एफिसी 4:19 - मध्‍य पुरविया थारू

¹⁹ ओइसबके लाज पैचगेल छै आ जाइन-बुइझके हर परकारके असुध काम करैके लालचमे जिबन लगाइने छै।

एफिसी 4:19 Referans Kwoze

१ तिमोथी 4:2

एहेन सिक्‍छा झुठ बोलैबला कपटी लोकसबसे आबैछै। ओइसबके बुइध धिपल लोहासे दागल रहैछै।

कलस्‍सी 3:5

सन्‍सारमे तुसब आपन देहके इक्‍छाके मार, जनङ: बेबिचार, अधलाह बात, दुस्‍ट काम, असुध बिचार आ लोभ जे मुरतिपुजा चियै।

यहुदा 1:11

ओइसबके खातिर यि कतहेक डर हैबला बात चियै। उसब कयिनके देख्‍याल रस्‍ता चल्‍लै। पैसाके खातिर बलामके करलहा अधलाह कामके रस्‍ता गेलै तब उसब कोरह जखा बिरोध करल्‍कै आ उसब ओकरे जखा नास हेतै।

परकास 18:3

कथिलेत सब जातीसबके लोकसब ओकर बेबिचारके मध पिके मातल छै आ सन्‍सारके रजासब ओकरसे बेबिचार करने छेलै आ सन्‍सारके बेपारियोसब ओकर बरका मोज-मज्‍जाके कारन धनिक भेल छेलै।”

२ पतरुस 2:22

एकटा एहेन खिसा-पिहानी ओइसबमे मिलैछै, “कुता आपन बोकरल चाटैके लेल घुइमके आबैछै” आ “असलान करल सुगर फेनसे घुइमके थालेमे ओङहराइले लागैछै।”

१ पतरुस 4:3

तुसब बितलहा दिनसबमे गैर-यहुदी जखा निरलज बेबहार करनाइ, बेबिचारमे लिन, खराब अभिलासामे लगनाइ, पिके मातल, मोज-मज्‍जा करैबला आ घिरनित मुरतिपुजामे परसस्‍त समय बिताइलिही।

एफिसी 4:17

अहै खातिर हम परभुके देल अधिकारसे तोरासबके जोर द्‍याके कहैचियौ, आबसे तोरासबके चालचलन परमेस्‍वरके नै चिन्‍हैबलासब जखा नै हेबे। कथिलेत ओइसबके सोच-बिचार बेकार छै।

मरकुस 7:22

लोभ, दुस्‍मनी, छल-कपट, निरलज, रिस-डाह, निन्‍दा, घमन्‍ड, मुरखता निक्‍लैछै।