एफिसी 1:13 - मध्‍य पुरविया थारू

¹³ तहिनङे तु गैर-यहुदीसब मुक्‍ती दैबला सतके बचन अरथात सुसमाचार सुइनके खिरिस्‍टमे बिस्‍बास करलिही। आपन परतिग्‍या करलहा पबितर आत्‍माके छाप तोरासबके लग्‍यादेनेछौ।

एफिसी 1:13 Referans Kwoze

२ कोरन्‍थी 1:22

अपनासबमे उ आपन छाप लगाइने छै आ बैनाके रुपमे पबितर आत्‍माके अपनासबके हिरदयमे बास करैले देने छै।

एफिसी 4:30

परमेस्‍वरके पबितर आत्‍माके दुखी नै बना, कथिलेत पबितर आत्‍मा तोरासबके छुटकाराके दिनके खातिर भेटल छाप चियौ।

२ तिमोथी 2:19

महज तैयो परमेस्‍वरके आपनेसे बनेल्‍हा जग सबदिन अटल छै। ओइ जगमे एहेन लिखल छै: “परभु आपन लोकसबके चिन्‍हैछै” आ “परभुके नाम लैबला सब गोरा खराब कामसे दुर रहे परतै।”

१ थेसलोनिकी 2:13

हमसब परमेस्‍वरके धन्‍यबाद चरहाइते रहैचियै, कथिलेकी जै परमेस्‍वरके सत बचन हमसब तोरासबके सुनेलियौ तुसब उ बचन लोकसबके चियै कैहके नै महज परमेस्‍वरके सत बचन छै बुइझके गरहन करलिही। उ बचन तोरासबके बिस्‍बासीसबके जिबनमे काम कैर रहल छौ।

रोमी 4:11

ओकर खतना बिस्‍बास दुवारा धरमी ठहरल चेन्‍हा चियै। अहिनङ कैरके उ खतना नै करल महज परमेस्‍वरमे बिस्‍बास कैरके धरमी ठहरैबला लोकसबके आत्‍मिक पुरखा भेलै।

तितस 2:11

कथिलेत परमेस्‍वरके अनुगरह सब लोकसबके मुक्‍ती दैले परकट भेल छै।

गलाती 3:14

अहैसे अबराहमके देल आसिस खिरिस्‍ट येसुसे औरो जातीके लोकसबके मिलैछै आ परमेस्‍वरके परतिग्‍या करल पबितर आत्‍मा अपनासब बिस्‍बाससे पाबैले सकैचियै।

रोमी 1:16

हमरा यि सुसमाचार सुनाइले लाज नै लागैछै, कथिलेकी बिस्‍बास करैबला सबलोकके मुक्‍ती दैकेलेल यि सुसमाचार परमेस्‍वरके सक्‍ती चियै, जे पहिने यहुदीसबके लेल आ बादमे गैर-यहुदीयोसबके लेल चियै।

परेरित 2:33

अहैसे परमेस्‍वर पिता आपन देहना हाथ कात बैठेल्‍कै आ आपन परतिग्‍या अनुसार ओकरा पबितर आत्‍मा देल्‍कै। ओह्‍या पबितर आत्‍मा हमरासबके देने छै, जे अहाँसब देखैचियै आ सुनैचियै।

युहन्‍ना 14:26

महज पिता हमर नाममे पठाइबला सल्‍लाहकार पबितर आत्‍मा तोरासबके सब बात सिखाइतौ आ हमर कहल सब बात तोरासबके मन पाइरदेतौ।

युहन्‍ना 1:17

कथिलेत बेबस्‍था मोसासे एलै, महज अनुगरह आ सत्‍यता येसु खिरिस्‍टसे एलै।

लुका 24:49

हमर पिताके परतिग्‍या हम तोरौरके लग पठाइबौ। महज परमेस्‍वरके सक्‍ती नै पाबैतक अहै सहरमे असियाले रहिये।”

१ पतरुस 2:10

पहिने त तुसब परमेस्‍वरके जन नै छेल्‍ही, महज अखुन परमेस्‍वरके जन भेलचिही। पहिने तुसब परमेस्‍वरके दया नै पाबनेछेल्‍ही, महज अखुन तुसब परमेस्‍वरके दया पाबनेचिही।

रोमी 6:17

परमेस्‍वरके धन्‍यबाद हेबे, तुसब एकचोटी पापके दास छेल्‍ही महज तुसब अखुन आपन परमेस्‍वरसे सिखाल सिक्‍छा हिरदयसे पालन करैचिही।

परेरित 1:4

एकबेर जब उ ओइसबके सङे खाइले बैठलै, ओइसबके एहेन कैहके आग्‍या देल्‍कै, “तुसब यरुसलेम छोइरके कतौ नै जो, महज स्‍वरगके पिता पबितर आत्‍मा पठाइबौ कैहके करल परतिग्‍याके खातिर असियाल रह। यि त पैहने हमरसे तुसब सुइनलेने चिही।

युहन्‍ना 15:26

“हम पिताके तरफसे तोरासबके लेल सल्‍लाह दैबला पबितर आत्‍माके पठादेबौ। उ पितालगसे एल सत आत्‍मा चियै जे हमर बारेमे गबाही देतै।

परेरित 13:26

“ऐ, अबराहमके कुलके धियापुता आ ओकरौरके परमेस्‍वरके डर मानैबला चाहे उ आने जातीके कियनै हेबै, कथिलेत यि मुक्‍तीके खबर परमेस्‍वर अपनासबके खातिर पठाइने छै।

युहन्‍ना 6:27

नास हैबला भोजनके खातिर मेहनत नै कर महज अनन्‍त जिबन तक रहैबला भोजनके लेल मेहनत कर, जे मानबके बेटा तोरासबके देतौ। कथिलेत परमेस्‍वर पिता ओकर उपर आपन छाप लगादेनेछै।”

लुका 11:13

तुसब खराब हैतोपरभी आपन धियापुतासबके असल चिजसब दैले आबैछौ त, औरो तोरासबसे बेसी स्‍वरगमे रहैबला पिता, ओकरसङे माङेबलाके पबितर आत्‍मा दैछै!”

परकास 7:2

जिबित परमेस्‍वरके लाहट लेके एकटा स्‍वरगदुत पुरुबसे उपर दिसन आबैत हम देखलियै। पिरथिबी आ समुन्‍दरके नोक्‍सान करैबला अधिकार पाबलहा चारटा स्‍वरगदुतसबके उ जोरसे अनङ कहल्‍कै,

याकुब 1:18

उ आपन इक्‍छा अनुसार सत बचनसे अपनासबके लबका जलम देल्‍कै, ताकी हमसब ओकर सिरिस्‍टीके एकटा पहिल्‍का फल जखा भ्‍यासकी।

हिबरु 2:3

आब हमसब एहैन महान मुक्‍तीके वास्‍ता नै करबै त, अपनासब कनङके दन्‍डसे बाच्‍बै? यि मुक्‍तीके बारेमे सबसे पहिने परभु येसु आपनेसे परचार करल्‍कै आ ओकर बचन सुनैबलासब अपनासबके लेल पक्‍का परमानित कैरदेल्‍कै।

२ तिमोथी 3:15

तु छोटेसे पबितर धरमसास्‍तरमे लिखल बचनसे परिचीत चिही। ओहै बातसबसे खिरिस्‍ट येसुमे बिस्‍बास कैरके मुक्‍ती पाबैले ग्‍यान दैछौ।

२ तिमोथी 2:15

सरममे नै परैबला आ सतके बचनके ठिकसे चलाबैबला कामदार जखा आपनेके परमेस्‍वरमे गरहन हैकेलेल एकदमसे कोसिस कर।

एफिसी 4:21

साँचोके तुसब येसुके सिक्‍छा सुइनके ओकर चेला भेलाके कारन, ओकर बारेमे सत बात सिखनेचिही।

२ कोरन्‍थी 6:7

सत खबर परचार कैरके परमेस्‍वरके सक्‍तीसे हमसब काम करैचियै। लराइ करैबला हाथ-हथियार देहना हाथमे आ आपनके रक्‍छा करैबला हाथ-हथियार बमा हाथमे बोकैचियै। उ एकेटा हाथ-हथियार धारमिकता चियै।

युहन्‍ना 3:33

महज जे ओकर गबाही सुइकार करने छै, उ लोक परमेस्‍वर सत छै कैहके गबाही दैछै।

याकुब 1:21

अहै खातिर सब एहेन अधलाह आचरन आ नै निक बानी बेबहारसे अलग हो। नम्‌र भ्‍याके तोरौरके हिरदयमे राखल परमेस्‍वरके बचनके आपन बना कथिलेत ओहैसे तोरौरके उदार कैरसकैछौ।