो बोलाइनेछै।

रोमी 1:16

हमरा यि सुसमाचार सुनाइले लाज नै लागैछै, कथिलेकी बिस्‍बास करैबला सबलोकके मुक्‍ती दैकेलेल यि सुसमाचार परमेस्‍वरके सक्‍ती चियै, जे पहिने यहुदीसबके लेल आ बादमे गैर-यहुदीयोसबके लेल चियै।

१ कोरन्‍थी 7:19

कथिलेत खतना करनाइ या नै करनाइ बरका बात नै चियै, महज परमेस्‍वरके आग्‍यापालन करनाइ सबसे बरका बात चियै।

युहन्‍ना 11:52

यहुदीसबके देसके लेल मातरे नै, महज जते-तते छिरियाल परमेस्‍वरके बेटा-बेटीसबके एकसाथ जमा करैके लेल एहेन कहलगेल छेलै।

युहन्‍ना 17:11

आब हम सन्‍सारमे नै रहबै, महज उसब त सन्‍सारेमे रहतै आ हम अहाँके लग आइबरहल चियै। हे पबितर पिता, अहाँ आपन नामके सक्‍तिसे एकरासबके रक्‍छा करु, जे नाम अहाँ हमरा देलियै, ताकि ओहोसब हम आ अहाँ एक भ्‍याल जखा एक हेबे।

१ कोरन्‍थी 7:14

कथिलेत बिस्‍बास नै करैबला घरबला आपन बिस्‍बास करैबाली घरबालीके कारनसे पबितर हैछै आ बिस्‍बास नै करैबाली घरबाली आपन बिस्‍बास करैबला घरबलाके कारनसे पबितर हैछै। नै त ओइसबके धिया-पुतासब असुध हेतियै महज आब उसब परमेस्‍वरमे पबितर रहैछै।

रोमी 3:22

अहिनङ कैरके, येसु खिरिस्‍टमे बिस्‍बास करैबला सबके परमेस्‍वर धरमी ठहराइनेछै, कथिलेत उ ककरो भेदभाव नै करैछै।

रोमी 8:1

ओहैसे जेसब येसु खिरिस्‍टमे बिस्‍बास करैछै, तकरासबके परमेस्‍वर दन्‍ड नै दैछै।

गलाती 3:14

अहैसे अबराहमके देल आसिस खिरिस्‍ट येसुसे औरो जातीके लोकसबके मिलैछै आ परमेस्‍वरके परतिग्‍या करल पबितर आत्‍मा अपनासब बिस्‍बाससे पाबैले सकैचियै।

गलाती 3:26

कथिलेत बिस्‍बाससे येसु खिरिस्‍टमे तुसब परमेस्‍वरके सन्‍तान भेलचिही।

गलाती 4:14

ओइ बखत हम बिमार छेलियौ त तोरासबके दिकत भेलछेलौ, तैयो तुसब हमरा छि-छि आ दुर-दुर नै करलिही। महज उन्‍टे तुसब त परमेस्‍वरके एकटा दुत आ खिरिस्‍टे जखा हमरा स्‍वागत करलिही।

गलाती 5:24

महज उसब, जे खिरिस्‍ट येसुके चियै, उसब आपन पाप स्‍वभाबके इक्‍छा आ ललसा कुरूसमे काटी ठोइकके मारनेछै।

एफिसी 1:1

हम पावल, परमेस्‍वरके इक्‍छासे येसु खिरिस्‍टके परेरित, एफिसस सहरमे रहैबला आ येसु खिरिस्‍टमे बिस्‍बास करैबला पबितर लोकसबके यि चिठी लिखैचियौ।

फिलिप्‍पी 1:1

हम पावल आ तिमोथी, येसु खिरिस्‍टके दास, फिलिप्‍पी सहरमे रहैबला परमेस्‍वरके पबितर जनसब, मन्‍डलीके रेख-देख करैबलासब आ डिकनसबके यि चिठी लिखैचियै।

कलस्‍सी 1:4

कथिलेत हमसब परभु येसु खिरिस्‍टमे तोरासबके बिस्‍बास आ ओकर सब पबितर लोकसबके करल तोहर परेमके बारेमे सुन्‍नेचियौ।

१ तिमोथी 1:12

हमर काममे हमरा बल दैबला अपनासबके परभु येसु खिरिस्‍टके हम धन्‍यबाद दैचियै, कथिलेकी हमरमे बिस्‍बास कैरके उ हमरा आपन सेबाके काममे छानल्‍कै।

२ तिमोथी 1:1

हम पावल, परमेस्‍वरके इक्‍छासे येसु खिरिस्‍टमे चुनल परेरित चियै। येसु खिरिस्‍टमे भेल अनन्‍त जिबनके परतिग्‍या सुनाइके लेल परमेस्‍वर हमरा पठाइने छै।