एफिसी 3:5 - मध्‍य पुरविया थारू

⁵ पहिने यि रहसके बात औरो कोनो लोकके थाह नै देनेरहै, महज अखुन यि रहसके बात आपन पबितर परेरित आ अगमबक्‍तासबके परमेस्‍वर आपन पबितर आत्‍मासे परकट कैरदेनेछै।

एफिसी 3:5 Referans Kwoze

यहुदा 1:17

महज, हे पिरिय भाइ-भैयासब, अपनासबके परभु येसु खिरिस्‍टके परेरितसबके पहिने कहलहा बातसब याद कर।

२ पतरुस 3:2

पहिनेके पबितर अगमबक्‍तासबके बोलल अगमबानी आ तोरासबके परेरितसबसे अपनासबके परभु आ मुक्‍ती दैबला परभुके देल आग्‍या तोरासबके सम्‍झैले परतौ।

एफिसी 2:20

परेरित आ अगमबक्‍तासबके खुनल जगमे बनल घर तुसब चिही। यि जगके मुल खम्‍हा येसु खिरिस्‍ट आपने चियै।

एफिसी 3:9

सब चिजके सिरिस्‍टी करैबला परमेस्‍वरमे जुगो-जुगतक घोसाइरके राखल रहसके योजना कि चियै, से बात सबलोकके खुलस्‍त रुपमे बताइबला काम हमरा देने छै।

परेरित 10:28

पतरुस ओइसबके कहल्‍कै, “तोरासबके थाहे छौ कि, आन जातीसबसे सङहत करनाइ, ओइसबसङे भेटघाट करनाइ यहुदीके लेल अनुचित बात चियै। तैयो परमेस्‍वर हमरा कोनो लोकके अपबितर आ असुध नै बुझहैकेचाही से देखाइनेछै।

लुका 10:24

कथिलेत हम तोरासबके कहैचियौ, बहुत अगमबक्‍ता आ रजासब तोरासबके देखलहा यि बातसब देखैले आ सुनैले इक्‍छा करने छेलै, महज नै पाबल्‍कै।”

युहन्‍ना 14:26

महज पिता हमर नाममे पठाइबला सल्‍लाहकार पबितर आत्‍मा तोरासबके सब बात सिखाइतौ आ हमर कहल सब बात तोरासबके मन पाइरदेतौ।

मतीके लिखल सुसमाचार 13:17

हम तोरासबके साँचोके कहैचियौ, तोरासबके देखलहा आ सुनलहा बातसब बहुतो अगमबक्‍ता आ धरमी लोकसब देखैके आ सुनैके इक्‍छा करने छेलै। महज उसब देखैयोले आ सुनैयोले नै पाबल्‍कै।

रोमी 16:25

आब अपनासबके परमेस्‍वरके आदर आ सम्‍मान हेबे। हमर करल खिरिस्‍टके सुसमाचार परचारसे उ तोरासबके बिस्‍बासमे बलगर बनाइले सकलछै। येसु खिरिस्‍टके बारेमे हमर करल परचार, जे जुगो-जुगसे घोसाइरके राखल छेलै, आब परकट भेलछै।

युहन्‍ना 16:13

महज सतके आत्‍मा जब एतौ तब उ तोरासबके सब बातसब बुझाइतौ। उ आपने दिसनसे बात नै करतौ महज उ जे सुन्‍तौ, ओह्‍या तोरासबके कहतौ तब पाछे हैबला बातसब सोहो कहतौ।

मतीके लिखल सुसमाचार 23:34

ओहैसे हम तोरासबके लग अगमबक्‍तासब, बुधिमान लोकसब आ धरमगुरुसब पठेबौ। तोरासबमेसे कतहेक गोरा ओइसबके मारबिही आ कतहेकके कुरूसमे लटकेब्‍ही आ कतहेक गोरेके सभाघरमे कोरासे पिटबिही आ एक सहरसे दोसर सहर तक खिहारबिही।

लुका 11:49

अहै खातिर सबकुछ जानैबला परमेस्‍वर कहल्‍कै, ‘हम तोरासबके लगमे अगमबक्‍ता आ परेरितसबके पठाइबौ। महज ओइमेसे ककरो मारबिही त ककरो सताइबिही।’

१ कोरन्‍थी 2:10

परमेस्‍वर पबितर आत्‍मासे अपनासबके यि बात परकट करने छै। कथिलेकी पबितर आत्‍मा सब बात खोजैछै, अतहेक तक कि परमेस्‍वरके रहसके बातसब सेहो खोजि करैछै।

मतीके लिखल सुसमाचार 20:7

उसब जबाब देल्‍कै, ‘हमरासबके अखुनतक कोइ नै बारीमे काम करैके लेल अरहाइल्‍कै।’ उ गिरहत ओइसबके कहल्‍कै, ‘तुहुसब हमर अङगुर बारीमे ज्‍याके काम कर।’