एफिसी 1:9 - मध्‍य पुरविया थारू

⁹ ओकरे सब ग्‍यान आ बुइधमे परमेस्‍वर खिरिस्‍टमे पुरा करबै कैहके सोचलहा गुप्‍त योजनो अपनासबके देखाइल्‍कै।

एफिसी 1:9 Referans Kwoze

२ तिमोथी 1:9

परमेस्‍वरे हमरौरके बचेल्‍कै आ आपन पबितर बोलाबटसे बोलाइल्‍कै। हमरौरके काम देखके नै, महज उ आपन इक्‍छा आ अनुगरहसे करने छै, जे उ खिरिस्‍ट येसुमे जुगो-जुग पहिनेसे हमरासबके देने छेलै।

एफिसी 1:11

कथिलेत सब बात परमेस्‍वरके योजना आ इक्‍छा अनुसार भेलछै। परमेस्‍वर अपनासबके आपन खुसिसे खिरिस्‍टमे छानल्‍कै। यि बात उ पहिनेसे करल योजना अनुसार भेल छेलै।

एफिसी 3:11

परमेस्‍वर यि बात आपन अनन्‍त योजनाके अनुसार अपनासबके परभु येसु खिरिस्‍टमे पुरा करल्‍कै।

गलाती 1:12

कथिलेकी हमरा यि कोनो लोकसे नै मिलल छै, नै यि हमरा सिखाइने छेलै, महज येसु खिरिस्‍ट आपनेसे हमरा परकट करने छै।

१ तिमोथी 3:16

परमेस्‍वरके परकट करल सत्‍यके सन्‍देस अचमके चियै आ अकरा कोइ नै इन्‍कार करे सक्‍तै। खिरिस्‍ट मानब बैनके परगट भेलै आ पबितर आत्‍मासे धरमी ठहरल गेलै। स्‍वरगदुतसब ओकरा देखल्‍कै आ जाती-जातीके बिचमे ओकर बारेमे परचार भेलै। सन्‍सारमे लोकसब ओकरा बिस्‍बास करल्‍कै आ उ महिमाके सङे स्‍वरगमे उठ्‍यालगेलै।

रोमी 8:28

अपनासबके थाहछै कि, परमेस्‍वरके परेम करैबला आ ओकर उदेस्‍य अनुसार बोल्‍याल लोकसबके लेल सब बातमे परमेस्‍वर भलाइ करैछै।

गलाती 1:16

परमेस्‍वर हमरेसे गैर-यहुदीमे परचार हेबे कैहके आपन बेटाके हमरलग परकट करल्‍कै। तै बखत हम कोनो लोकसे सरसल्‍लाह नै करलियै।

परेरित 13:48

जब गैर-यहुदीसब यि बात सुनल्‍कै, तब उसब खुसी भेलै आ परमेस्‍वरके बचनके गुनगान करल्‍कै आ अनन्‍त जिबनके खातिर नियुक्‍त भेल्‍हा सबलोक बिस्‍बास करल्‍कै।

मतीके लिखल सुसमाचार 13:11

उ आपन चेलासबके जबाफ देल्‍कै, “तोरासबके त स्‍वरगके राजके भितरी भेद जानैले देने छौ, महज ओकरासबके नै देने छै।

परेरित 4:28

ओह्‍यासब करैले अहाँ आपन सक्‍तिसे आ आपन योजना अनुसार निस्‍चित करने रहिहे।

परेरित 2:23

परमेस्‍वरके आपन निस्‍चित योजना आ ग्‍यान अनुसार पकरल गेलै। एह्‍या येसुके अधरमी लोकसबके हाथसे तुसब कुरूसमे किल्‍ला ठोइकके मारलिही।

लुका 2:14

“स्‍वरगमे परमेस्‍वरके महिमा आ पिरथिबीमे जै लोकसबसे परमेस्‍वर खुसीछै, ओकरासबके सान्‍ती।”

लुका 12:32

ताब येसु चेलासबके कहल्‍कै “हे हमर छोट जेर, नै डेरा! कथिलेत परमेस्‍वर तोरासबके आपन राज दैले खुसिसाथ तयार भेलछौ।

रोमी 11:25

हे हमर भाइ-भैयासब, हम तोरासबके एकटा रहसके बात थाह हेबे कैहके चाहैचियौ। उ बात तोरासबके थाह हेतौ त तुसब आपनेके बुधिमान ठाइनके घमन्‍ड नै करबिही। उ रहसके बात यि चियै कि, खिरिस्‍टमे आबैबला गैर-यहुदीसब बिस्‍बास नै करैतक बहुतो इजराएलीसबके हिरदय कठोर हेतै।

१ कोरन्‍थी 1:21

सन्‍सारके लोकसब आपन बुइधसे परमेस्‍वरके चिन्‍हैले नै सक्‍लै, तैल्‍याके उ आपन बुधिमानी योजना अनुसार अपनासबके परचार करल मुरुख बातसबसे बिस्‍बास करैबलासबके बचाइले चाहल्‍कै।

गलाती 1:15

महज हमर जलम हैसे पैहनैये परमेस्‍वर हमरा अलग करल्‍कै आ अनुगरहसे हमरा आपन काम करैले बोलाइल्‍कै।

एफिसी 1:8

एह्‍या अनुगरह उ अपनासबके उपर परसस्‍त कैरके देनेछै।