एफिसी 5:9 - मध्‍य पुरविया थारू

⁹ कथिलेत इजोतके फल त सब किसिमके भलाइ, धारमिकता आ सत्‍यता चियै।

एफिसी 5:9 Referans Kwoze

३ युहन्‍ना 1:11

पिरिय सङि, तु खराब कामके देखासेखी नै कर, बरु असल कामके देखासेखी कर। जे असल काम करैछै, उ परमेस्‍वरके बेटा-बेटी चियै आ जे अधलाह काम करैछै, उ परमेस्‍वरके नै चिन्‍हने रहैछै।

रोमी 15:14

हे हमर भाइ-भैयासब, हम जानैचियै कि तुसब असल चिही, सब परकारके ग्‍यानसे भरपुर आ एक-दोसरके सिक्‍छा दैले योग्‍यके चिही।

एफिसी 6:14

अहै कारन आब तैयार भ्‍याके ठारभेल रह। सतके डरकसना डारहमे बाइन्‍हके राख, छाति बचाइबला धारमिकताके कबज लगा।

१ तिमोथी 6:11

महज तु परमेस्‍वरके जन भेलाके कारन यि बातसबसे दुरे रहिहे। तु परमेस्‍वरके निक लागैबला धारमिक जिबन जिहे आ बिस्‍बास योग्‍य, परेम, धिरज आ नमरतामे आपन मन लगा।

फिलिप्‍पी 1:11

परमेस्‍वरके महिमा आ परसन्‍साके लेल येसु खिरिस्‍टसे आबैबला धारमिकताके फलसे तुसब भरिभराउ हो।

१ युहन्‍ना 2:29

खिरिस्‍ट धरमी छै से तुसब जानैचिही। तहैलेल निसचिन्‍त रह कि धारमिकतामे चलैबला सब परमेस्‍वरसे जलमल रहैछै।

हिबरु 11:33

उसब त बिस्‍बास दुवारा राजसबके जितल्‍कै, नियायके साथ राज करल्‍कै, परमेस्‍वरके परतिग्‍या करल चिजसब पाबल्‍कै आ सिंहसबके मुह बन्‍द कैरदेल्‍कै।

एफिसी 4:15

बरु परेमसे सत बाइजके सब बातमे अपनासब खिरिस्‍टे जखा हेब्‍ही, कथिलेत वह्‍या अपनासबके सिर चियौ।

रोमी 2:4

या कि तु परमेस्‍वरके महान किरपा, सहनसिलता आ धिरजके तुच्‍छ सम्‍झैचिही? परमेस्‍वर आपन किरपासे तोरा पापसे पस्‍चाताप करैके मौका देनेछौ से बात कि तोरा थाह नै छै?

हिबरु 1:8

महज उ आपन बेटाके बारेमे अनङ कहैछै, “हे परमेस्‍वर, अहाँके राज जुगो-जुगके लेल रहतै आ अहाँ आपन राज नियायके साथ चलाइबै।

एफिसी 4:25

अहै खातिर आब झुठ बाजैले छोइरदहै। एक-दोसरसङे सच-सच बोल कथिलेत अपनासब सबगोरा खिरिस्‍टके देहके अङसब चियै।

युहन्‍ना 1:47

नथानेलेके आपन दिसन आबैत देखके येसु कहल्‍कै, “देख, उ पक्‍के इजराएली चियै, ओकरमे कोनो छलकपट नै छै।”

मतीके लिखल सुसमाचार 3:8

तुसब आपन आपन पाप माइनके पस्‍चाताप करनेचिही त, असल बेबहार कैरके देखा।

कलस्‍सी 3:18

हे घरबालीसब, तुसब परभुके नजरमे मनपरैबला ढङसे आपन-आपन घरबलासबके अधिनमे रह।