एफिसी 5:18 - मध्‍य पुरविया थारू

¹⁸ अङगुरके मधसे नै मात कथिलेत ओइसे जिबन नास हैछै, महज पबितर आत्‍मासे भरपुर रह।

एफिसी 5:18 Referans Kwoze

रोमी 13:13

अपनासब दिनके इजोतमे रहल जखा असल काम कर। रातके अन्‍हारमे करल खराब काम जखा मोजमजा, मातैबला काम, बेबिचार, भरस्‍टाचार, लराइ-झगरा आ डाह करैले छोर।

लुका 1:15

कथिलेत परभुके नजरमे उ महान हेतै। उ कहियो नै अङगुरके मध आ दोसर कोनो निसाबला चिज छुबतै। उ जलमैसे पहिने पबितर आत्‍मासे भरल रहतै।

१ कोरन्‍थी 5:11

हम त खिरिस्‍टियन भाइ चियै कहैछै महज बेबिचार करैछै, लोभ करैछै, मुरतिपुजा करैछै, दोसरके निन्‍दा करैछै, मतबाला आ दोसरके ठकैछै, एहेन लोकसबसङे बैठके नै खो कैहके लिखने चियौ।

परेरित 11:24

कथिलेत उ असल, पबितर आत्‍मा आ परमेस्‍वरके बिस्‍बासमे भरपुर भेल लोक रहै। तब बहौत लोकसब अकरे कामसे उत्‍साहित भ्‍याके बहौत लोकसब परभु येसुके बिस्‍बास करल्‍कै।

१ थेसलोनिकी 5:7

कथिलेकी सुतैबलासब रातमे सुतैछै आ पियक्‍करसब रातेमे मातैछै।

लुका 12:45

महज उ मुखिया आपन मनमे ‘हमर मालिक अबेरसे एतै’ कैहके सधारन नोकर-चाकरके मारे-पिटे लाग्‍तै आ जथाभाबी खा-पिके माते लाग्‍तै त,

लुका 11:13

तुसब खराब हैतोपरभी आपन धियापुतासबके असल चिजसब दैले आबैछौ त, औरो तोरासबसे बेसी स्‍वरगमे रहैबला पिता, ओकरसङे माङेबलाके पबितर आत्‍मा दैछै!”

१ कोरन्‍थी 6:10

चोरसब, लोभ करैबलासब, पियक्‍करसब, निन्‍दा करैबलासब आ लुटपाट करैबलासब परमेस्‍वरके राजके हकदार हैले नै सक्‍तै।

तितस 1:6

मन्‍डलीके एल्‍डरसब निरदोस जिबन बिताइबला आ एकेटा घरबाली भेल लोक रहैके चाही। ओकर बेटा-बेटी बिस्‍बासी, असल चरितर आ कहल मानैबला हैकेचाही।

लुका 21:34

“तुसब आपनमे होसियार रह, बेसी भोज-भतेरके पछा नै जो, मतबालीपना आ जिन्‍गीके बारेमे चिन्‍ता करैसे होसियार रह, नै त उ दिन नै सोचलहा बखतमे चैलएतौ।

१ कोरन्‍थी 11:21

कथिलेत तुसब खाइबखत आपने आपने सुरमे खाइले लागैचिही। तब कोइ भुखले रहैछै आ कोइ पिके मातैछै।

मतीके लिखल सुसमाचार 23:25

“महज तु धरमगुरुसब आ फरिसीसबके धिक्‍कार! तुसब कपटी चिही! थारी आ बाटी बाहरसे त माजैचिही, महज ओइके भितर लोभ आ स्‍वारथ भरल रहैछौ।

मतीके लिखल सुसमाचार 24:49

उ आपन जरे काम करैबला नोकरसबके मारपिट करे लाग्‍तै आ अपने पियकर सङे खाइ-पिये लाग्‍तै त,

युहन्‍ना 2:10

“सबलोक पहिने असल्‍का मध पियैले दैछै आ जब लोकसब बहुते पिलैछै, तब मातरे दबका पियैले दैछै, महज अहाँ त असल्‍का अखुनतक राखने चियै।”