कलस्‍सी 4:3 - मध्‍य पुरविया थारू

³ खिरिस्‍टके रहसके बात लोकसबके परचार करैले परमेस्‍वर केबार उघाइरदेबे कैहके हमरासबके लेल सेहो परथना कर। अहै रहसके परचार करैके कारनसे हम जहलमे परल चियै।

कलस्‍सी 4:3 Referans Kwoze

परेरित 14:27

बरनाबास आ पावल एन्‍टिओखियामे पुग्‍लै तब ओते मन्‍डलीके सब बिस्‍बासीके बोलाइल्‍कै। तब ओइसबके सुनाइल्‍कै जे परमेस्‍वर ओकरासबसङे केहन-केहन काम करल्‍कै आ कनङके उ गैर-यहुदीसबके खातिर बिस्‍बासके केबार खोइलदेल्‍कै।

कलस्‍सी 1:26

यि बात जुगो-जुग आ पुस्‍तो-पुस्‍ताके लोकसब बुझैले नै सकल छेलै महज आब उ खिरिस्‍टके पबितर जनसबके परकट कैरदेनेछै।

२ कोरन्‍थी 2:12

जब हम तरोआस सहरमे खिरिस्‍टके बारेमे सुसमाचार परचार करैले एलियै तब परभु हमर लेल दुवार खोइलदेने छेलै।

२ तिमोथी 2:9

ओह्‍या सुसमाचार जकर खातिर हम दुख काटैचियै आ अपराधी जखा झिझिरसे बान्‍हल चियै। महज परमेस्‍वरके बचनके बान्‍हे नै सक्‍तै।

फिलिप्‍पी 1:7

तोरासबके हम आपन हिरदयमे राखनेचियौ। तोरासबके बारेमे अनङ करनाइ हमरा ठिक लाग्‍लै कथिलेकी हम जहलमे रहैबेर आ बाहरमे रहैबेर सुसमाचार परचार आ अकरा जोगाइबला काममे परमेस्‍वरके देल अनुगरहमे तुसब हमरसङे सहभागी भेलचिही।

एफिसी 4:1

ओहैसे हम परभुके सेबा करैबला कैदी, तोरासबके बिन्‍ती करैचियौ, कि जे बोलाबटमे परमेस्‍वर तोरासबके बोलाइनेछौ तै अनुसारके जिबन बिता।

१ कोरन्‍थी 16:9

हमर बिरोध करैबलासब बहुतो भेलोपरभी परभाबसाली कामके लेल एकटा बरका केबार हमर लेल खुइल गेलछै।

१ कोरन्‍थी 4:1

तुसब हमरासबके खिरिस्‍टके सेबकसब आ परमेस्‍वरके रहसके बात परकट करैबला सम्‍झैले परतौ।

१ थेसलोनिकी 5:25

भाइसब, हमरोसबके लेल परथना करैतरह।

मतीके लिखल सुसमाचार 13:11

उ आपन चेलासबके जबाफ देल्‍कै, “तोरासबके त स्‍वरगके राजके भितरी भेद जानैले देने छौ, महज ओकरासबके नै देने छै।

फिलेमोन 1:22

दोसर बात यि चियै कि हमर लेल एकटा कोठली तयार कैरके राखने रहिये, कथिलेकी तोहर परथनाके कारनसे हम्‍हु तोहर लग आबैके आसा करनेचियै।

फिलिप्‍पी 1:19

कथिलेत हमरा थाहछै, कि तोरासबके परथनासे आ येसु खिरिस्‍टके आत्‍माके मदतसे हम छुटकरा पाब्‍बै।

२ तिमोथी 1:16

परभु ओनेसिफरसके घरानाके किरपा राखे, कथिलेत उ हमरा जतेक बेर भेटै ततेक बेर हौसला बरहाइत रहै। हमर हाथमे जंनजिर बान्‍हल छेलै तैयो उ लाज नै मानल्‍कै।

एफिसी 3:1

तैखातिर हम पावल, तु गैर-यहुदीसबके खातिर खिरिस्‍ट येसुके सुसमाचार सुनाइबला काम करैबखत जहलमे परलचियै।

रोमी 16:25

आब अपनासबके परमेस्‍वरके आदर आ सम्‍मान हेबे। हमर करल खिरिस्‍टके सुसमाचार परचारसे उ तोरासबके बिस्‍बासमे बलगर बनाइले सकलछै। येसु खिरिस्‍टके बारेमे हमर करल परचार, जे जुगो-जुगसे घोसाइरके राखल छेलै, आब परकट भेलछै।

एफिसी 3:3

परमेस्‍वर आपन भितरी योजना हमरा परकट करने छै। अकर बारेमे हम तोरासबके पैहनिए छोटकरीमे लिखने चियौ।

एफिसी 3:4

हमर लिखल बात परबिही त, हम खिरिस्‍टके रहसके बात कतहेक बुझने चियै से बात तोरासबके मालुम हेतौ।

एफिसी 3:9

सब चिजके सिरिस्‍टी करैबला परमेस्‍वरमे जुगो-जुगतक घोसाइरके राखल रहसके योजना कि चियै, से बात सबलोकके खुलस्‍त रुपमे बताइबला काम हमरा देने छै।

कलस्‍सी 4:18

हम पावल, यि गोरलगी आपने हाथसे लिखैचियौ। हम जहलमे परलचियौ से बात नै बिसर। परमेस्‍वरके अनुगरह तोरासबसङे रहे।

२ तिमोथी 4:2

परमेस्‍वरके बचन सुना। बेलोमे कुबेलोमे सुसमाचार सुनाइले नै छोर। पुरा-पुरी धिरजसे लोकसबके सम्‍झा, चेताबनी दहै आ असल सिक्‍छासे हिम्‍मत बरहा।