गलाती 3:10 - मध्‍य पुरविया थारू

¹⁰ बेबस्‍था पालन कैरके धरमी हैले चाहैबलासब सरापके अधिनमे रहैछै कथिलेत पबितर धरमसास्‍तर कहैछै, “बेबस्‍थाके किताबमे लिखल सब बात नै मानैबला लोकसब सरापित हैछै।”

गलाती 3:10 Referans Kwoze

रोमी 8:7

पाप स्‍वभाबके इक्‍छामे चलैबला लोक परमेस्‍वरके बिरोधी रहैछै, कथिलेत उसब परमेस्‍वरके बेबस्‍था पालन नै करैछै आ करैयोले नै सकैछै।

रोमी 6:23

कथिलेत पाप करैबलाके बैन मिरतु चियै, महज फोक्‍टेमे देल परमेस्‍वरके बरदान त अनन्‍त जिबन चियै जे अपनासबके परभु येसु खिरिस्‍टमे देनेछै।

रोमी 4:15

कथिलेत बेबस्‍था भङ करैबलासब उपर परमेस्‍वरके करोध परैछै। महज जते बेबस्‍था नै छै ओते भङ करैबला बाते नै छै।

गलाती 2:16

तैयो लोक बेबस्‍था पालन कैरके धरमी नै ठहरैछै महज खिरिस्‍ट येसुमे भेल बिस्‍बास दुवारा धरमी ठहरैछै कहैबला बात जाइनके हमसब आपनेसे सेहो बेबस्‍थाके काम दुवारा नै बरु खिरिस्‍टके बिस्‍बास दुवारा धरमी ठहरलचियै कैहके येसु खिरिस्‍टमे बिस्‍बास करलियै कथिलेकी बेबस्‍थाके काम दुवारा कोइयो नै धरमी ठहरल जेतै।

मतीके लिखल सुसमाचार 25:41

“तकरबाद उ आपन बमा कता भेल्‍हासबके कहतै, हे परमेस्‍वरसे सराप पाबलाहा लोकसब। हमरसे दुर चैल जो! सैतान आ ओकर दुतसबके लेल तैयार करल कहियो नै मुझाइबला आइगमे चैल जो।

२ कोरन्‍थी 3:7

मिरतु आनैबला बेबस्‍था पथलके सिलेटमे खोपके लिखल छेलै। उ बेबस्‍था एहेन महिमामय भ्‍याके एलै कि ओकर चमकसे इजराएलीसब मोसाके चेहरा देखैले नै सकल्‍कै, महज उ चमक हराइते जाइतरहै। मिरतु आनैबला बेबस्‍था अनङ छेलै त,