कलस्‍सी 4:2 - मध्‍य पुरविया थारू

² तुसब सचेत भ्‍याके धन्‍यबादी हिरदयके साथ परथनामे लागल रह।

कलस्‍सी 4:2 Referans Kwoze

फिलिप्‍पी 4:6

कोनो बातके चिन्‍ता नै कर, महज खाचो परल चिजके लेल परमेस्‍वरमे परथना कर आ ओकर करल सब असल चिजके लेल धन्‍यबाद दहै।

एफिसी 6:18

तुसब पबितर आत्‍माके सक्‍तीमे हर बखत परमेस्‍वरसे परथना कर। होसियार आ लगनसिल भ्‍याके हरदम खिरिस्‍टके पबितर जनसबके खातिर परथना करैतरह।

रोमी 12:12

आपन आसामे आनन्‍द कर, दुख-कस्‍टमे धिरज कर आ निरन्‍तर परथना करैतरह।

मतीके लिखल सुसमाचार 26:41

जागल रह आ जाँचमे नै परे खातिर तुसब परथना करैतरह। आत्‍मा त साँचोके तैयार छै महज देह दुरबल छै।”

लुका 18:1

तकरबाद चेलासबके सबदिन परथना करे आ निरास नै हेबे कैहके येसु ओइसबके एकटा खिसा कहल्‍कै,

लुका 21:36

महज यि सब बातसबसे बचैले आ मानब पुतरके अगामे ठडा हेबे सके तै सक्‍तिके लेल परमेस्‍वरसङे सबघरी जागल रह आ परथना कर।”

१ पतरुस 4:7

सब चिजके अन्‍त हैके समय चैल एलछै। ओहैसे तुसब आपन मनके सुध आ आपनेके बसमे राख ताकी तुसब असलसे परथना करे सक।

कलस्‍सी 1:9

तैखातिर हमसब यि बात जहियासे सुन्‍नेचियै तहियेसे तोरासबके खातिर हरदम परथना करैत आइबरहलचियौ। पबितर आत्‍मासे मिलल पुरा आत्‍मिक ग्‍यान आ समझसे परमेस्‍वरके पुरा इक्‍छा जानैले सक कैहके हमरासबके परथना छै।

मरकुस 13:33

तै खातिर होसियार भ्‍याके जालग रह आ परथना करैतरह! कथिलेत उ बखत कखनी एतौ से तुसब नै जानैचिही।

कलस्‍सी 3:17

तुसब किछो कहबिही तैयो, किछो करबिही तैयो सब बात परभु येसुके नाममे कर तब ओकरेसे परमेस्‍वर पिताके धन्‍यबाद चरहा।

कलस्‍सी 2:7

तुसब आपन बिस्‍बासके जैर ओकरमे गैहरतक गारने रह आ ओकरसङे आपन समबन्‍ध बलगर बनाइत जो। तोरासबके भेटल सिक्‍छा अनुसार बिस्‍बासमे अस्‍थिर भ्‍याके ओकरा धन्‍यबाद दैतरह।

कलस्‍सी 4:12

तोरासबके एकटा भाइ, खिरिस्‍ट येसुके दास इपाफरास सेहो गोरलगी पठाइनेछौ। उ तोरासबके खातिर हरदम जोरतोरसे परथनामे सम्‍झैत रहैछौ ताकी तुसब बलगर हो आ परमेस्‍वरके सब इक्‍छा पुरा रुपसे मानैले सक।

कलस्‍सी 3:15

खिरिस्‍टके सान्‍तीके तुसब आपन हिरदयमे राज करैले दहै। एह्‍या सान्‍तीके खातिर परमेस्‍वर तोरासबके एके देहमे बोलाइनेछौ। यि बातमे तुसब धन्‍यबादी बन।

परेरित 1:14

ओइमेसे कतहेक छौरी-मौगी आ येसुके माँ मरियम आ ओकर भाइसब सङे उसब एके मनके भ्‍याके लगातार परथना करैतरहै।