गलाती 3:14 - मध्‍य पुरविया थारू

¹⁴ अहैसे अबराहमके देल आसिस खिरिस्‍ट येसुसे औरो जातीके लोकसबके मिलैछै आ परमेस्‍वरके परतिग्‍या करल पबितर आत्‍मा अपनासब बिस्‍बाससे पाबैले सकैचियै।

गलाती 3:14 Referans Kwoze

१ कोरन्‍थी 12:13

हमसब चाहे यहुदी हेबे, चाहे गिरिक, चाहे दास हेबे, चाहे स्‍वतन्‍तर, सबकोइ एके पबितर आत्‍मासे बप्‍तिस्‍मा पाबनेचियै आ एके देह भेलचियै। तब अपनासबके एके पबितर आत्‍मा देनेछै।

एफिसी 2:18

खिरिस्‍टके कारनसे अपनासब एके पबितर आत्‍मा पाइबके पिता परमेस्‍वरके सामने जाइले सकैबला भेलचिही।

गलाती 3:2

हम तोरासबसे एकटा बात पुछैले चाहैचियौ, तुसब कनङके पबितर आत्‍मा पाबलिही? कि तुसब मोसाके बेबस्‍था पालन कैरके पबितर आत्‍मा पाबनेचिही? नै, महज तुसब सुसमाचार सुइनके बिस्‍बास करलासे पबितर आत्‍मा पाबनेचिही।

परेरित 2:33

अहैसे परमेस्‍वर पिता आपन देहना हाथ कात बैठेल्‍कै आ आपन परतिग्‍या अनुसार ओकरा पबितर आत्‍मा देल्‍कै। ओह्‍या पबितर आत्‍मा हमरासबके देने छै, जे अहाँसब देखैचियै आ सुनैचियै।

१ पतरुस 1:22

आब तुसब सतके माइनके आपन मन सुध कैरलेने चिही तहैलेल एक दोसर कोनो छलकपट नै कैरके भाइ-भैया आ दिदी-बहिन जखा परेम कर। हिरदयसे एक दोसरके परेम कर।

युहन्‍ना 7:39

येसु यि बात पबितर आत्‍माके बारेमे कहने छेलै, जे पबितर आत्‍मा ओकरमे बिस्‍बास करैबलासब पाबैले लागलछेलै। ओइ बखत तक परमेस्‍वर पबितर आत्‍माके नै पठेने छेलै, कथिलेत येसु आपन स्‍वरगके महिमामे घुइमके नै गेलछेलै।

एफिसी 4:30

परमेस्‍वरके पबितर आत्‍माके दुखी नै बना, कथिलेत पबितर आत्‍मा तोरासबके छुटकाराके दिनके खातिर भेटल छाप चियौ।

एफिसी 3:16

ओकर महान सम्‍पैत आ आत्‍मासे तोरासबके सक्‍ती मिले। उ सक्‍ती तोरासबके आत्‍म बल बरहैत जाए कैहके हम परमेस्‍वरसङे परथना करैचियौ।

एफिसी 2:22

तु गैर-यहुदीसब सेहो ओकरमे औरो जनसबसङे उ घर बनैचिही, जते परमेस्‍वरके आत्‍मा बास करैछै।

गलाती 4:6

तुसब परमेस्‍वरके बेटा-बेटी भेलासे उ आपन बेटाके आत्‍मा अपनासबके हिरदयमे राइखदेनेछै, जैसे “हे अब्‍बा, पिता!” कैहके पुकारैचिही।

गलाती 3:16

परमेस्‍वर, अबराहम आ ओकर सन्‍तानसे करल परतिग्‍या अहिनङे छेलै। पबितर धरमसास्‍तरमे द्‍याल उ परतिग्‍या “बहुतो सन्‍तानसबके” लेल नै, महज “एक गोरेके” लेल मातरे छेलै आ उ दोसर कोइने चियै, उ त केबल खिरिस्‍ट चियै।

२ कोरन्‍थी 1:22

अपनासबमे उ आपन छाप लगाइने छै आ बैनाके रुपमे पबितर आत्‍माके अपनासबके हिरदयमे बास करैले देने छै।

परेरित 5:32

यि सब बातसबके हमसब साक्‍छी चियै आ परमेस्‍वर आपन आग्‍यापालन करैबलासबके देल पबितर आत्‍मा सेहो साक्‍छी दैछै।”

परेरित 4:12

“येसु बाहेक औरो कोइ दोसरमे उदार नै छै, कथिलेत हमरासबके उदार पाबैले स्‍वरगके निचा लोकसबके बिचमे औरो कोनो दोसर नाम नै देनेछै।”

लुका 24:49

हमर पिताके परतिग्‍या हम तोरौरके लग पठाइबौ। महज परमेस्‍वरके सक्‍ती नै पाबैतक अहै सहरमे असियाले रहिये।”

लुका 11:13

तुसब खराब हैतोपरभी आपन धियापुतासबके असल चिजसब दैले आबैछौ त, औरो तोरासबसे बेसी स्‍वरगमे रहैबला पिता, ओकरसङे माङेबलाके पबितर आत्‍मा दैछै!”

१ पतरुस 3:9

खराबीके बदला खराबी या अपमानके बदला अपमान नै कर। बरु खराबीके बदला आसिस दहै, कथिलेकी यह्‍या करैके लेल परमेस्‍वर तोरासबके बोलाइनेछौ आ तुहुसब आसिस पाबबिही।