एफिसी 3:17 - मध्‍य पुरविया थारू

¹⁷ तुसब बिस्‍बास करलासे खिरिस्‍ट तोरासबके हिरदयमे बास करतौ आ ओकर परेममे तोरासबके जैर बरहैत आ बलगर हैत ज्‍या कैहके हम परथना करैचियौ।

एफिसी 3:17 Referans Kwoze

कलस्‍सी 2:7

तुसब आपन बिस्‍बासके जैर ओकरमे गैहरतक गारने रह आ ओकरसङे आपन समबन्‍ध बलगर बनाइत जो। तोरासबके भेटल सिक्‍छा अनुसार बिस्‍बासमे अस्‍थिर भ्‍याके ओकरा धन्‍यबाद दैतरह।

१ युहन्‍ना 4:16

परमेस्‍वर अपनासबके परेम करैछै कैहके हमसब जानैचियै आ ओकर परेममे पुरा बिस्‍बास छै। परमेस्‍वर परेम चियै। जे परेममे रहैछै उ परमेस्‍वरमे रहैछै आ परमेस्‍वर ओकरमे बास करैछै।

युहन्‍ना 14:23

येसु ओकरा जबाफ देल्‍कै, “जे हमरा परेम करैछै, से हमर बचन पालन करैछै। हमर पिता ओकरा परेम करतै तब हमर पिता आ हम ओकरलग ज्‍याके ओकरसङे रहब।

गलाती 2:20

हमर पहिन्‍का स्‍वभाब खिरिस्‍टेसङे कुरूसमे मरल छै। आबसे हम नै महज खिरिस्‍ट हमरमे जियैछै। जे जिबन अखन हम सरिरमे जियैचियै से परमेस्‍वरके बेटामे बिस्‍बास कैरके जियैचियै कथिलेत उ हमरा परेम करल्‍कै आ हमर खातिर उ बलिदान भेलै।

रोमी 5:5

अहै आसाके कारन हमसब निरास नै हेबै कथिलेत परमेस्‍वर अपनासबके पबितर आत्‍मा देने छै आ पबितर आत्‍मासे परमेस्‍वर अपनासबके हिरदयमे आपन परेम भरनेछै।

परकास 3:20

देख, हम केबारके देहरीमे ठार भ्‍याके ढकढकाइबौ। कोइ हमर सोर सुनके केबार खोइलदेतै त, हम ओकर कते भितर एबै आ ओकरसङे भोजन खेबै आ उ हमरसङे भोजन खेतै।

२ कोरन्‍थी 6:16

परमेस्‍वरके मन्‍दिरके मुरतीसङे कोन समबन्‍ध? कथिलेकी हमसब त जिबित परमेस्‍वरके मन्‍दिर चियै। जनङकी परमेस्‍वर कहनेछै, “हम ओकरासबमे बास करबै आ ओकरासबके बिचमे चल-फिर करबै। हम ओकरासबके परमेस्‍वर हेबै आ उसब हमर परजा हेतै।

१ युहन्‍ना 4:4

हमर धियापुतासब, तुसब परमेस्‍वरके चिही आ तुसब झुठा अगमबक्‍तासबके जितनेचिही कथिलेत तोरासबमे रहल पबितर आत्‍मा सन्‍सारमे भेल आत्‍मासे सक्‍तिसाली छै।

कलस्‍सी 1:27

यि महान रहसके बात गैर-यहुदीयो लोकसब बुझे कैहके परमेस्‍वरके योजना चियै। यि रहसके बात एह्‍या चियै, खिरिस्‍ट तोरासबमे बास करैछौ, जे गौरबके आसा चियौ।

कलस्‍सी 1:23

साँचोके तुसब आपन बिस्‍बासमे अस्‍थिर आ बलगर भ्‍याके सुनल सुसमाचारके आसासे पछा नै हट। एह्‍या सुसमाचार चियै, जे सन्‍सारके सब लोकसबके परचार करलगेलछै। हम पावल सेहो एह्‍या सुसमाचार सुनाइले परमेस्‍वरके सेबक भेलचियै।

युहन्‍ना 17:23

हम ओकरासबमे आ अहाँ हमरमे चियै। अहिनङके उसब पुरा रुपसे एक हेबे आ अहाँ हमरा पठाइनेचियै आ जहिनङे अहाँ हमरा परेम करैचियै तहिनङे हमरमे बिस्‍बास करैबलासबके परेम करैचियै से सन्‍सारके लोकसब जाने।

युहन्‍ना 14:17

उ पबितर आत्‍मा चियै जे सब सत्‍यतामे अगुवाइ करैछै। जकरा सन्‍सार गरहन नै करे सकैछै कथिलेत सन्‍सार ओकरा नै देखैछै नै चिन्‍हैछै। महज तुसब ओकरा चिन्‍हैचिही कथिलेत उ तोरासबसङे-सङे रहतौ आ उ तोरासबमे बास करतौ।

लुका 6:48

उ एकटा घर बनाइबला मिसतिरी नहाइत हैछै, जे गैहरसे जग खुइनके आपन घर खनखनियामे बनाइल्‍कै। जब बरका बरसा भेलै, बाइरह एलै, बिहाइर एलै तबो ओकर घरके कोनो छति नै भेलै, कथिलेत उ घर बलगर बनाइने छेलै।

मतीके लिखल सुसमाचार 13:6

महज टह-टह रौद उग्‍लाके बाद टुसासब मौरागेलै आ सिर नै लग्‍लाके कारन उ सुइखगेलै।

गलाती 5:6

खिरिस्‍ट येसुमे नै त खतनाके नै त बेखतना कोनो मोल छै। महज एकेटा बातके मोल छै, उ यि चियै, अपनासब बिस्‍बासके कारन एक-दोसरके परेम करैचियै।

युहन्‍ना 6:56

हमर देह खाइबला आ हमर लहु पियैबला हमरमे रहैछै आ हम ओकरमे रहैचियै।

१ कोरन्‍थी 8:1

आब हम मुरुतिके चरह्‍याल खाइबला चिजके बारेमे कहैचियौ। अपनासब जान्‍बे करैचियै कि, अकर बारेमे अपनासब सङे ग्‍यान छै। ग्‍यान लोकके घमन्‍डी बनाबैछै महज परेम लोकके उन्‍नती कराबैछै।

१ कोरन्‍थी 3:6

हम बिया छिटलियै, अपोल्‍लोस पानी पटाइल्‍कै महज बरहाबैबला काम त परमेस्‍वरे करल्‍कै।

२ कोरन्‍थी 13:5

तुसब बिस्‍बासमे चिही कि नै चिही से आपनेसे जाँइचके देख। यदि जाँचमे असफल नै हेब्‍ही त खिरिस्‍ट तोरासबमे छौ कैहके थाहे हेतौ।