गलाती 2:14 - मध्‍य पुरविया थारू

¹⁴ जब उसबके सुसमाचारके सत्‍यता अनुसार चलैत नै देखलियै तब हम सबके अगा पतरुसके कहलियै, “तुसब यहुदियो भ्‍याके गैर-यहुदीसब जखा जिबनबेतित करैचिही त, कथिले गैर-यहुदीसबके यहुदी बेबस्‍था पालन करैले कर लगाबैचिही?”

गलाती 2:14 Referans Kwoze

गलाती 2:5

महज तोरासबमे भेल सुसमाचारके सत्‍यता सबदिन सुरक्‍छित रहे कैहके ओकरासबके अगा हमसब एकोरति नै झुकलियै।

परेरित 10:28

पतरुस ओइसबके कहल्‍कै, “तोरासबके थाहे छौ कि, आन जातीसबसे सङहत करनाइ, ओइसबसङे भेटघाट करनाइ यहुदीके लेल अनुचित बात चियै। तैयो परमेस्‍वर हमरा कोनो लोकके अपबितर आ असुध नै बुझहैकेचाही से देखाइनेछै।

१ तिमोथी 5:20

बेर-बेर पाप करैबला सबके मन्‍डलीके अगारी दम्‍सा ताकि देखके दोसरो गोरा डराबे।

गलाती 6:12

बाहिरी रुपसे ठिक देखाइले चाहैबलासब तोरासबके खतना करैले कर-चाप लगाइतौ। यि बात उसब कुरूसमे देल खिरिस्‍टके बलिदानके कारन आबैबला सताबटसे बचैके लेल करैछै।

हिबरु 12:13

तुसब आपन चलैबला बाट सोझ बना ताकी तोहर टाङ नै लरबराबे बरु बौकार भ्‍याजाए।

हिबरु 9:10

यि सब खाइ-पियैबला आ अनेक धारमिक बिधीसे सुध हैबला नियम मातरे छेलै। परमेस्‍वरके लया बेबस्‍था नै आबैतलिक करैबला धारमिक बिधी मातरे चियै।

गलाती 2:9

याकुब, पतरुस आ युहन्‍ना, जेसब मन्‍डलीके खम्‍हासब मानल छेलै, उसब हमरा परमेस्‍वरके देल अनुगरहके पहिचान करल्‍कै। उसब बरनाबास आ हमरा संगतीके लेल देहना हाथ बनाइल्‍कै। बरनाबास आ हम गैर-यहुदीसबके बिचमे आ उसब यहुदीसबके बिचमे काम करैले सहमत भेलियै।

गलाती 2:7

महज उसब देखल्‍कै कि, जनङ परमेस्‍वर हमरा गैर-यहुदीसबके बिचमे सुसमाचार सुनाइके लेल जिम्‍मा देनेछेलै, ठिक ओहिनङे यहुदीसबके बिचमे सुसमाचार सुनाइके लेल पतरुसके जिम्‍मा देने रहै।

रोमी 14:14

परभु येसुमे बिस्‍बास कैरके हम यि बात पक्‍का जानैचियै कि, खाइबला कोनो चिज आपनेमे असुध नै रहैछै। महज जे लोक असुध माइनके खाइछै, उ ओकरलेल असुधे हैछै।

परेरित 15:24

हमसब सुन्‍नेचियै कि, हमरासबके बिचसे कोइ-कोइ अहाँसब लग जाके हमरासबके आदेसे बेगर अहाँसबके मनमे तकलिफ कैरके कतहेक बातसे दुख देने छै।

गलाती 2:3

तै बखत हमरसाथमे रहल तितस, जे गैर-यहुदी भेलोपर, खतना करैये परतै कैहके कोइने कर लगाइल्‍कै।

परेरित 15:1

जब कुछ लोकसब यहुदिया परदेससे एन्‍टिओखियामे आइबके बिस्‍बासीसबके अनङ सिक्‍छा देबे लाग्‍लै, “जाबेतक तुसब मोसाके नियम जखा खतना नै करबिही ताबे तक तुसब मुक्‍ती नै पाबबिही।”

परेरित 15:5

महज परभुमे बिस्‍बास करैबला फरिसी दलके कुछ लोक ठार भ्‍याके कहेलाग्‍लै, “गैर-यहुदीसबके यहुदी चलन अनुसार खतना करनाइ जरुरी छै आ ओइसबके आग्‍या देल जाय कि मोसाके नियम पालन करे।”

गलाती 1:6

तोरासब खिरिस्‍टके अनुगरहमे बोलाइबला परमेस्‍वरके अतहेक जल्‍दी बिसैरके दोसर सुसमाचार दिसन लागल देखके हमरा त एकदम ताजुब लाइगरहल छै।

गलाती 1:18

तिन बरिसके बाद मातरे हम पतरुसके भेटैले यरुसलेम गेलियै आ ओकरसङे पनर दिन रहलियै।

कलस्‍सी 1:5

तोरासबके खातिर स्‍वरगमे सुरक्‍छित साथ राखल आसाके कारन एहेन बिस्‍बास आ परेम करैचिही। यि असाके बिसयमे तुसब पहिनेसे सतके बचन अरथात सुसमाचार सुन्‍नेचिही।