गलाती 2:20 - मध्‍य पुरविया थारू

²⁰ हमर पहिन्‍का स्‍वभाब खिरिस्‍टेसङे कुरूसमे मरल छै। आबसे हम नै महज खिरिस्‍ट हमरमे जियैछै। जे जिबन अखन हम सरिरमे जियैचियै से परमेस्‍वरके बेटामे बिस्‍बास कैरके जियैचियै कथिलेत उ हमरा परेम करल्‍कै आ हमर खातिर उ बलिदान भेलै।

गलाती 2:20 Referans Kwoze

गलाती 5:24

महज उसब, जे खिरिस्‍ट येसुके चियै, उसब आपन पाप स्‍वभाबके इक्‍छा आ ललसा कुरूसमे काटी ठोइकके मारनेछै।

२ कोरन्‍थी 5:15

उ सबके लेल मरलै, ताकि बाचैबलासब आबसे आपने लेल नै बाच्‍तै, महज ओकरलेल बाँचे, जे ओकरासबके खातिर मरलै आ फेनसे जिबित भ्‍याके उठ्‍यालगेलै।

रोमी 6:8

महज यदि अपनासब खिरिस्‍टसङे मरल चियै त, ओकरसङे जिबित सेहो हेबै कैहके बिस्‍बास करैचियै।

गलाती 6:14

अपनासबके परभु येसु खिरिस्‍टके कुरूस बाहके औरो कोनो चिजमे घमन्‍ड करैबला बात हमरसे दुरे रहे। ओकर कुरूसके कारन हमर लेल सन्‍सारके लोभ लालचसब मरल छै आ सन्‍सारके लेल हम मरल चियै।

२ कोरन्‍थी 13:5

तुसब बिस्‍बासमे चिही कि नै चिही से आपनेसे जाँइचके देख। यदि जाँचमे असफल नै हेब्‍ही त खिरिस्‍ट तोरासबमे छौ कैहके थाहे हेतौ।

रोमी 6:13

आपन देहके अंगसबके दुस्‍टताके साधनके रुपमे पाप करैले नै सोप, महज मिरतुसे जिबनमे आनल लोकसबके जखा अपनाके परमेस्‍वरमे सोप आ परमेस्‍वरके असल कामके लेल आपन देहके अङसबके सोप।

१ थेसलोनिकी 5:10

परभु येसु आपनसबके खातिर अइलेल मरलै कि उ फेनसे आबैबखत अपनासब जिते हेबे चाहे मरल हेबे ओकरेसङे जिबन जियैले सकब।

तितस 2:14

येसु खिरिस्‍ट अपनासबके सब पापसबसे मुक्‍तीदैले आ सब खराबिसबसे छुटकारा दैले आपन परान निछावर करल्‍कै। उ यि चाहल्‍कै कि हमसब असल काममे उत्‍सुक हेबी आ ओकर अपने निज लोक हेबेसकी।

गलाती 1:4

येसु खिरिस्‍ट अपनासबके अइ दुस्‍ट सन्‍सारसे बचाइके लेल परमेस्‍वर आ पिताके इक्‍छा मुताबिक पापके खातिर बली भेलै।

युहन्‍ना 17:21

हम परथना करैचियै कि उ सबकोइ एक हेबे। हे पिता, जहिनङे अहाँ हमरमे आ हम अहाँमे चियै, तहिनङे ओहोसब अपनासबसङे एक हेबे, ताकि अहाँ हमरा पठाइनेचियै कैहके सन्‍सारके लोकसब बिस्‍बास करे।

रोमी 8:37

यि सब बात हैतोपरभी अपनासबके परेम करैबला खिरिस्‍टे दुवारा हमसब यि सब चिज उपर बरका जित पाबनेचियै।

१ युहन्‍ना 5:20

अपनासब जानैचियै कि परमेस्‍वरके बेटा आइबगेल छै आ सत परमेस्‍वरके चिन्‍हैले उ अपनासबके समझसक्‍ती देने छै। हमसब ओकर बेटा येसु खिरिस्‍टमे भेलासे सत परमेस्‍वरमे चियै। ओह्‍या सत परमेस्‍वर आ अनन्‍त जिबन चियै।

एफिसी 5:2

जनङ खिरिस्‍ट अपनासबके परेम करल्‍कौ, तहिनङ तुहुसब एक-दोसरके परेम कर। उ अपनसबके खातिर परमेस्‍वरके अगा आपनेके गमगम करैबला भेटी आ बलिदानके रुपमे अरपन करल्‍कै।

फिलिप्‍पी 4:13

खिरिस्‍टके देल सक्‍तीसे हम सबचिज करैले सकैचियै।

एफिसी 3:17

तुसब बिस्‍बास करलासे खिरिस्‍ट तोरासबके हिरदयमे बास करतौ आ ओकर परेममे तोरासबके जैर बरहैत आ बलगर हैत ज्‍या कैहके हम परथना करैचियौ।

गलाती 3:11

आब बेबस्‍था पालन कैरके कोइ नै परमेस्‍वरके अगा धरमी ठहरतै कथिलेत पबितर धरमसास्‍तरमे लिखल छै, “बिस्‍बाससे परमेस्‍वरके अगा धरमी ठहरैबला लोक अनन्‍त जिबन पाबतै।”

युहन्‍ना 3:16

कथिलेकी परमेस्‍वर सन्‍सारके लोकसबके एहेन परेम करल्‍कै कि उ आपन एकलौता बेटाके देल्‍कै। ओकर उपर बिस्‍बास करैबला नास नै हेतै, महज उ अनन्‍त जिबन पाबतै।

१ युहन्‍ना 1:7

महज परमेस्‍वर जहिनङ इजोतमे रहैछै तहिनङ हमसब इजोतमे चलैचियै त अपनासबके संगती एक दोसरसङे हैछै आ ओकर बेटा येसुके लहुसे अपनासबके सब पापसे सुध करैछै।

कलस्‍सी 1:27

यि महान रहसके बात गैर-यहुदीयो लोकसब बुझे कैहके परमेस्‍वरके योजना चियै। यि रहसके बात एह्‍या चियै, खिरिस्‍ट तोरासबमे बास करैछौ, जे गौरबके आसा चियौ।

रोमी 5:2

खिरिस्‍ट हमरासबके बिस्‍बास दुवारा परमेस्‍वरके अनुगरहमे लाबने छै। यह्‍या अनुगरहके हमसब अखुन अनुभव करैचियै आ परमेस्‍वरके महिमामे सहभागी हैके आसमे आनन्‍द मनाबैचियै।

रोमी 1:17

कथिलेत सुसमाचारसे लोकके परमेस्‍वर कनङके धरमी बनाइतै से बात परकट करने छै। परमेस्‍वरके अगा धरमी ठहरैबला बात बिस्‍बाससे सुरु हैछै आ बिस्‍बासेमे पुरा हैछै। जनङ कि पबितर धरमसास्‍तरमे लिखलछै, “जे लोक बिस्‍बास दुवारा परमेस्‍वरके अगा धरमी ठहरतै, उ लोक जिबन पाबतै।”

२ कोरन्‍थी 13:3

ओइ बखत खिरिस्‍ट हमर दुवारा बोलैछै कि नै बोलैछै कैहके तुसब परमान भेटाइबिही। तोरासबसङे काम करैतखिना उ कमजोर नै महज सक्‍तिसाली छै।

परकास 1:5

बिस्‍बास योग्‍य साक्‍छी आ मिरतुसे सबसे पहिन्‍का बेर जिबित भेल सन्‍सारके रजा सबके रजा, येसु खिरिस्‍टके तरफसे तोरासबके अनुगरह आ सान्‍ती मिले। उ अपनासबके परेम करैछै आ आपन लहुसे अपनासबके पापसे छुटकरा देनेछै।

१ थेसलोनिकी 1:10

तुसब त परमेस्‍वरके बेटा येसु जे स्‍वरगसे एतै कैहके बाट ताइकरहलचिही, जकरा परमेस्‍वर मरलसे जियाइल्‍कै उ येसु चियै। परमेस्‍वरसे आबैबला करोधसे अपनासबके बचाइबला ओह्‍या चियै।

युहन्‍ना 10:11

“असल चरबाह हम्‍ही चियै। असल चरबाह त आपन भेंरासबके लेल आपन परानो दैले पछा नै हटैछै।

युहन्‍ना 6:57

जहिनङे हमर पिता हमरा पठेल्‍कै आ हम ओकर कारनसे जिबित चियै, ओहिनङे हमर देह खाइबला हमर कारनसे जिबित रहतै।

परकास 3:20

देख, हम केबारके देहरीमे ठार भ्‍याके ढकढकाइबौ। कोइ हमर सोर सुनके केबार खोइलदेतै त, हम ओकर कते भितर एबै आ ओकरसङे भोजन खेबै आ उ हमरसङे भोजन खेतै।

१ पतरुस 1:8

तुसब ओकरा नै देख्‍नेचिही तैयो परेम करैचिही। अखैन तुसब नै देखैचिही तैयो ओकरमे बिस्‍बास करैचिही आ बखाने नै करेसकैबला गौरबमय आनन्‍दमे तुसब खुसी चिही।

मतीके लिखल सुसमाचार 20:28

तैहनङे मानबोके बेटा दोसरसे सेबा लैले नै, महज सेबा करैले आ बहौत लोकसबके पापसे छुटकारा दैके खातिर आपन परान दैले एलछै।”

युहन्‍ना 15:13

साथि-सङीके लेल आपन परान देनाइसे बरका परेम औरो किछो नै छै।

गलाती 2:16

तैयो लोक बेबस्‍था पालन कैरके धरमी नै ठहरैछै महज खिरिस्‍ट येसुमे भेल बिस्‍बास दुवारा धरमी ठहरैछै कहैबला बात जाइनके हमसब आपनेसे सेहो बेबस्‍थाके काम दुवारा नै बरु खिरिस्‍टके बिस्‍बास दुवारा धरमी ठहरलचियै कैहके येसु खिरिस्‍टमे बिस्‍बास करलियै कथिलेकी बेबस्‍थाके काम दुवारा कोइयो नै धरमी ठहरल जेतै।

२ कोरन्‍थी 10:3

कथिलेत हमसब सन्‍सारमे चियै तैयो सन्‍सारके लोकसब जखा हमसब आपन सतरुसबसङे लराइ-झगरा नै करैचियै।

युहन्‍ना 6:69

अहाँ परमेस्‍वरके पठ्‍याल पबितर लोक चियै से बातमे हमसब बिस्‍बास करैचियै आ जानैचियै।”

युहन्‍ना 1:49

नथानेल जबाब देल्‍कै, “गुरु जी, अहाँ परमेस्‍वरके बेटा चियै! अहाँ त इजराएलके रजा चियै।”

२ कोरन्‍थी 1:24

हमसब तोरासबके बिस्‍बासमे अधिकार जमाइले नै चाहैचियौ, बरु तोरासबके खुसिके लेल तोरेसबसे मिलके काम करैले चाहैचियौ। कथिलेकी तुसब आपन बिस्‍बासमे अस्‍थिर चिही।

परेरित 9:20

तब उ तुरन्‍ते सभाघरसबमे ज्‍याके परचार करे लाग्‍लै, “येसुवे परमेस्‍वरके बेटा चियै।”

एफिसी 5:25

हे घरबलासब, आपन घरबालीसबके परेम कर, जनङ खिरिस्‍ट मन्‍डलीके परेम करल्‍कै आ आपन जिबन अरपन करल्‍कै।

२ कोरन्‍थी 5:7

अपनासब आँखसे देखल बातके आधारमे नै, बल्‍की बिस्‍बासके आधारमे जियैचियै।

युहन्‍ना 3:35

परमेस्‍वर आपन बेटाके परेम करैछै आ सब चिज ओकरे हाथमे राइखदेनेछै।

१ युहन्‍ना 4:14

हमसब यि देख्‍ने चियै आ साक्‍छी दैचियै कि, परमेस्‍वर पिता सन्‍सारके मुक्‍ती दैबला हैकेलेल आपन बेटाके पठाइने छै।

परेरित 8:36

उसब रस्‍तामे जाइते-जाइते पानी भेल ठाममे पुग्‍लै। उ मुन्‍सी कहल्‍कै, “देखु, अते पानी छै, आब हमरा बप्‍तिस्‍मा लैले कोन चिज रोके सक्‍तै?”

मतीके लिखल सुसमाचार 4:3

तहै बखत सैतान ओकरलग आइबके कहल्‍कै, “साँचोके तु परमेस्‍वरके बेटा चिही त यि पथलसब रोटी भ्‍याजो कैहके आग्‍या कर।”

रोमी 3:22

अहिनङ कैरके, येसु खिरिस्‍टमे बिस्‍बास करैबला सबके परमेस्‍वर धरमी ठहराइनेछै, कथिलेत उ ककरो भेदभाव नै करैछै।

रोमी 4:25

येसु अपनासबके पापके खातिर मारलगेलै आ अपनासबके धरमी ठहराइके लेल जिबित कर्‌याल गेलै।

रोमी 5:6

हमसब अपनेसे मुक्‍तीके लेल कुछो करैले नै सकैबला भेलाके कारनसे खिरिस्‍ट अपनेसे ठिक समयमे हमरासबके लेल मरलै।

रोमी 5:8

महज अपनासब पापी भेल बखत खिरिस्‍टके अपनासबके लेल बलिदान द्‍याके परमेस्‍वर अपनासबके लेल महान परेम देखेल्‍कै।

रोमी 8:10

यदि खिरिस्‍ट तोरासबमे छौ त, तोरासबके देह पापके कारनसे मरतौ तैयो तोरासबके आत्‍मा सबदिनके लेल जिबित रहतौ, कथिलेत परमेस्‍वर तोरासबके आपन अगा धरमी बनाइनेछौ।

रोमी 14:7

अपनोसब आपने लेल नै जियैचियै आ आपने लेल नै मरैचियै।

१ कोरन्‍थी 6:17

महज जे लोक परभुसङे एक हैछै, उ लोक ओकरसङे आत्‍मामे एक हैछै।

२ कोरन्‍थी 5:14

हमसब त खिरिस्‍टके परेमके बसमे चियै, कथिलेकी हमसब निसचिन्‍त चियै कि सबलोकके लेल खिरिस्‍ट मरलाके कारन सबके मिरतु भेलै।

२ कोरन्‍थी 11:10

खिरिस्‍टके सत बात हमरमे रहैतक अखैया परदेसके कोइ नै हमर यि घमन्‍ड करैबला बातसबसे रोकैले सक्‍तै।

फिलिप्‍पी 1:21

कथिलेकी हमर जिबन जियैके मतलब खिरिस्‍टके लेल जिनाइ चियै महज मरनाइ हमर लेल लाभ चियै।

हिबरु 8:3

हरेक परधान पुजारीसब परमेस्‍वरके भेटी आ बलिदान चरहाबैके लेल नियुक्‍त भेल रहैछै। अहैलेल अपनासबके परधान पुजारीसङे कुछ न कुछ चिज चरहाइले परतै।