गलाती 3:21 - मध्‍य पुरविया थारू

²¹ तब कि बेबस्‍था परमेस्‍वरके परतिग्‍याके बिरोधमे छै त? कदापी नै। यदि बेबस्‍था पालन कैरके लोकसब अनन्‍त जिबन पाबैले सक्‍तियै त, बेबस्‍थे लोकसबके परमेस्‍वरके अगा धरमी ठहराइतियै।

गलाती 3:21 Referans Kwoze

गलाती 2:21

हम परमेस्‍वरके अनुगरहके बेरथके नै ठानैचियै। यदि बेबस्‍था पालन कैरके हमसब परमेस्‍वरके अगा धरमी ठहरैचियै त, खिरिस्‍टके मरनाइ बेरथ हेतै।

रोमी 9:31

महज इजराएलीसब बेबस्‍था पालन कैरके परमेस्‍वरके नजरमे धरमी ठहरैले बहुत कोसिस करल्‍कै तैयो धरमी ठहरैले नै सक्‍लै।

गलाती 2:19

कथिलेत हम त बेबस्‍थाके पालन करैले खोजलियै त ओह्‍या बेबस्‍था हमरा दोस लगेल्‍कै। तब परमेस्‍वरके लेल जिये सकी कैहके बेबस्‍थाके पालन कैरके मुक्‍ती पाबैके लेल कोसिस करैले छोइरदेलियै।

गलाती 2:17

यदि खिरिस्‍टमे धरमी ठहरैले कोसिस करैतखिना हमसब दोसी भेटाइबै त, कि खिरिस्‍ट पापके बढावा दैछै त? कदापी नै।

रोमी 3:31

तब कि अपनासबके अहै बिस्‍बास दुवारा बेबस्‍थाके बेरथ कैरदेबै? कदापी नै! बरु हमसब बेबस्‍थाके साँचोके मानैचियै।

रोमी 3:4

पक्‍का पुरा करतै, सब लोक आपन बचन पुरा नै करतै तैयो परमेस्‍वर आपन बचनके पुरा करतै। जनङ पबितर धरमसास्‍तरमे लिखल छै, “बोलि-बचनमे अहाँ ठिक ठहरलचियै, नियाय हेतै त अहाँके जित हेतै।”

रोमी 3:6

नै, परमेस्‍वरके दन्‍ड दैबला काम कोनो हालतमे गल्‍ती नै चियै। यदि परमेस्‍वर ठिकसे नियाय नै करतै त उ कनङके सन्‍सारके लोकसबके नियाय करतै?

हिबरु 11:7

बिस्‍बास करलाके कारनसे नोआ परमेस्‍वरके चेतावनीके सुनल्‍कै। कहियो नै देखल महज पाछु आबैबला घटनाके बारेमे परमेस्‍वर ओकरा कहने छेलै। नोआ परमेस्‍वरके बात माइनके काठके एकटा बरका पानी जहाज बनेल्‍कै आ ओइमे ढुइकके आपन परिबारके बचेल्‍कै। आपन बिस्‍बास दुवारा नोआ सन्‍सार गलत छेलै कैहके देखेल्‍कै तब उ बिस्‍बास दुवारा अपना धरमी लोक ठहरलै।

लुका 20:16

उ आइबके सब बटिदारसबके माइरदेतै आ अङगुर खेत औरो लोकसबके द्‍यादेतौ।” लोकसब यि बात सुइनके कहल्‍कै, “एहेन कहियो नै हेबे!”

२ कोरन्‍थी 3:7

मिरतु आनैबला बेबस्‍था पथलके सिलेटमे खोपके लिखल छेलै। उ बेबस्‍था एहेन महिमामय भ्‍याके एलै कि ओकर चमकसे इजराएलीसब मोसाके चेहरा देखैले नै सकल्‍कै, महज उ चमक हराइते जाइतरहै। मिरतु आनैबला बेबस्‍था अनङ छेलै त,

गलाती 6:14

अपनासबके परभु येसु खिरिस्‍टके कुरूस बाहके औरो कोनो चिजमे घमन्‍ड करैबला बात हमरसे दुरे रहे। ओकर कुरूसके कारन हमर लेल सन्‍सारके लोभ लालचसब मरल छै आ सन्‍सारके लेल हम मरल चियै।

हिबरु 7:18

मोसाके बेबस्‍था कमजोर आ बेकामके भेलाके कारन खारेज भेलछै।

हिबरु 7:19

कथिलेत उ बेबस्‍था त कोनो लोकके सिध बनाइले नै सकल्‍कै महज आब त ओहौसे असल दोसर आसा अपनासबके देलगेलछै, जे अपनासबके परमेस्‍वरके औरो लगमे पुगाइछै।