एफिसी 1:18 - मध्‍य पुरविया थारू

¹⁸ हम एहो परथना करैचियौ कि, तोरासबके हिरदयके आँख खुले आ कोन आसाके लेल उ तोरासबके बोलेल्‍कौ आ पबितर जनसबमे ओकर महिमीत उतराधिकारके सम्‍पैत कि चियै, से तुसब जानैले सक।

एफिसी 1:18 Referans Kwoze

परेरित 26:18

तु ओकरासबके आँख खोइलके अन्‍हारसे इजोतमे आ सैतानके बन्‍धनसे परमेस्‍वर दिसन घुमाबे। जैसे उसब हमरमे बिस्‍बास करे आ ओकरसबके पाप छमा भ्‍याजाय आ परमेस्‍वरके पबितर करल लोकसब रहल ठाममे रहे पाबे।’

२ कोरन्‍थी 4:6

“अन्‍हारमे इजोत चम्‍के” कहैबला परमेस्‍वरे हमरासबके हिरदयमे इजोत चमकाइनेछै। अहैलेल परमेस्‍वरके महिमा महान चियै कैहके हमसब जानैचियै। साँचोके उ महिमामय ग्‍यानके इजोत खिरिस्‍टके चेहरामेछै।

लुका 24:45

तब येसु ओकरासबके धरमसास्‍तरसब बुझैले समझसक्‍ती खोइल देल्‍कै,

एफिसी 1:7

ओकर महान अनुगरह अनुसार खिरिस्‍ट आपन लहु बहेलासे अपनासब उधार आ पाप छमा पाबनेचियै।

एफिसी 5:8

पहिने तुसब अन्‍हारमे छेल्‍ही महज आब परभुके लोक भेलाके कारन इजोतमे चिही। तैखातिर तुसब इजोतके धियापुतासब जखा बेबहार कर।

एफिसी 3:16

ओकर महान सम्‍पैत आ आत्‍मासे तोरासबके सक्‍ती मिले। उ सक्‍ती तोरासबके आत्‍म बल बरहैत जाए कैहके हम परमेस्‍वरसङे परथना करैचियौ।

एफिसी 4:4

देह एके चियै आ पबितर आत्‍मो एके चियै। तहिनङ तोरासबके एके आसामे बोलाइनेछौ।

तितस 3:7

जै कारन ओकर अनुगरहसे धरमी भ्‍याके अपनासब असा करल अनन्‍त जिबनके हकदार बैन सकी।

२ थेसलोनिकी 1:11

अहै खातिर तोरासबके लेल हमसब लगातार परथना करैचियौ, जे अपनासबके परमेस्‍वर तोरासबके आपन बोलाबाके योग्‍यके बनाबे आ ओकर सब असल कामसब आ बिस्‍बासके काम ओकर सक्‍तीसे पुरा कैर देबे।

एफिसी 4:1

ओहैसे हम परभुके सेबा करैबला कैदी, तोरासबके बिन्‍ती करैचियौ, कि जे बोलाबटमे परमेस्‍वर तोरासबके बोलाइनेछौ तै अनुसारके जिबन बिता।

१ तिमोथी 6:12

बिस्‍बासके उतम लराइ लर। अनन्‍त जिबनके पकरने रह, कथिलेकी यह्‍या जिबनके लेल परमेस्‍वर तोरा बोलेल्‍कौ आ अहैके लेल तु बहुतो गोराके अगा आपन असल साक्‍छी देने चिही।

१ पतरुस 5:10

तुसब कुछ समय कस्‍ट भोग्‍लाके बाद, अनुगरहसे भरल अपनासबके परमेस्‍वर, जे तोरासबके खिरिस्‍टमे अनन्‍त महिमामे सहभागी हैकेलेल बोलाइनेछौ। उ आपनेसे तोरासबके फेनसे अस्‍थापना करतौ, सिध करतौ, बलगर बनाके अस्‍थिर कराइतौ।

एफिसी 1:11

कथिलेत सब बात परमेस्‍वरके योजना आ इक्‍छा अनुसार भेलछै। परमेस्‍वर अपनासबके आपन खुसिसे खिरिस्‍टमे छानल्‍कै। यि बात उ पहिनेसे करल योजना अनुसार भेल छेलै।

हिबरु 10:32

बितलहा दिनसबके याद कर, ओइ बखत परमेस्‍वरके ग्‍यान पाइबके तुसब बहुत दुख कस्‍ट भोगलिही, तैयो तुसब हार नै मानलिही।

१ थेसलोनिकी 2:12

तोरासबके चालचलन परमेस्‍वरके नजरमे योग्‍य हेबे से उदेस्‍यसे हमसब तोरासबके अरतिउपदेस, उत्‍साह आ बिन्‍ती करैत रहलियौ। कथिलेकी परमेस्‍वर आपन राज आ महिमामे तोरासबके सहभागी हैकेलेल बोलाइछौ।

२ कोरन्‍थी 4:4

सैतान, जे अइ सन्‍सारके देबता चियै से महिमीत सुसमाचारके इजोतके नै देखे कैहके खिरिस्‍टमे बिस्‍बास नै करैबला लोकसबके बुझैबला सक्‍तीके आन्‍हर बन्‍यादेनेछै।

तितस 2:13

अकर सङे-सङे, अपनासब आसा करल बात पुरा हैबला दिनके रस्‍ता ताकैचियै, उ दिन अपनासबके महान परमेस्‍वर आ मुक्‍ती दैबला येसु खिरिस्‍ट आपन महिमामे परकट हेतै।

२ थेसलोनिकी 2:16

आब अपनासबके परभु येसु खिरिस्‍ट आ अपनासबके परमेस्‍वर पिता अपनासबके परेम करल्‍कै। उ आपन अनुगरहसे अनन्‍त उत्‍साह आ असल आस देल्‍कै।

१ थेसलोनिकी 5:8

महज अपनासब दिनके धियापुता भेलाके कारन, चौकल रह। अपनासब बिस्‍बास आ परेमके कबच लगा आ मुक्‍तीके आसाके टोपी पिन्‍हके होसियार रह।

एफिसी 3:8

खिरिस्‍टके पबितर जनसबमेसे हम सबसे तुच्‍छ चियै तैयो खिरिस्‍टके महान सम्‍पतीके सुसमाचार गैर-यहुदीसबके सुनाइबला बरदान परमेस्‍वर हमरा देल्‍कै।

मतीके लिखल सुसमाचार 13:15

‘कथिलेत यि लोकसबके मन कठोर भ्‍यागेलछै आ ओइ लोकसबके कान बैहर भ्‍यागेल्‍छै, उसब आपन आँख मुइन लेने छै, नै त उसब आँखसे देखतियै, कानसे सुनतियै आ मनसे बुझतियै आ घुइमके हमरलग एतियै आ हम ओइसबके निक करतियै।’

१ पतरुस 3:9

खराबीके बदला खराबी या अपमानके बदला अपमान नै कर। बरु खराबीके बदला आसिस दहै, कथिलेकी यह्‍या करैके लेल परमेस्‍वर तोरासबके बोलाइनेछौ आ तुहुसब आसिस पाबबिही।

हिबरु 6:4

कथिलेत उसब, जे एकबेर परमेस्‍वरके इजोत पाबनेछै, स्‍वरगके बरदानके सबाद पाबनेछै आ पबितर आत्‍मामे सहभागी भेलछै,

कलस्‍सी 3:15

खिरिस्‍टके सान्‍तीके तुसब आपन हिरदयमे राज करैले दहै। एह्‍या सान्‍तीके खातिर परमेस्‍वर तोरासबके एके देहमे बोलाइनेछौ। यि बातमे तुसब धन्‍यबादी बन।

कलस्‍सी 1:23

साँचोके तुसब आपन बिस्‍बासमे अस्‍थिर आ बलगर भ्‍याके सुनल सुसमाचारके आसासे पछा नै हट। एह्‍या सुसमाचार चियै, जे सन्‍सारके सब लोकसबके परचार करलगेलछै। हम पावल सेहो एह्‍या सुसमाचार सुनाइले परमेस्‍वरके सेबक भेलचियै।

कलस्‍सी 1:5

तोरासबके खातिर स्‍वरगमे सुरक्‍छित साथ राखल आसाके कारन एहेन बिस्‍बास आ परेम करैचिही। यि असाके बिसयमे तुसब पहिनेसे सतके बचन अरथात सुसमाचार सुन्‍नेचिही।

एफिसी 2:12

ओइ बखत तुसब खिरिस्‍टके नै चिन्‍हैबला लोक छेल्‍ही। तुसब परमेस्‍वरके छानल इजराएलीसबसङे समबन्‍ध नै भेल्‍हा बिदेसी छेल्‍ही। परमेस्‍वर आपन लोक इजराएलीसङे करल परतिग्‍यासबसे जोरल करारमे तोरासबके कोनो जगह नै छेलौ, तब सन्‍सारमे तुसब बिना आस आ बिना परमेस्‍वरके छेल्‍ही।

गलाती 5:5

महज हमसब खिरिस्‍टमे बिस्‍बास करलासे पबितर आत्‍मा अपनासबके परमेस्‍वरके अगा धरमी ठहरैबला आसाके बाट ताकैले लगाइतौ।

१ पतरुस 1:3

परमेस्‍वर आ अपनासबके परभु येसु खिरिस्‍टके पिताके महिमा हेबे। ओकर महान दयासे हमसब लया जलम पाबनेचियै। उ लया जलम येसु खिरिस्‍टके पुनरुथानसे हमसब पाबनेचियै। ओहैसे अपनासबके जिबित आसा यि चियै कि,

परेरित 16:14

ओते थिआटिरा सहरमे रहैबाली एकटा लिडिया नामके जनी रहै जे बैजनी रङके बस्‍तरके बेपार करैतरहै। उ परमेस्‍वरके मानैत रहै आ हमरासबके बात सुइन रहल छेलै। पावलके बात धियानसे सुनौक आ बिस्‍बास करौक कैहके परभु ओकर मनके देहरी खोइल देल्‍कै।

फिलिप्‍पी 3:14

ओहैसे स्‍वरगके इनाम जितैके बिचारसे लक्‍छ दिसन अगा बरहैचियै। अकरे लेल परमेस्‍वर हमरा खिरिस्‍ट येसुसे अनन्‍त जिबनमे बोलाइनेछै।

मरकुस 10:17

जब येसु रस्‍तामे जाइछेलै तब एकटा लोक दौरके ओकर अगा एलै आ ठेङहुनिया दैत कहल्‍कै, “हे असल गुरु जी, अनन्‍त जिबन पाबैले हमरा कथी करेपरतै?”

रोमी 2:4

या कि तु परमेस्‍वरके महान किरपा, सहनसिलता आ धिरजके तुच्‍छ सम्‍झैचिही? परमेस्‍वर आपन किरपासे तोरा पापसे पस्‍चाताप करैके मौका देनेछौ से बात कि तोरा थाह नै छै?

रोमी 11:29

कथिलेत परमेस्‍वर आपनेसे देल बरदान कहियो फिरता नै लैछै आ बोल्‍यालसबके कहियो नै छोरैछै।

कलस्‍सी 1:12

ओकरलेल परमेस्‍वर पिताके खुसीसे धन्‍यबाद दहै। परमेस्‍वरके इजोतके राजमे खिरिस्‍टके पबितर जनसबके पाबैबला बात तोरोसबके पाबैले सकैबला बनाइनेछौ।

कलस्‍सी 1:27

यि महान रहसके बात गैर-यहुदीयो लोकसब बुझे कैहके परमेस्‍वरके योजना चियै। यि रहसके बात एह्‍या चियै, खिरिस्‍ट तोरासबमे बास करैछौ, जे गौरबके आसा चियौ।

कलस्‍सी 2:2

हम अनङ करनेचियै ताकी ओइसबके हिरदयमे साहस मिले आ परेममे सङे जुरल रहे। अनङ हेतै त उसब आत्‍मिक रुपसे एकदमसे धनिक भ्‍याके परमेस्‍वरके रहसके ग्‍यान जे येसु खिरिस्‍ट चियै ओकरा पुरा रुपसे बुझैले सक्‍तै।