एफिसी 5:32 - मध्‍य पुरविया थारू

³² यि बहौत बरका रहसके बात चियै। हम एह्‍या बात खिरिस्‍ट आ मन्‍डलीके समबन्‍धमे बोलैचियै।

एफिसी 5:32 Referans Kwoze

परकास 21:2

तब हम परमेस्‍वरसे बरके लेल कनिया जखा सिङगार-पटार करल, अरथात पबितर सहर, लया यरुसलेम, स्‍वरगसे निचा आबैत देखलियै।

२ कोरन्‍थी 11:2

परमेस्‍वर तोरासबके करल वास्‍ता जखा हम्‍हु तोरासबके वास्‍ता करैचियौ, कथिलेकी हम त एक मातरे बर खिरिस्‍टसङे तोरासबके बियाह कैरदैके परतिग्‍या करनेचियौ। ओहैसे तोरासबके ओकर पबितर कुमाइर कनियाके रुपमे कनियादान करैके बिचार करनेचियौ।

कलस्‍सी 2:2

हम अनङ करनेचियै ताकी ओइसबके हिरदयमे साहस मिले आ परेममे सङे जुरल रहे। अनङ हेतै त उसब आत्‍मिक रुपसे एकदमसे धनिक भ्‍याके परमेस्‍वरके रहसके ग्‍यान जे येसु खिरिस्‍ट चियै ओकरा पुरा रुपसे बुझैले सक्‍तै।

१ तिमोथी 3:16

परमेस्‍वरके परकट करल सत्‍यके सन्‍देस अचमके चियै आ अकरा कोइ नै इन्‍कार करे सक्‍तै। खिरिस्‍ट मानब बैनके परगट भेलै आ पबितर आत्‍मासे धरमी ठहरल गेलै। स्‍वरगदुतसब ओकरा देखल्‍कै आ जाती-जातीके बिचमे ओकर बारेमे परचार भेलै। सन्‍सारमे लोकसब ओकरा बिस्‍बास करल्‍कै आ उ महिमाके सङे स्‍वरगमे उठ्‍यालगेलै।

युहन्‍ना 3:29

जकरसङे कनिया छै वह्‍या बर चियै। बरसङे ठार हैबला बरेके अबाज सुइनके बहौत खुसी हैछै। अहैलेल हमर यि खुसी आब पुरा भेलछै।

एफिसी 6:19

हमरो खातिर परथना कर। जखुन हम बाजैके लेल आपन मुह खोल्‍बै तखुन परमेस्‍वर हमरा बचन देबे आ हम निडर भ्‍याके सुसमाचारके रहस दोसरके बुझ्‍हाबे सकी।

१ तिमोथी 3:8

तहिनङे मन्‍डलीमे सेबा करैबला डिकन निक चालचलनके लोक हैकेचाही। उसब साँच-साँच बोलैबला, दाख मध नै पियैबला आ पैसा-कौरीके लोभ-लालच नै करैबला हैकेचाही।

एफिसी 5:31

पबितर धरमसास्‍तरमे लिखल छै, “अहैलेल लोक आपन बाप-महताइर छोइरके आपन घरबालीसङे एक हैछै आ उ दुनु मिलके एके देह हैछै।”

एफिसी 5:33

चाहे जे हेबे, तुसब आपन-आपन घरबालीसबके आपने जखा परेम करे परतौ आ घरबालीयोसब आपन-आपन घरबलाके आदर करे परतौ।