गलाती 1:6 - मध्‍य पुरविया थारू

⁶ तोरासब खिरिस्‍टके अनुगरहमे बोलाइबला परमेस्‍वरके अतहेक जल्‍दी बिसैरके दोसर सुसमाचार दिसन लागल देखके हमरा त एकदम ताजुब लाइगरहल छै।

गलाती 1:6 Referans Kwoze

२ कोरन्‍थी 11:4

यदि कोनो लोक आइबके हमरासबके करल येसुके परचार बाहेक दोसर येसुके परचार करतै त, तोरासबके भेटल आत्‍मासे दोसरे आत्‍मा तुसब गरहन करबिही त, या तोरासबके भेटल सुसमाचारसे कोनो दोसर सुसमाचार गरहन करबिही त, तुसब यि सबके अगा सहजे झुकैचिही।

१ तिमोथी 1:3

हम माकेडोनिया परदेस जाइबखत तोरा एफिससमे रह कैहके कहने छेलियौ। आब फेनो कहैचियौ कि ओतै रह आ झुठ सिक्‍छा सिखाइबलासबके ओहेन नै सिखा कैहके करा आग्‍या दहै।

१ कोरन्‍थी 4:15

तोरासबके खिरिस्‍ट येसुके बारेमे सिखाइबला दसो हजार गुरुसब भेलोपर पिता त बहुत नै छौ। महज सुसमाचार परचार कैरके खिरिस्‍ट येसुमे हम तोरासबके पिता भेलचियौ।

परेरित 15:11

महज हमसब बिस्‍बास करैचियै कि परभु येसुके किरपासे अपनासबके मुक्‍ती मिलल छै, जनङ उसबके मिलल छै।”

गलाती 5:4

बेबस्‍था पालन कैरके परमेस्‍वरके नजरमे धरमी ठहरैले चाहैबला खिरिस्‍टसे अलग भेलचिही आ ओकर अनुगरहसे दुर भेलचिही।

रोमी 10:3

कथिलेत परमेस्‍वर लोकसबके आपन अगा धरमी ठहराबैबला तरिकाके उसब जान्‍बे नै करैछेलै, तैल्‍याके उसब धरमी ठहराबैबला तरिकाके असुइकार करल्‍कै। उसब आपने तरिकासे परमेस्‍वरके अगा धरमी ठहरैले ताकल्‍कै।

१ तिमोथी 1:14

आब देख, अपनासबके परभु येसुके अनुगरह हमर उपर कतहेक बहौत छै कि उ आपन बिस्‍बाससे आ परेमसे हमरा भरल्‍कै।

परकास 22:21

परभु येसुके अनुगरह तोरासबसङे रहे! आमेन।

२ तिमोथी 2:1

हमर दुलरुवा बेटा तिमोथी, येसु खिरिस्‍टके अनुगरहसे बलगर हैत जो।

२ तिमोथी 1:9

परमेस्‍वरे हमरौरके बचेल्‍कै आ आपन पबितर बोलाबटसे बोलाइल्‍कै। हमरौरके काम देखके नै, महज उ आपन इक्‍छा आ अनुगरहसे करने छै, जे उ खिरिस्‍ट येसुमे जुगो-जुग पहिनेसे हमरासबके देने छेलै।

२ थेसलोनिकी 2:14

अहै खातिर अपनासबके सुनाएल सुसमाचारसे परमेस्‍वर तोरासबके बोलाइल्‍कौ। हमरासबके परभु येसु खिरिस्‍टके महिमा तोरोसबके मिले कैहके उ तोरासबके बोलाइनेछौ।

रोमी 5:2

खिरिस्‍ट हमरासबके बिस्‍बास दुवारा परमेस्‍वरके अनुगरहमे लाबने छै। यह्‍या अनुगरहके हमसब अखुन अनुभव करैचियै आ परमेस्‍वरके महिमामे सहभागी हैके आसमे आनन्‍द मनाबैचियै।

युहन्‍ना 9:30

तब उ लोक कहल्‍कै, “यि केहन अचमके बात! उ कतेसे एलछै से बात अहाँसब नै जानैचिही, महज उ हमर आँख खोइलदेल्‍कै।

२ पतरुस 1:3

आपन महिमा आ भलाइसे अपनासबके बोलाइबलाके हमसब जानैके कारन परमेस्‍वरके इस्‍वरीय सक्‍तिसे जिबन आ भक्‍तीके लेल अपनासबके आवसेक परल सब चिज परमेस्‍वर देनेछै।

१ पतरुस 1:15

तोरासबके बोलाइबला परमेस्‍वर जनङ पबितर छौ तहिनङ तुहुसब सब रहन-सहनमे पबितर हो।

मरकुस 6:6

ओइसबमे कन्‍हिकरो बिस्‍बास नै देखके येसु छक्‍के परलै। तब उ गाम-गाममे सिक्‍छा दैत गेलै।

रोमी 8:28

अपनासबके थाहछै कि, परमेस्‍वरके परेम करैबला आ ओकर उदेस्‍य अनुसार बोल्‍याल लोकसबके लेल सब बातमे परमेस्‍वर भलाइ करैछै।

रोमी 8:30

जकरा जकरा परमेस्‍वर पहिनेसे चुनल्‍कै, उ ओकरासबके बोलेबो करल्‍कै। जकरा बोलेल्‍कै ओकरासबके आपन नजरमे धरमी ठहरेल्‍कै। जकरा जकरा धरमी ठहरेल्‍कै, ओकरासबके आपन महिमामे सहभागी सेहो करेल्‍कै।

२ कोरन्‍थी 2:17

हमसब आपन फैदाके लेल परमेस्‍वरके बचन परचार करैबला बेपारी नै चियै। महज हमसब इमान्‍दार भ्‍याके खिरिस्‍टके सेबकके रुपमे परमेस्‍वर हमरासबके देखैछै से बात जाइनके ओकर बचन परचार करैचियै।

गलाती 1:7

बास्‍तममे दोसर सुसमाचार नै छै, महज कोइ-कोइ एहेन छै, जे तोरासबके अलमलमे पाइरके खिरिस्‍टके सुसमाचारके बिगारैले चाहैछै।

गलाती 1:11

हे हमर पिरिय भाइ-भैयासब, हमर करल सुसमाचार परचार, लोकसे नै एलछै से बात बुझ कैहके चाहैचियौ।

गलाती 1:15

महज हमर जलम हैसे पैहनैये परमेस्‍वर हमरा अलग करल्‍कै आ अनुगरहसे हमरा आपन काम करैले बोलाइल्‍कै।

गलाती 2:2

हमरा ओते जाइले परतै कैहके परमेस्‍वरके देख्‍याल अनुसार हम ओते गेलियै। हम ओते रहैबखत मन्‍डलीके मुल अगुवा मानलसबके एकान्‍तमे भेटघाट करलियै आ जे सुसमाचार हम गैर-यहुदीसबके सुनाइने छेलियै से बात सहि छै कैहके ओकरासबके परस्‍ट बत्‍यादेलियै। नै त हमर करल आ कैररहल काम बेरथ हेतै।

गलाती 2:5

महज तोरासबमे भेल सुसमाचारके सत्‍यता सबदिन सुरक्‍छित रहे कैहके ओकरासबके अगा हमसब एकोरति नै झुकलियै।

गलाती 2:7

महज उसब देखल्‍कै कि, जनङ परमेस्‍वर हमरा गैर-यहुदीसबके बिचमे सुसमाचार सुनाइके लेल जिम्‍मा देनेछेलै, ठिक ओहिनङे यहुदीसबके बिचमे सुसमाचार सुनाइके लेल पतरुसके जिम्‍मा देने रहै।

गलाती 2:14

जब उसबके सुसमाचारके सत्‍यता अनुसार चलैत नै देखलियै तब हम सबके अगा पतरुसके कहलियै, “तुसब यहुदियो भ्‍याके गैर-यहुदीसब जखा जिबनबेतित करैचिही त, कथिले गैर-यहुदीसबके यहुदी बेबस्‍था पालन करैले कर लगाबैचिही?”

गलाती 5:14

कथिलेत सब बेबस्‍थाके निचोर एकेटा आग्‍यामे पुरा हैछै, “आपन परोसियासबके आपने जखा परेम कर।”