एफिसी 4:14 - मध्‍य पुरविया थारू

¹⁴ तब अपनासब चलाक लोकसबके झुठा सिक्‍छाके हबासे जने ल्‍याजेतौ तने जाइबला छोट धिया-पुता जखा नै हो। ओइसबके बन्‍याल जाल झेलसे दोसरके बहकाइछै।

एफिसी 4:14 Referans Kwoze

हिबरु 13:9

अनेक किसिमके अचमके सिक्‍छाके भरममे नै पर। खाइ पियैबला नियमसे नै महज परमेस्‍वरके अनुगरहसे हिरदय बौकार भेल असल चियै। ओहेन बिधी पालन कैरके ककरो उपकार नै भेलछै।

१ कोरन्‍थी 14:20

हे हमर भाइ-भैयासब, तुसब सोच-बिचारमे बचा जखा नै महज परिपक्‍क लोक जखा बन। खराब बातमे ठिक-बेठिक छुटयाबैले नै सकैबला बचा जखा हो।

१ युहन्‍ना 4:1

हमर पिरिय भाइ-भैयासब, हमरसङे पबितर आत्‍मा छै कहैबला जकरे-तकरेमे बिस्‍बास नै कर, महज ओइसबसङे परमेस्‍वरके आत्‍मा छै कि नै छै, जाँचके देख कथिलेत बहौत झुठा अगमबक्‍तासब सन्‍सारमे एलछै।

२ कोरन्‍थी 2:17

हमसब आपन फैदाके लेल परमेस्‍वरके बचन परचार करैबला बेपारी नै चियै। महज हमसब इमान्‍दार भ्‍याके खिरिस्‍टके सेबकके रुपमे परमेस्‍वर हमरासबके देखैछै से बात जाइनके ओकर बचन परचार करैचियै।

याकुब 1:6

महज माङैत खिना सङका नै कैरके बिस्‍बासके साथ माङे। सङका करैबला लोक समुन्‍दरके हिलकोर जखाछै जे हबासे उठैछै आ खसैछै।

एफिसी 6:11

सैतानके सब योजनासबके बिरोध करैले परमेस्‍वरके देल सब हाथ-हथियार उठा।

मतीके लिखल सुसमाचार 24:24

कथिलेत झुठा खिरिस्‍ट आ झुठा अगमबक्‍तासब देखा परतौ। सम्‍भब त अचमके कामसब आ चेन्‍हासब देख्‍याके परमेस्‍वरके छानल लोकसबके बहकेतौ।

२ तिमोथी 4:3

कथिलेत आब एहेन समय आइबरहल छै कि लोकसब सहि सिक्‍छाके बात सुनैले बरदास नै करतै। बरु आपने इक्‍छाके पछा भाग्‍तै। उसब आपन इक्‍छासे ओहै गुरुसबके ढेरियाइतै जे ओइसबके सुनैले मज्‍जा लागैबला बातसब सुनाइतै।

यहुदा 1:12

तोरासबके परेम भोजमे यि लोकसब कलंक चियौ। उसब दोसर गोराके वास्‍ता नै कैरके आपन पेट भरैके धियानमे रहैछै। उसब पानी बिनाके बादल जखाछै, जकरा हबा उराके ल्‍याजाइछै। उसब आपन समयमे फल नै फरैबला आ जैरसे उखैरके मरल गाछसब जखा चियै।

परकास 19:20

महज उ जानबर आ ओकर अगा अचमके चेन्‍हा देखाइबला झुठा अगमबक्‍ता दुनु पकराउमे परलै। एहैन अचमके कामसे झुठा अगमबक्‍ता ओइ जानबरके छाप लगाइबला आ मुरती पुजा करैबलासबके बहकाइने छेलै। दुनुके जिबिते आइगके धिधरामे फेक देल्‍कै।

गलाती 3:1

हे मुरुख गलातीके बिस्‍बासी लोकसब, तोरासबके के मोहनी लग्‍याके मोइह लेल्‍कौ? तोरेसबके आँखेके अगा येसु खिरिस्‍ट कुरूसमे टाङलगेल बात अस्‍पस्‍ट रुपसे कैहदेनेछेलौ।

मतीके लिखल सुसमाचार 24:11

बहुतो झुठा अगमबक्‍तासब एतै, उ बहुतो लोकके बहकेतै।

१ युहन्‍ना 2:26

हम यि सब बात तोरासबके भरममे पारैबलासबके बारेमे लिख्‍नेचियौ।

२ तिमोथी 3:13

महज दुस्‍ट आ ढोङी लोकसब दोसरके धोखा दैछै आ उ आपनो धोखा खाइत बिगरैते जाइछै।

२ कोरन्‍थी 4:2

हमसब सब किसिमके घोसैरके करैबला सरमके कामसब त्‍यागनेचियै। हमसब धुर्‌त काम नै करैचियै नै त परमेस्‍वरके बचनके गलत हिसाबसे परयोग करैचियै। महज परमेस्‍वरके सामने हमसब खिरिस्‍टके बारेमे सत बात मातरे बोलैचियै, ताकि कोनो लोकसबके मनमे हमसब छल करैचियै कैहके दोस लगाइले नै पाबे।

मतीके लिखल सुसमाचार 11:7

तब बप्‍तिस्‍मा दैबला युहन्‍नाके चेलासब गेलाकेबाद येसु भिरके लोकसबके युहन्‍नाके बारेमे कहल्‍कै, “तुसब उजार जगहमे कथी देखे गेल छेल्‍ही? कि हबामे हिलैत नरकट के?

१ कोरन्‍थी 12:2

तोरासबके थाहे छौ कि, जब तुसब परभुमे बिस्‍बास नै करनेछेल्‍ही, तब कोनो न कोनो परकारसे भटैकके बोले नै सकैबला मुरुतीसबके पुजा करैछेल्‍ही।

परेरित 23:21

महज अहाँ ओइसबके बिन्‍ती सुइकार नै करबै, कथिलेत उसबमेसे चालिस गोरेसे बेसी लोकसब पावलके नै मारैतक हमसब खानपिन नै करबै कैहके किरिया खेनेछै। अखनियो उसब मौकामे छै मातरे अहाँके आसमे असियालछै।”

१ युहन्‍ना 2:19

उसब अपनासबके लोक नै रहै, तहै खातिर अपनासबके छोइरके चैलगेलै। यदि उसब अपनासबके लोकसब रहतियै त आपनेसबके सङे रहतियै। उसब अपनासबके नै चियौ से बात परस्‍टे छै से देखाइले उसब अपनासबके छोइरके चैलगेलै।

२ पतरुस 2:18

उसब घमन्‍डी आ मुरुख बात करैछै आ देहके लालसा देखाके भरखर खराब रस्‍तासे बाहर एलहा लया बिस्‍बासीसबके फसाबैछै।

याकुब 3:4

तैहनङ कैरके बरका पानी जहादो तेज बहैबला हबासे चलैछै। तैयो जहाज चलाइबला ओकरा छोट पतबारसे जने भरा मन हैछै तने भरा घुम्‍याके लजाइले सकैछै।

१ तिमोथी 3:6

अगुवा भरखरके बिस्‍बासी नै हैकेचाही। नै त अनङ नै हेबे कि उ घमन्‍डसे फुइलके सैतान जखा दन्‍डके भागिदार हेबे।

२ तिमोथी 1:15

तोरासबके थाहे छौ कि, एसियामे रहैबला सबगोरे हमरा छोइरके चैलगेलै, तै मेसे फुगेलस आ हरमोगेनस सोहो चियै।

१ कोरन्‍थी 3:19

कथिलेत परमेस्‍वरके अगा सन्‍सारके बुइध त मुरुख बात चियै। जनङ पबितर धरमसास्‍तरमे लिखल छै, “उ बुधिमानसबके ओइसबके चतुराइमे पकरैछै।”