गलाती 1:13 - मध्‍य पुरविया थारू

¹³ तुसब त जानैचिही, जखुन हम यहुदी धरम मानैछेलियै तै बखतके पहिन्‍का जिन्‍गीके बेबहार केहेन छेलै। कनङ हम परमेस्‍वरके मन्‍डलीके लोकसबके घोर अतियाचार करैछेलियै आ ओकरासबके नास करैले चाहैछेलियै।

गलाती 1:13 Referans Kwoze

परेरित 8:3

महज अने साउल घर-घरमे ढुइकके बिस्‍बासी मन्‍डलीके नास करैले कोसिस करैतरहै। उ मरद आ जनी सबके पकैरके घिस्‍याइते लज्‍याके जहलमे ढोइक दैछेलै।

१ कोरन्‍थी 15:9

हम परेरितसबमेसे सबसे तुच्‍छ चियै। हम परेरित कहैके योग्‍यके नै चियै कथिलेत हम परमेस्‍वरके मन्‍डलीके सताइने चियै।

परेरित 9:26

साउल यरुसलेम एलाकेबाद उ परभु येसुके चेलासबसङे भेट करैले ताकैछेलै। महज उसब डराबैछेलै कथिलेत ओहो येसु खिरिस्‍टके साँचोके चेला भेलै से बातके बिस्‍बास नै हैछेलै।

परेरित 9:21

यि बात सुनैबला सबकोइ अच्‍चम मानैत कहेलाग्‍लै, “यरुसलेममे येसुके बिस्‍बास करैबलासबके सताबैबला एह्‍या नै चियै त? आ अतौ ओइसबके बाइन्‍हके मुल पुजारीलग लेजेबै कैहके आएल नै छै त?”

१ तिमोथी 1:13

एक समयमे हम्‍हु परमेस्‍वरके निन्‍दा करैबला आ ओकरमे बिस्‍बास करैबलासबके सताइबला आ दुरछिया करैबला लोक छेलियै। महज परमेस्‍वर हमरा दया करल्‍कै कथिलेकी उ कामसब हम अन्‍जानमे करलियै आ ओइ बखत हम परभुके नै चिन्‍है छेलियै।

फिलिप्‍पी 3:6

जोसके बिसयमे कहबै त मन्‍डलीके सताबैबला, धारमिकताके बिसयमे कहबै त बेबस्‍थामे भेल धारमिकतासे हम निस्‍खोट ठहरलचियै।

परेरित 8:1

ओहै दिनसे यरुसलेमके मन्‍डलीके बिस्‍बासीसबके बिरोधमे बहौत बरका सताबट सुरु भेलै आ परेरितसबके छोइरके औरोसब बिस्‍बासीसब यहुदिया आ सामरियाके इलाकामे छिरिया गेलै।

१ कोरन्‍थी 10:32

तुसब ककरो ठेस लागैबला काम नै कर, चाहे यहुदीके, चाहे गिरिकके या चाहे परमेस्‍वरके मन्‍डलीके हेबे।

१ तिमोथी 1:14

आब देख, अपनासबके परभु येसुके अनुगरह हमर उपर कतहेक बहौत छै कि उ आपन बिस्‍बाससे आ परेमसे हमरा भरल्‍कै।