एफिसी 5:4 - मध्‍य पुरविया थारू

⁴ निरलज, मुरुख आ खराब बचनसब तोरासबके मुहसे नै निक्‍ले, यि बात ठिक नै चियै। बरु अकर बदलामे त परमेस्‍वरके धन्‍यबाद दैबला काम हेबे।

एफिसी 5:4 Referans Kwoze

कलस्‍सी 3:8

महज आब तुसब रिस-राग, करोध, डाह, निन्‍दा आ आपन मुहसे निकलैबला अधलाह बोली हटाइले परतौ।

एफिसी 4:29

तोरासबके मुहसे खराब बात नै निक्‍ले, महज भलाइ करैबला आ मिठ बचन बोल ताकि सुनैयोबलासबके भलाइ हेबे।

१ थेसलोनिकी 5:18

केहनो परिस्‍थितीमे परमेस्‍वरके धन्‍यबाद दहै, कथिलेकी येसु खिरिस्‍टमे तोरासबके लेल परमेस्‍वरके इक्‍छा यिहे चियौ।

२ पतरुस 2:18

उसब घमन्‍डी आ मुरुख बात करैछै आ देहके लालसा देखाके भरखर खराब रस्‍तासे बाहर एलहा लया बिस्‍बासीसबके फसाबैछै।

हिबरु 13:15

अहैलेल अपनासब येसुके नाउमे परमेस्‍वरके परसन्‍साके बली सबदिन चरहाइत रह। उहे अपनासबके परभु चियै कैहके सुइकार करैत अपनासबके मुहसे निकलल परसन्‍सा अपनासबके चरह्‍याल भेटी चियै।

फिलिप्‍पी 4:6

कोनो बातके चिन्‍ता नै कर, महज खाचो परल चिजके लेल परमेस्‍वरमे परथना कर आ ओकर करल सब असल चिजके लेल धन्‍यबाद दहै।

यहुदा 1:10

महज यि लोकसब त आपनेसे नै बुझहल बातके मजाक करैछै। ओइसबके बुइध त जानबर जखाछै आ उसब ओहै कारन नास हेतै।

२ कोरन्‍थी 9:15

ओकर बखाने करैले नै सकैबला बरदानके लेल परमेस्‍वरके धन्‍यबाद हेबे।

मरकुस 7:22

लोभ, दुस्‍मनी, छल-कपट, निरलज, रिस-डाह, निन्‍दा, घमन्‍ड, मुरखता निक्‍लैछै।

यहुदा 1:13

उसब समुन्‍दरके बरका झोह जखा चियै आ आपन घिन्‍याल बात समुन्‍दरके गेजुवा जखा देखाइछै। उसब अने-ओने घुमैबला तरासब जखाछै, जकरासबके लेल सबदिनके खातिर पतालके अन्‍धकार राखलछै।

२ कोरन्‍थी 1:11

तुसब परथनासे हमरासबके सहायता करेपरतौ। अहिनङ बहौत लोकके परथनाके उतरके रुपमे हमसब जे आसिस पाबनेचियै, तकर लेल बहुतो लोक परमेस्‍वरके धन्‍यबाद चरहाइतै।

रोमी 1:28

उसब परमेस्‍वरके सत ग्‍यानके बेकाम ठानल्‍कै। ओहैसे परमेस्‍वर ओकरासबके ओहैसबके कुबिचारमे छोइरदेल्‍कै।

२ पतरुस 2:7

महज परमेस्‍वर लोतके सदोम सहरसे बचेल्‍कै, कथिलेकी उ धरमी छेलै। ओतेका खराब चालचलन भेल लोकसबके कारन उ दुख पाबने छेलै।

फिलेमोन 1:8

तोरा कथि करैके चाही, से आग्‍या दैकेलेल खिरिस्‍टमे हमरा साहस रहलो परभी,

१ थेसलोनिकी 3:9

तोरासबके लेल हमसब परमेस्‍वरके कतबो धन्‍यबाद देबै तैयो नै पुग्‍तै! तोरेसबके खातिर हमसब परमेस्‍वरके सामने बहौत आनन्‍द महसुस करैचियै।

एफिसी 1:16

हम परमेस्‍वरके हरदम धन्‍यबाद चरहाइचियै। हमर परथनामे तोरासबके सम्‍झैत रहैचियौ।

युहन्‍ना 6:23

तब तिबेरियास सहरसे औरो नाहसब ओइ ठामलग एलै, जते येसु परमेस्‍वरके धन्‍यबाद द्‍याके लोकसबके रोटी खियाइने छेलै।