एफिसी 5:21 - मध्‍य पुरविया थारू

²¹ तुसब खिरिस्‍टके आदर करलाके कारनसे एक-दोसरके अधिनमे रह।

एफिसी 5:21 Referans Kwoze

फिलिप्‍पी 2:3

आपन मातरे भलाइ नै खोज आ अहङकारमे कुछ नै कर, महज नमर्‌तामे एक दोसरके आपनसे बरका ठान।

एफिसी 5:24

जहिनङे मन्‍डली खिरिस्‍टके अधिनमे छै, तहिनङे घरबालीयोसब, सब बातमे आपन-आपन घरबलासबके अधिनमे रहे।

एफिसी 5:22

हे घरबालीसब, जनङ परभुके अधिनमे रहैचिही तहिनङ तुसब आपन-आपन घरबलाके अधिनमे रह।

१ पतरुस 5:5

तहिनङे जबानसब, बुढ लोकसबके अधिनमे रह। तुसब नम्‌र भ्‍याके एक दोसरके सेबा कर। कथिलेकी पबितर धरमसास्‍तरमे लिखल छै कि, “परमेस्‍वर घमन्‍डी लोकसबके बिरोध करैछै, महज नम्‌र लोकसबके अनुगरह करैछै।”

हिबरु 13:17

तोरासबके अगुवासबके कहल बात तुसब मान आ ओकरासबके अधिनमे रह। आपन कामके लेखा परमेस्‍वरके दैलेपरतै कैहके उसब तोरासबके आत्‍मामे देखभाल करतौ। ओकरासबके कहल बात मानबिही त उसब आपन काम खुसिसे करतौ। यदि दुख माइनके करबिही त तोरासबके कुछो फाइदा नै हेतौ।

१ पतरुस 2:17

रजा आ सब लोकसबके आदर कर। खिरिस्‍टमे बिस्‍बास करैबलासबके परेम कर। परमेस्‍वरके डर मान।

१ तिमोथी 3:4

उ आपन घर परिबार असलसे चलाबैबला, ओकर धियापुता असलसे आदर करैबला आ अरह्‍याल काम मानैबला हैकेचाही।

गलाती 5:13

भाइ-भैयासब, तुसब स्‍वतन्‍तर हैले बोल्‍याल गेलचिही। यि स्‍वतन्‍तरताके आपन पाप स्‍वभाबके इक्‍छा पुरा करैले परयोग नै कर। बरु परेमसे एक दोसरके भलाइ कर।

१ तिमोथी 2:11

जनिसब सान्‍तसँङे अगुवासबके अधिनमे रैहके सिखे।

१ कोरन्‍थी 16:16

तुसब एहेन लोकसबके आ ओइसबसङे सेबा आ मेहनत करैबलासबके अधिनमे रह कैहके आगरह करैचियौ।

१ पतरुस 2:13

परभुके आदरके खातिर अधिकारीसबके अधिनमे रह, चाहे सबसे उपरमे रहैबला रजा हेबे,

२ कोरन्‍थी 7:1

अहैलेल हे हमर पिरिय सङीसब, परमेस्‍वर अपनासबके देल यि परतिग्‍या अनुसार देह आ आत्‍माके असुध बनाबैबला हर किसिमके बातसे अपनासब दुरे रह आ परमेस्‍वरके डर मानैत औरो पबितर हैत चल।

२ कोरन्‍थी 5:11

परभुके डर कथि चियै कैहके हमरासबके थाहछै, ओहैसे हमसब लोकसबके सम्‍झाबैके कोसिस करैचियै। हमसब के चियै कैहके परमेस्‍वरके निकसे थाहछै आ हमर जिबन तोरासबके अगा खुलस्‍तछौ कैहके हम आस करैचियै।